الموضوع: نصيحة بخصوص التعديل لإرتفاع الكورولا 2014

المشاركة الأصلية كتبت بواسطة iUsef

بشمهندس محمد تحياتي ليك في الاول :) بس هو في جزء من كلام حضرتك صح ان أكيد مسمار الخواجه غير التوكيل خالص بس طالما قطع الغيار اصليه والموضوع كله متوقف علي اربع مساعدين وسست يبقي ان شاء الله سليمه وانا بتعامل مع التوكيل بقالي اكتر من ٦ سنين مع (فرع العباسيه) الناس هناك محترمين وزي الفل وشاطرين جداً
بالنسبه بقي لان ده هيأثر علي الثبات... أنا كنت حايب صوره من روسيا بمقاس الارتفاع كان ١٥.٥سم وكنت حاطط فيديو للعربيه هناك بتاخد غرز زي الفل من غير اي مشكله ونازله في السعوديه والخليج ١٤.٥ مسمينها مواصفات الطرق والوعره....
يعني التعديل مش معمول عموله لمصر

طبعاً حاجه بالعقل ان اللي مش مدايق من العربيه او زي كده اغلب الوقت لوحده في العربيه ممكن ميغيرش التعديل بس المشكله في الاقاليم واللي عندهم مطبات اهالي دول بقا ربنا يكون في عونهم بيعانوا جامد دول بقي في ناس كتير كرهت العربيه من متر الحك ومش هتبقي فارقه معاهم الثبات قد ما هاتفرق معاهم الارتفاع... وبرده الثبات ان شاء الله مش هيتأثر ... لا تقلق ان شاء الله خير:)

تحياتى ليك iUsef كلك زووق :) وآسف على التأخير فى الرد كنت مشغول شويتين. أكيد معاك حق طبعا ان الموضوع مزعج للناس اللى بتواجه مطبات أهالى كتير والناس اللى فى الأقاليم دول فعلا ليهم حق يعملوه .

بس أنا بس مقلق ان ده يأثر فى الثبات لأن خلى بالك العربيات اللى فى روسيا والسعودية جاية كده من المصنع

المشاركة الأصلية كتبت بواسطة akedwany

يا باشا اصلا التعديل جاى من اليابان ده اولا
ثانيا التعديل عبارة عن سوست و مساعدين دى مش محتاجة توكيل ده ممكن ناخدها نعملها بره سهلة بس هى اصلا مجانا

ماشى ياغالى أنا مقلتش حاجة بس أنا قلقات ان ده بطريقة ما يأثر فى ثبات العربية . ربنا يستر

المشاركة الأصلية كتبت بواسطة abofandy

الموضوع بتاعك دة يرعب بصراحة
انا شايف انك مهول الموضوع شوية
التعديل مش ف موتور ولا فتيس
د مساعدين وسوست زالعفشة دى نازلة ف روسيا والخليج يعنى مجرب زمفعل وواخد pdi
يعنى مفيش مشاكل والرعب الى ف موضوع حضرتك
ولك منى تحية يا صديقى

حبيبى يادكتور. أنا بس مقلق ليكون الموضوع فيه حاجة غلط والعربية نازلة فى روسيا والسعودية مجهزة بكده من المصنع . هوه ده بس اللى مقلقنى . ربنا يستر :)

بصو من الآخر كده أنا هستنى لما كلكم تعملوه وأجرب فيكم شوية كده