الموضوع: الدفعه الجديده من كورولا ٢٠١٤ خلوصها ١٥،٥ سم

المشاركة الأصلية كتبت بواسطة ahmed khalifa

انا فى التوكيل باعمل الصيانه بتاعة الالف كيلو و قيست خلوص العربيه بتاعتى من الكساحه الخلفيه للعجله الشمال الاماميه بورقه و صورتها و قيست نفس الكساحه فى نفس العجله فى عربيه بيضاء واقفه لقيت الفرق ٣ سم مش ٢ والارتفاع او الخلوص اصبح ١٥.٥ سم بدلا من ١٢.٥ سم سالت على التعديل هايتعمل امتى على العربيات الى اتسلمت بعد ماقلت ان المساعدين والسوست وصلوا قالى مهندس الاستقبال ان فعلا القطع وصلت لكن لسه مفيش اى تعليمات فى الموضوع ده سألت كمان على موضوع الساعه واذا كان ممكن تتغير ل ١٢ بدل ٢٤ فقال لا كنت جايب معايا زيت علشان يغيروا زيت الموتور فقالوا انهم لا يقبلوا زيت من الخارج حتى وان كان موبيل وان و تغيير الزيت على خمس الاف بس انا برضه هاغيره بس بره فهشترى فلتر زيت واغيره عند عزام فى الدقى كان عندى تحجيره فى الفرامل و ريجه قاللى دى الاى بى اس و هيكشفوا على الفرامل و يقولولى و على فكره انا باثق فى كلامهم لكن برضه هاتأكد بعد الاستلام لان فعلا مفيش صفاره ولا رجع مع الفرامل على سرعه عاليه و ده يطمن ان الريجه دى عاديه ادينى مستنى العزبيه اى حد عنده اى استفسار انا تحت امره
انا حاولت ارفع الصور الى صورتها للخلوص مش عارف فلما اروح هارفعها

مجهود جميل منك لافادة الزملاء ، بس انا ليا تعقيب بسيط
فعلا العربية واطية قوي من قدام، بس ممكن متكونش دي اوطي نقطة لان حسب معلوماتي العربية عليت 2 سم بس يعني هتبقي 14.5 سم من اوطي نقطة و ان المكان اللي حضرتك قست عنده ممكن ميكنش اوطي نقطة،

المشاركة الأصلية كتبت بواسطة mamado56

15.5 سم ......دا كده الثبات بيضيع

هيبان بالتجربة و لكني لا اعتقد لان العربية بتنزل في اسيا بالابعاد دي و مجربة