بيجو 207 أم بونتو إيفو؟!

**Adel Gamal** · 06-02-2014 03:02 PM

السلام عيكم جميعاً

دى أول مشاركة ليا هنا فى منتداكم المحترم اللى اتعودت إنى اتابع عليه موضوعات شيقة كتير :)
والحقيقة انا لا افقه شئ فى السيارات ولو اتعملت او فهمت شئ فيبقى من خلال منتداكم :)

انا الحقيقة عندى طلب وأرجو ان اللى يكون متأكد من إجابته بس هو اللى يرد علشان انا عاوز اكون مركز فى قرارى

انا حاليا معايا 70 الف جنيه ودا أقصى مبلغ هدفعه فى اول عربية هركبها فى حياتى وتكون تخصنى (معلومة صغيرة انا بسوق من 5 سنين ولكن مشتريتش عربية ليا شخصيا)

امور الصيانة والميكانيا والتوكيل مقدرش أحدد مين أفضل ودى نقطة مهمة لانى شاب لسه فى بداية حياتى 26 سنة ومحبش إنى اتكلف كتير فى الصيانة للعربية لان فيه أولويات طبعا غير العربية كمصاريف

لذك المطلوب بإختصار :
انا اكتر عربيتين سعرهم مناسب ليا وشكلهم عجبنى ودخلوا دماغى هما ال 207 و بونتو إيفو وممكن الجراند بونتو بس عاوز حد يفيدنى ايه انسب ليا من حيث كل حاجة والأهم مصاريف الصيانة الدورية وقطع الغيار ان حصل انى احتجت قطع غيار.

أشكركم شكراً جزيلا مقدما وانتظر ردودكم
:)

**7oda.mohamed** · 06-02-2014 03:44 PM

ارشحلك البونتو ايفو من حيث الشكل و اسعار قطع الغيار احسن من ال207 وطبعا عربية حتعمل معاك كل حاجة سفر و شد بسرعات عالية مش هتتعبك

**Adel Gamal** · 09-02-2014 01:50 PM

المشاركة الأصلية كتبت بواسطة 7oda.mohamed

ارشحلك البونتو ايفو من حيث الشكل و اسعار قطع الغيار احسن من ال207 وطبعا عربية حتعمل معاك كل حاجة سفر و شد بسرعات عالية مش هتتعبك

شكراً جزيلاً لحضرتك
ولكن عامة هل قطع غيار الايفو غالية ولا مقبولة؟
يعنى تفرق ايه عن الكورى فى قطع الغيار هل هناك فرق كبير؟

واخر سؤال هل الايفو زى الجراند بونتو فى الجودة (علشان لو المبلغ قصر معايا) وشكراً

**Adel Gamal** · 10-02-2014 09:43 AM

حد يحب يضيف حاجة يا جماعة
معقول محدش يعرف؟
فين رجالة الفيات والبيجو ؟

افيدونا لو سمحتوا

**S O P H O S** · 10-02-2014 05:08 PM

لو مابين دول يبقي ايفو تحديدا
مع ملاحظة التوكيل السئ وقطع الغيار والصيانة الي مش اوي هنا
والماتور 77 حصان لو يناسبك كل ده
وبالتوفيق

**ابو لؤى** · 10-02-2014 05:31 PM

بيجوووووووووووو

**Adel Gamal** · 11-02-2014 09:24 AM

المشاركة الأصلية كتبت بواسطة s o p h o s

لو مابين دول يبقي ايفو تحديدا
مع ملاحظة التوكيل السئ وقطع الغيار والصيانة الي مش اوي هنا
والماتور 77 حصان لو يناسبك كل ده
وبالتوفيق

أنا بسمع الناس كتير يتكلموا عن سوء الصيانة وغلو قطع الغيار فى الاتنين الفيات والبيجو
يعنى مش فاهم مدى السوء

هل قطع الغيار غالية جدا للدرجة؟
والصيانة مالها بتاخد وقت على ما يخلصولك العربية ولا اصلا هما مش بيعرفوا يصينوا العربية؟!!

انا ميال طبعا للإيفو كشكل وصالون ولأنها طبعا مش منتشرة مع حد فتبقى متميز دا اللى بفكر فيه
ولو جيت ادور على عربية هاتشباك بنفس المبلغ ده اعلى او اقل 5 الاف مش هلاقى حاجة تناسب وتكون كويسة او زيها فى الشكل

ياريت تفيدونى اكتر اشترى حاجة من الاتنين دول ولا ايه؟

**Adel Gamal** · 11-02-2014 09:31 AM

المشاركة الأصلية كتبت بواسطة ahmed air

بيجوووووووووووو

حبيت ارد عليك بس علشان توقيعك قبل اى شئ ؟:)
واحب احييك حقيقى

اما بخصوص السيارة متشكر جدا لحضرتك ولكن لو فيه تفاصيل هكون شاكر :)

**ahmzd** · 11-02-2014 11:53 PM

أنا أيضا أريد أن أحيي الأستاذ Ahmed air على توقيعه وأعتقد أن توكيل البيجو يبذل جهدا كبيرا الآن لاستعادة مكانة هذه المعركة العريقة بعكس توكيل فيات ( أوماترا ) الذي ضيع هذه المعركة - العريقة أيضا - في مصر .. والله أعلم.

**Adel Gamal** · 12-02-2014 09:32 AM

المشاركة الأصلية كتبت بواسطة ahmzd

أنا أيضا أريد أن أحيي الأستاذ ahmed air على توقيعه وأعتقد أن توكيل البيجو يبذل جهدا كبيرا الآن لاستعادة مكانة هذه المعركة العريقة بعكس توكيل فيات ( أوماترا ) الذي ضيع هذه المعركة - العريقة أيضا - في مصر .. والله أعلم.

اشكرك على الاهتمام بالرد
ولكن لسه مقلتش بردوا ايه الافضل من حيث قطع الغيار والصيانة الدورية والجودة
الافضل من حيث كل حاجة