الموضوع: اختبارات التصادم في الكورولا 2014 ميئوس منها

المشاركة الأصلية كتبت بواسطة monamize4

مش عارف ليه حاسس ان الجماعة المتعصبيين للكورولا الجديدة هيدخلوا
يقولوا شعر فيها و يحسسوا الواحد انها مرسيدس مش كورولا
نفس الحكاية موجودة ف المنتدى ف بعض ملاك ال 301


طبعا مش كل كلام الكورولا و ال 301 كدا عشان محدش يفتكر ان الكلام عام
لكن للاسف بعض ملاك العربيتين دول تلاقيهم داخل ف اى موضوع و يتكلموا كان
العربيتين دول سوبر سبور و انهم سابقين الماركات المنافسه بكذا سنه ضوئية

اظن ان الموضوع دا مربك لبعض الناس اللى بتدور ع معلومة صادقة بدون تحييز
و اللى يضحك ف الموضوع ان الناس دول بيعملوا مواضيع عبيطة من عينة
(العربية دى بالذات محسودة) و (العربية دى بالذات بتخطف النظر) و كلام طفولى كدة
بجد نفسى اعرف اللى كتب الكلام دا عنده كام سنة


انا مبقولش ان العربيتين دول وحشين ,, بالعكس الكورولا طبعا عربية معروفة و سمعتها سبقاها
و ال 301 اثبتت نفسها من حيث الانتشار ,, فا بلاش شغل الافورة , امال لو كانوا راكبين
مرسيدس و لا بى ام و لا فولفو كان عملوا ايه ؟

الخلاصة ,, ياسيدى عربيتك حلوة و زى الفل بلاش بقى تقنع نفسك انك اخترت صح و مش
مضحوك عليك بان تفضل تفخم فيها و تقلل من المنافسين
و افتكر انك مش بتاخد عمولة ع الكلام دا
,
,
,
,
اه صحيح ,, ياريت محدش ياخد الكلام دا ع صدره

زميلي العزيز
انا مش بمدح لمجرد المدح ولا عشان هي عربيتي ولا بقول انها احسن عربية وكمان بديها حقها و مش بقول زيادة عن حقها. ولا بعمل مواضيع عبيطة !!!!!
لو حضرتك متابع لقسم تويوتا هتشوف مواضيعي و قد ايه انا تعبت فيها عشان افادة الناس فقط و ليس بأي نية اخرى !!!
و حضرتك اكيد شفت ردى في الموضوع ده و لو قريته هتلاقيه كلام موضعي و منطقي و عملي بالدليل و هذا للرد و الشرح و التوضيح لصاحب الموضوع علي الكلام اللي هو كاتبه ومش زى محضرتك بتقول خالص ""ان الجماعة المتعصبيين للكورولا الجديدة هيدخلوا
يقولوا شعر فيها و يحسسوا الواحد انها مرسيدس مش كورولا ""

وحضرتك لو شايف ان الشرح اللي قلته فيه اي تعصب او حاجة زيادة مالفها من دماغى ارجوك صلحها لي لاستفيد من خبرة حضرتك :)

المشاركة الأصلية كتبت بواسطة psycholain

زميلي العزيز
انا مش بمدح لمجرد المدح ولا عشان هي عربيتي ولا بقول انها احسن عربية وكمان بديها حقها و مش بقول زيادة عن حقها. ولا بعمل مواضيع عبيطة !!!!!
لو حضرتك متابع لقسم تويوتا هتشوف مواضيعي و قد ايه انا تعبت فيها عشان افادة الناس فقط و ليس بأي نية اخرى !!!
و حضرتك اكيد شفت ردى في الموضوع ده و لو قريته هتلاقيه كلام موضعي و منطقي و عملي بالدليل و هذا للرد و الشرح و التوضيح لصاحب الموضوع علي الكلام اللي هو كاتبه ومش زى محضرتك بتقول خالص ""ان الجماعة المتعصبيين للكورولا الجديدة هيدخلوا
يقولوا شعر فيها و يحسسوا الواحد انها مرسيدس مش كورولا ""

وحضرتك لو شايف ان الشرح اللي قلته فيه اي تعصب او حاجة زيادة مالفها من دماغى ارجوك صلحها لي لاستفيد من خبرة حضرتك :)

احب اقولك يا باشا ان انا لما بدأت ف كتابة البوست #10 مكانش البوست بتاعك #8 نزل و لا حتى البوست #9 كان نزل ,, بس يبدو ان #10 اخد وقت كتير ف الكتابة فا بالتالى لما عملته confirm
لقيت ان البوست 8,9 نزلوا قبله رغم ان قصدى كان انى انزل البوست #7 و #10 ورا بعض

و بالتالى انا مكانش قصدى خالص انى ارد ع البوست بتاعك (#8)
انا بتكلم بشكل عام عن كذا موضوع شوفتهم و كان فيهم المشكلة دى

ارجو ان الامور تكون بقت واضحة
و ع فكرة انا بصيت دلوقتى ع موضوعاتك و شايف انها بجد ماشاء الله مفيدة