اترك لكم التعليق على الصورة لوسمحتم !

**Y a r i s** · 08-02-2014 12:04 AM

حد ملاحظ حاجة غلط على محور ميدان لبنان
اترك لكم التعليق
بالمناسبة الصورة دي صورتها في اليوم الي كان فيه حادثة التكسي الشاهين الي اتفرم تحت المقطورة برضو على المحور

**J A G U A R** · 08-02-2014 01:18 AM

والله كويس انه ماشى على قده فى حارته ده ساعات بيطلع زى الخازوووووق فى نص السكه ..

**hugan** · 08-02-2014 01:21 AM

طب تقول ايه لما تلاقيه ماشي في طريق المطار امام الكليه الحربيه
عادي ولا اي اندهاش

**mahmoud_ali** · 08-02-2014 02:39 AM

ياعم انا لاقيت واحد ماشى فى صلاح سالم يا راجل يا طيب واللى راكبين فيه بالسواق شكلهم تسول ومشغلين اغانى شعبيه وصوت عالى وقلة ادب

**k555** · 08-02-2014 11:35 AM

حرااااااااااااااااااااااا ااااام
انا من الاسكندرية كنت ماشي في يوم على البحر و مش جري على 50 كده مرة واحدة لقيت توك توك بيعدي البحر و ماشي عكس اتجاه و عايز ياخود يوترن عكس برضه قمت فرملت و طبعا ملحقتش نفسي لأنه ظهر فجأة و لبست فيه و بعد مخبطته طلع يقولي صلحلي التوك توك و بعد كده عربيتي اتصلحت و كلفتني 5000 جنيه بالله عليكي مش ده حراااااااااااااااااام حسبي الله و نعم الوكيل في كل مستهتر بارواح و اموال الناس

**S O P H O S** · 08-02-2014 11:51 AM

طول ما مفيش عقاب
افـــعل ما شئت ..

**Elawany13** · 08-02-2014 01:07 PM

وأنا راجع من اسكندرية الاسبوع اللى فات على الزراعى
كان فيه توكتوك ماشى على الشمال
والعربيات طايره جنبه
المهم اتخطيته من اليومين والطريق وقف
ببص فى المرايه لاقيت البرص ده بيعدى على يمينى بسرعه كبيرة جدا ومحاوش حتى يهدى سرعته رغم ان العربيات كلها واقفه تماماًً !!!
وقولت ربنا يعوض على صاحب العربية اللى واقفه على الشمال اللى هيلبس فيه من ورا لبسه محترمة
وخلا ص اهلت نفسى واعصابى لمشاهدة حادث تصادم وشيك الآن
ألاقى الحيوان ده راح كاسر فجأه واخد غرزة عنيفه بالتوكتوك بين العربيات اللى واقفه وفضل يتلوى يمين وشمال بصورة غريبة مجنونة جدا طول ما هو ماشى فى وسط العربيات اللى واقفه
بقيت مزبهل وعمال اضرب كف على كف
العيب مش عليهم
العيب على الحكومة والمرور واللى سايبينها غابة
حسبنا الله ونعم الوكيل