الموضوع: لما حملت الشنطة العربية اتظبطت!!

اللي أعرفه إن عفشة السيراتو ناشفة شوية، وكونها بتتنطط في المطبات ده معناه إن المساعدين ناشفين ويمكن يكونوا لسه بحالتهم

في الحالات اللي زي دي... المساعدين الناشفين ممكن يبقوا أطرى لما العربية يزيد وزنها

هو ده اللي حصل عندك على ما أظن

أنا كان عندي نفس المشكلة زمان في عربيتي الكريسيدا... ما كناش لاقيين المساعدين بتوعها ووفقنالها مساعدين خلفيين ... بس الظاهر كانوا بتوع عربية أتقل كتير.. أو يمكن بتوع دبابة.. بصراحة مش عارف... بس المساعدين فعلا كانوا ناشفين جدا... لدرجة إني لو دخلت على مطب بسرعة شوية العربية بتنط في الهوا وكنت بسمع صوت الكاوتش بيصفر لما ينزل على الأرض.

طبعا... المساعدين دول كانوا متعبين جدا ليا... بالذات لو الطريق مليان مطبات... بس في المقابل... ثبات العربية في الملفات والغرز كان عالي.

الظريف بقى إن المساعدين دول فضلوا ناشفين لحد آخر لحظة... وما شلتهمش إلا لما واحد منهم اتكسر.


لو عايز تعرف أكتر عن أساسيات ثبات السيارات... ادخل على الموضوع ده
http://www.nilemotors.net/Nile/375709-a.html