فرش جلد لبريليانس v5 الهاي لاين والسايد ايرباج

**اسلام جادو** · 07-02-2014 02:22 PM

يا شباب
حد جرب يعمل لل v5 فرش جلد خارج التوكيل أومراكز الصيانة المعتمدة..
انا بسأل لأن معايا الهاي لاين وخايف من موضوع السايد ايرباج لأني فهمت انها في الكراسى الامامية نفسها بس من ناحية القايم .. صح ولا أنا فاهم غلط!! .. المهم عايز اعمل فرش جلد مع نفسي برة وخايف من النقطة دي .. ايه النصيحة؟ أي صنايعي حيعرف يتعامل ولا ايه؟

**abo-omar** · 08-02-2014 11:17 AM

دي مشكله فعلا لاني كنت عايز اعمل فرش ولقيت في تحذيرات بسبب الارباج الجانبي ومكنتش عارف مكان الارباج ولاحظت ان كتير ذيي هنا عارفين انه في الكراسى لكن فين بالظبط !؟
فسألت في توكيل الصيانه في جسر السويس وانا بعمل صيانة 2000 عن مكانه وعلامة الايرباج
فوجدت علامة مكانه قطعة قماش صغيره مكتوب عليها ايرباج مثبته في مكانه في جانب الكرسي الملاصق لقائم الباب ولما سألتهم ينفع اعمل فرش للكراسي للاسف قالوا لا بسبب الايرباج الجانبي وحتى كيس الفرش البلاستبك بتاع الصيانه لقيتهم شقوه من الجنب بعد الصيانه

**samakaerror** · 08-02-2014 11:32 AM

المشاركة الأصلية كتبت بواسطة abo-omar

دي مشكله فعلا لاني كنت عايز اعمل فرش ولقيت في تحذيرات بسبب الارباج الجانبي ومكنتش عارف مكان الارباج ولاحظت ان كتير ذيي هنا عارفين انه في الكراسى لكن فين بالظبط !؟
فسألت في توكيل الصيانه في جسر السويس وانا بعمل صيانة 2000 عن مكانه وعلامة الايرباج
فوجدت علامة مكانه قطعة قماش صغيره مكتوب عليها ايرباج مثبته في مكانه في جانب الكرسي الملاصق لقائم الباب ولما سألتهم ينفع اعمل فرش للكراسي للاسف قالوا لا بسبب الايرباج الجانبي وحتى كيس الفرش البلاستبك بتاع الصيانه لقيتهم شقوه من الجنب بعد الصيانه

كلام مظبوط ... حضرتك ممكن تعمل فرش بس تشيل الحتة إلي على مكان الأير باج

**abo-omar** · 09-02-2014 03:13 AM

المشاركة الأصلية كتبت بواسطة samakaerror

كلام مظبوط ... حضرتك ممكن تعمل فرش بس تشيل الحتة إلي على مكان الأير باج

وده ينفع وهيبقى مظبوط اذاي على الكرسي
ده هيبقى مفتوح من جانب واحد بالكامل بالنسبه لظهر الكرسي

**اسلام جادو** · 09-02-2014 11:04 AM

متشكر لردودكم ياجماعة بس انا عشان لسة مكملتش ال 1000 حتى فمكنش عارف رأي التوكيل.. بس الصنايعية برة التوكيل بيفتوا انه ينفع تعمل فرش كامل على الكراسي ومتسيبش جنب الكرسي (اللي فيه الايرباج) مش متغطي .. من منطلق ان الايرباج حتضرب حتضرب وتقطع خياطة الجلد التفصيل أو الجاهز

**اسلام جادو** · 09-02-2014 11:08 AM

النقطة المهمة برضه لو قبلنا انه الفرش يتعمل ناقص جنب (برة التوكيل طبعا) ... هل شيل الكراسي ورجوعها مايأثرش على ال sensors المرتبطة بالكراسي .. مايخرجش الجزء ده برة الضمان يعني ؟!! أو أي أجزاء مرتبطة بالموضوع ده؟

**man_hero** · 09-02-2014 05:49 PM

انا معايا نفس الفئة وعملت فرش جلد كامل و سمعت كلام الصنايعية علي اساس ان الايرباج لما تفتح لا قدر الله هتقطع الخياطة الجانبية

بالنسبة لسنسور الكراسي دي عادي لانعا فيشة بتتشال لما تفك الكرسي وبتركب تاني وبتدور العربية وتتاكد ان لمبة الايرباج مش منورة

**اسلام جادو** · 11-02-2014 01:35 PM

متشكر يا باشا تمام كده شكلي ده اللي حعمله

**horas3000** · 11-02-2014 01:51 PM

اهم حاجه
اوعي تدور العربيه او حتي الكونتاكت و الكراسي متشاله
و حتي بعد ما تتركب تمم ان الفيش بتاعته راكبه كويس قبل ما تدور
لانه لو الكراسي متشالع و شغلت الكونتاكت يا هيطلع لك ارور الايرباج او في حالات قصوي الايرباج ممكن يفتح