الموضوع: رايكم فى تعديل وش وتابلوة ايبيزا 94 العربية

ازيك يا كيمو عامل اية لك واحشة كبيرة .

طيب الاول قولى اية ضرورية تغييير الشنطة والفوانيس الخلفية والاكصدام الخلفي هل علشان الشكل لو علشان الشكل بس دول برده كنت ناوى اعملهم بس مش دلوقتى ؟

طيب بالنسبة للقطعيه الأمامية ده هتركب على الابواب عادى ولا لأ ومرايات الابواب اية ضرورية تغيرها برده ؟

ولو عندك فكره على الماسك الامامى ده ممكن يدخله فى كام ؟


ونسيت تقولى على حوار التابلوه والعدادات هينفع ولا لأ ؟


اما فيما يخص الشراء والبيع ده هو بمنتهى البساطة العربية الى بتبقى عاملة حادثة ومتغير فيها كل ده لازم يكون فيها حاجة مسمعها فى الاساسيات وهى والجمد لله ما فيهاش بونطه لحام او رش داخلى تماما والى هيشترى بيقلب كويس وبيفهم بيجيب اية ، اما تغيير الوش ده ناس كتير بتعدل وحتى لوعاملة حادثه ما هو طبيعي انك هتغير الرفارف والاكصدام وكل حاجة برده هتبقى فابريكة بره لانهم هيبقوا استيراد او جداد او بمعنى ادق مش متسمكرين فاهمنى يا صديقي ، والعربية موديلها بقاله 20 سنة دلوقتى ووارد جدا انها تتخبط ما فيش عربية فىا لموديل ده فبريكة بره ابدا يعنى من عشرين 20 ما اتخبطتش او ما رشتيتش مستحيل على الرغم انى قدامى عربية نفس الموديل 94 مركونة من الزيرو بس عايزة عربية تتحط فيها .......

والله يا باشا لسه ما دخلتش فى تفاصيل عن اسعار ... قلت اطمن الاول عن الإجراء هينفع ويصلح ولا لأ ...

بص يا باشا اولا المرور مش هيسمحلك بتغيير ملامح العربيه بمعني انك لو غيرت الفوانيس و الاكسضام ممكن يعتبرك جايب نصين و مركبهم و تدخل في حوارات مالهاش لازمه
تاني حاجه لو غيرت التابلوه لازم تجيب الضفيره بتاعت الصالون عشان الضفيره في ال موديل ال تسعينات مختلفه 180 درجه عن بتاعت ال 2000 و ممكن طبعا الضفيره دي متركبش علي الكونترول بتاعك عشان اختلاف الكونترول
و اخر حاجه بقي العدادات ممكن تشتغل معاك الله اعلم بس اللي انا متأكد منه ان ال rpm مش هيشتغل عشان في الابيزا قبل موديل 2000 فيها دواسة البنزين علي كابل الموديلات من 2000 و بعد كده كلها دواسة بنزين كهرباء
انا مش عايز اقفلها في وشك بس انا مش عايزك تدخل في دوامه مالهاش لازمه و تقبل مروري