موضوع مهم ! صرفت على عربيتك كام في اد ايه ....

**Deshahcoka** · 07-02-2014 04:46 PM

السلام عليكم ! انا حبيت نشارك بعض بموضوع كل واحد يقول صرف كام على عربيته في مده قد ايه و كيلوا قد ايه

مصاريف الصيانات و الزيت و الزوايا و العفشة و الميكانيكا و الكاوتش و البطارية و الفوانيس الي اتكسرت الخبطه الي اتعدلت كله شاكب راكب يعني الا الغسيل و البنازين ههههه

نكتب زي كدة

نوع العربية : كيا سيراتوا
المده : 4 سنين من 2010
الكيلو : 95 الف
المصروف : 50 الف جنيه !!!!!

انا عن نفسي مصدوم في المبلغ ده بس ده بعد ما جمعت الفاوتير و كدة و طلع كدة زي ما بقلكم مع انوا الواحد معملش حوادث يعني اخره فانون يتكسر و العفشة و الصيانات التوكيل

مستنى صدامتكم ! هههه يا خدع العربيات ديه بيت تاني ! الواحد كان زمانه ملك هههه

**ashrafmahmoud93** · 07-02-2014 04:58 PM

ياه معقول كتير جدا ومن غير حوادث كمان
دا انا معايا اسبرانزا ام11 وكنت اخدت بيها خبطة وومعايا بقالها سنتين ومكملتش 10 الاف بالكتير اوى ولو شلنا الخبطة يبقى ف حدود 3 الاف جنية بالكتيييييير

**S O P H O S** · 07-02-2014 05:06 PM

50 الف يبقي بلاش احسب !
مش عاوزين نزعل

**vovoasw** · 07-02-2014 05:35 PM

بيجو 504 موديل 79
المدة ثلاثة سنوات
المصاريف تدخل فى 10000 حتية
لية لانى اولا غملت عمرة كاملة غير الدوكو والسمكرة وتنجيد الكنب والكراسى وتغير البطارية وشراء عدد 2 كاوتش جديد وحاجات تانبة مش فاكرها بس المهم انى بكون مبسوط انى بصرف عليها لانها حاجة يطمر فيها المعروف وعلى فكرة انا بحترم جدا سن عربيتى وعلى هذا الاساس بتعامل معاها بكل حب واهتمام
وان شاء الله فى الخطة القادمة تركيب تكييف فها مع تغير اللون

**power** · 07-02-2014 07:43 PM

العربيات القديمه مش فاكر
كروز 2010 معايا بقالها سنه و شويه
اول ما اشتريتها عملت صيانه ليها
غيرت السيور و الفلاتر كلها جي ام اصلي و غيرت سير الكاتينه و الشداد و البليه و الدينامو و طنابير و تيل فرامل دفعت بتاع 2500 جنيه باين
و زيت مرتين 10000 شل مرتين ب 600 جنيه
و مره الاكصدام اتفك من الجنب 100 جنيه
و مره قاعده المرايه اتكسرت 150 جنيه
و غيرت النهارده الكاوتش 4 فرد بريدجيستون ب 2850 علشان المقاس بتاعها 15 65 205
والحمد لله كولو تمام والعربيه زي الفل ما شاء الله

Sent from my GT-N7100 using Forum Runner

**omaranes77** · 07-02-2014 08:00 PM

شاري العربية من 6 شهور وصرفت 6000 عشان ابقي مطمن والحمد للة المصاريف بسيطة ومرتاح ومبسوط من العربية الحمد للة

**ramymechanics** · 08-02-2014 10:47 AM

عربيتى الحالية مقدرش احكم عشان بقالها 6 شهور بس

كان معايا صنى 2009 قعدت معايا 4 سنين ونص كلفتنى تغيير الزيت بس والفلاتر وتغيير زيت الفتيس مرة واحدة والتيل مرة واحدة يعنى حسبة 2000 جنيه

لكن كلفتنى حوالى 3500 جنيه سمكرة للاربع ابواب والاكصدامات ورفرف

**Abdo Taha** · 08-02-2014 04:05 PM

فيكترا سي 2008 المصاريف معظمها تخشلها في 30 الف من ساعة ما جت بقالها 6 سنوات و ماشية 130 الف و مش 130 الف كده ده خدمات شاقة و شوارع مكسرة في حادثة واحدة اتكلفت حوالي 15000 بس كانت على التأمين