بسم الله الرحمن الرحيم
عاملكم النهردة تقرير عن تويوتا هايلوكس ارجو من الله ان يحوذ على ثقتكم واعجابكم
لنبدء بالصور وبعدين هنزلكم معلومات واسعار
نظرة عامة للسيارة من الخارج
لاحظ معي الجودة اليابانية ... يعني انا لمن فتحت الكبوت بتعها بسم الله مشاء الله ملقيتش جوا الكبوت. متور او محرك لا لا لا ابسولوتلي ... اول ما فتحت غطى الكبوت حسيت خير الله ما اجعلو خير إني أمام مصنع متكامل بجميع مراحلوا ووحداتوا. حسيت المصنع ده هو الي بينتج القوة الحصانية المهولة ليها حق. ان الهيلوكس يدلع ويتمختر في دول الخليج. ويبقى الكينج نمرة واحد في العالم كلو ... لاحظ ايضاً. تنجيد وعزل سقف الكبوت. حتى لم يفت على تويوتا. انها تحط كافر مرايا نيكل للسواقين. حماية. لدهان المرايات وحلية جميلة
العربية او الوحش ده جي من تايلاند ... من احدى مصانع تويوتا الي في تايلاندا
تعالوا بينا بقة ندخل داخل الكبينة. ونشوف منظر التابلوة وفرش العربية وحتى الدوسات وهيا مكسية بجلد التنين الاحمر ... ولون التنين الاحمر ده ميزة في تويوتا مش هتلاقيها في اي عربية بيك أب تانية نهائي لكن هيا دي تويوتا. دائماً مميزة عن باقي العربيات
الخامات المستخدمة داخل الكبينة. فعلاً جيدة جداً
والتصميم ذات نفسوا بيدي سواق العربية. احساس بالانتعاش وان كل ما عليك تحمل وتدوس بانزين وتنطلق ... لايمكن وصف القعدة وراء دريكسيون تويوتا إلا إذا قعدت انتا ذات نفسك وتحس ان العربية بتقولك شوبيكي لوبيكي عبدك وبين ايديكي ... انتا هنا في اكبينت تويوتا انتا لا تقود عربية. ولكنك. تقود مارد او تسيطر على. مارد ووحش وحوش النص نقل في مصر والشرق الاوسط بل العالم اجمع
منظر للعدادات. تويوتا الجميلة.
والي جملها ينبع ببساطتها ولاحظ ان اخر سرعه هيا ٢٠٠
عاش يا ووووووحش
لاحظ هنا كتلوج العربية حجموا قد ايه
بصراحة انا اتخضيت وتفاجئة بحجم دليل المستخدم. وبقول يا ترى هو ده دليل المستخدم ولا مرجع ابن خلدون ... ولا يكونش ده ديكشنري. عربي. ياباني ... ايه ده كلو يا عم الحج ايه ده كلووو ... هو صحيح اننا بنحب الحاجة الكومبوا ... والكتاب كده يملى العين. ... بس مين فاضي يقرى ... وبعدين سواق نص نقل غلبان. ده لو بص في رخصت السواقة وشاف هتنتهي ايمتى يبقى كتر خير ربنااا مش تقولي هيقرى الكتاب ده كلو. ... بس يالله اهو منوا كتاب دليل المستخدم ومنوا. السواق اذا تعب وحب ينام شويتين اهو يحطوا تحت راسوا يعملوا مخدة. ينفع برضو مش هيخسر :)
ياجمالووو يا جمالوووو
على جلد التنين الاحمر ... وعفريت بلاد السند والهند
منظر الوحش من ورى والنوع ده بالذات اسمو
( حصيرة )
ارجو تكون عجبكم تصويري
وكافئ مجهوداتنا بلايك او شوكر او تعليق لنعطيكم المزيد
@@@@@@@@
وشكراً
المفضلات