حد جرب زيوت كالتكس ؟

**Dr_Smart** · 31-01-2014 04:41 AM

السلام عليكم .. النهاردة كنت في بنزينة كالتكس قلت اسالهم .. اول مرة اعرف ان فيه زيت كالتكس هافولين تخليقي ومستورد مش مصري ( بس مش عارف بلد الصناعه ايه ) درجته SN 5w40 ال ٤ لتر ب ٢٩٠ جنيه .. حد جربه ؟؟؟

**khmshry** · 01-02-2014 06:14 PM

اللي اعرفه انه امريكي ومتعبي في نيوزيلاندا بس الصراحه لم اجربه بعد وناوي اجربه في عربياتنا ومش عارف مش واخد حقه ليه في البلد

**aymenhanafy82** · 14-03-2014 08:47 PM

انا لسا شاريه دلوقتي وحجربه معايا لانسر بس سمعت انه كويس جدا بس علي فكره متصنع في مصر في 6 اكتوبر زي توتال وشيل وموبيل

**Dr_Smart** · 14-03-2014 09:25 PM

المشاركة الأصلية كتبت بواسطة aymenhanafy82

انا لسا شاريه دلوقتي وحجربه معايا لانسر بس سمعت انه كويس جدا بس علي فكره متصنع في مصر في 6 اكتوبر زي توتال وشيل وموبيل

طيب تمام يا ريت تقولنا انطباعك عنه ومقارنته مع الانواع الاخرى اللي استخدمتها

بس انا مسكت العلبة بنفسي ومش مكتوب عليها صنع في مصر ولا عليها اي كلمة عربي .. فكرتني بالشل الترا لما كان بييجي من ماليزيا

يمكن حضرتك جبت كالتكس هافولين بس مش التخليقي ؟

**lanos2004** · 14-03-2014 09:49 PM

هوة كويس مجربه قبل كدة كان تمام

**aymenhanafy82** · 14-03-2014 11:35 PM

انا شاري التخليقي اللي هو اغلي حاجة 290 ومعاه فلتر هدية . معاك حق هو مش مكتوب عليه بس انا شوفت الكرتونة الكبيرة اللي بيتحط فيها 6 جراكن وكان مكتوب عليها التفاصيل

**أحمد عثمان** · 15-03-2014 02:04 PM

أنا استخدمت الزيت ده قبل كده

الحقيقة مش بطال وكان أداء الموتور جيد بس المشكله كلها إني حسيت إنه بيغمق بسرعة مش عارف هل ده عادي لأن من خواص زيوت المحركات إنها تعمل على تنظيف المحرك و لا دي مشكلة فعلاً بس زي ما قولت الأداء كان جيد .

أما بالنسبة للزيت ده

فأنا الحقيقة ناوي أحطه في التغيير اللي جاي , بس فيه بعض الملاحظات على زيوت كالتكس:

أولاً هي فعلاً بيتم تصنيعها في مصر في شركة شيفرون بمدينة السادس من أكتوبر و في ناس كتير مش بتشكر في التصنيع المصري.

ثانياً الزيت الأول بيتباع على إنه زيت 5000 كم و التاني بيتباع على إنه 10000 كم , و مع إن المعروف إن مستوي الخدمة بيحدد فترة تغيير الزيت , لو بصيت على العلبتين حتلاقي مستوى الخدمة واحد SN فالحقيقة دي حاجة تشكك , لأن المصنع ممكن يكون بيكتب أي كلام كويس عشان يبيع و خلاص.

طبعاً صعب حد يجزم بأي حاجة في موضوع الزيوت ده و التجربة هي أفضل وسيلة للمعرفة.

آسف على الإطالة.

**Dr_Smart** · 15-03-2014 05:00 PM

بالنسبة لزيوت كالتكس المعدنية عارف انها بتتصنع في مصر لكن عايزين نتاكد من التخليقي لأن انا قريت عالجركن مالقتش ولا كلمة عربي ومش مكتوب Egypt خالص .. كان مكتوب كذا بلد Singapore , Philippines حاجه كده

عموما زيت 20w50 ناس كتير مجرباه وهو ممتاز

لكن ال 5w40 معرفش حد جربه بس ناوي اجربه ان شاء الله

شكرا جزيلا جزاكم الله خيرا