المياه بتروح فين ؟؟؟!!

**elsokily** · 06-02-2014 09:35 AM

صباح الخير يا رجاله اللوجان

معايا لوجان 2011 ماشيه 30000 كيلو و المياه بتنقص كل فتره (اسبوعين) مثلا بين علامتى max و min و لو سيبتها كمان شويه ممكن تنزل عن ال minو روحت التوكيل مرتين يكشفوا على دوره التبريد و يقولوا مفيش تسريب و كمان سحب العربيه مظبوط
فى حد حصل معاه كده ؟؟؟ و تنصحونى ب ايه الموضوع ده ؟؟

**halem0000** · 07-02-2014 05:22 PM

مفيش تسريب ازاي امال المياه بتروح فين شوف غير فرع الصيانه اللي بتروحله اظاهر انهم بيكسلو يشتغلو

**محمود90** · 07-02-2014 05:33 PM

يبقى تشوف فرع صيانة غير اللي بتابع معاه

**adel_edrees** · 07-02-2014 09:09 PM

ياباشا عليك و على التوكيل فرع العبور لأن مافيش حاجة أسمها الميه تنقص أي فرع تانى عكاكين أنا جربت المقطم للأسف سئ جدا و بعدين كان الأستاذ صدام بيقول أن ممكن الغطاء بتاع القربة مايكونش محكم فممكن تشيل الغطاء بتاع القربة و تحط جلدة و ركبه تانى و لو مانفعش هناك حل أخر أقترحه الأستاذ صدام فيه سوائل بتحط مع الميه بتسد أي تسريب في دورة المية و أبقى طمنا

**adel_edrees** · 09-02-2014 09:46 PM

المشاركة الأصلية كتبت بواسطة elsokily

شكرا لكم جميعا على الردود .. للأسف أنا ف اسكندريه و ده فرع سموحه فبفكر أروح فرع العامريه و بالنسبه لغطاء القربه هو محكم جدا و انا لسه مجرب موضوع السائل ده و حبقى أقولكم على النتيجه ان شاء الله

أبقى قو للنا على النتيجة و أي سائل انت أستعملته و بكام

**elsokily** · 10-02-2014 09:23 AM

المشاركة الأصلية كتبت بواسطة adel_edrees

أبقى قو للنا على النتيجة و أي سائل انت أستعملته و بكام

اشتريت Abro stop leak زجاجه 240 مل ب 25 جنيه بس النتيجه مش حتظهر قبل اسبوع مثلا و أكيد حقولكم ايه اللى حصل ان شاء الله

**elsokily** · 10-02-2014 09:27 AM

المشاركة الأصلية كتبت بواسطة doctoreng

حصلت معى من عدة سنوات وكنت أزود المية باستمرار وأخيرا اكتشفت أن أحد لحامات الردياتير فك بدأ بسيطا وازداد بالتدريج حتى ظهر التسريب واضحا . ذهبت لورشة ردياتيرات وقام بفك الردياتير ولحامه ثم تركيبه فى أقل من ساعتين وانتهت المشكلة نهائيا

ممكن نجرب الفكره دى ان شاء الله لو فشل موضوع السائل ده