عاوز سنسور بارك امامي وخلفي وقدامي بدائل كتيره

**michohat** · 08-02-2014 12:05 PM

السلام عليكم ورحمه الله وبركاته

حاليا بقى لي اكتر من شهر بحاول اتعود على ابعاد العربية الحاليه ومش عارف لسه شايط بالاكصدام حجر رصيف وكسر لي الاكصدام والفوج والشبكة

فعاوز اركب حساسات ركن امامية وخلفية النوع الوحيد اللي لقيته في السوق هو 6 حساسات 2 امامي و4 خلفي والشاشة مش بتحدد اشاره لكل حساس بتدعي اشارة بالتوتل بتاع الحساسات و 2 امامي هيغطي المسافة المستوية بس امامي انما اركان الاكصدام الكرفات مش هتتجاب

- اركب الطقم اللي لقيته اللي هو 6 حساسات وده هيكون فيه 2 حساس بس امامي ( قلقان من ان بعد شوية لو الجهاز عطل او حاجه مش الاقي وحده تحكم متوفرة بسهوله لانه نادر شوية ) وهيديني تحذير عن الحساسات كاجمالي مش تحذير على كل حساس

- اركب 2 جهاز ركن سباي كل واحد 4 حساس بوحدتين بس كده هيكون في مشكله في انه هيكون في شاشتين فهل في الامكان جمعهم على شاشة واحده

- اركب كاميرا خلفيه وجهاز ركن امامي

هل فيه طقم حساسات ركن حساسات وكاميرا و مرايه

**Yousef.Kamel** · 08-02-2014 03:23 PM

كاميرا خلفيه وحساسات اماميه

**michohat** · 09-02-2014 02:07 AM

نزلت في جوله عديت على محل الاكسسوار اللي اصحابي بيقولوا عليه انه شغال وبيشتغل في الحاجه النظيفه ومن على الباب سئلت صاحبه على حساسات ركن امامي وخلفي قال انها موجوده وكنصيحه منه لي بلاش تركبها علشان الحساسات الاماميه هتدنها شغاله على طول وهتتحرق وتبوظ في مده قليلة لان الكهرباء هتكون واصله ليها على طول استفهمت منه هي مش بتركب وتشتغل على دوسة الفرامل قال لي ايوه وبرضه بيوصل لها كهرباء مستمرة ولو حد عدى من قدام العربية الحساسات بتصفر
سبته ومشيت وانا محتار هل فعلا بينصحني ولا لما شافني عاوز الحساسات الامامية والخلفيه وهي مش عنده قال يقنعني باللي عنده
حد له ن
تجربة مع الحساسات دي؟

**Dragon78** · 09-02-2014 08:44 AM

المشاركة الأصلية كتبت بواسطة michohat

نزلت في جوله عديت على محل الاكسسوار اللي اصحابي بيقولوا عليه انه شغال وبيشتغل في الحاجه النظيفه ومن على الباب سئلت صاحبه على حساسات ركن امامي وخلفي قال انها موجوده وكنصيحه منه لي بلاش تركبها علشان الحساسات الاماميه هتدنها شغاله على طول وهتتحرق وتبوظ في مده قليلة لان الكهرباء هتكون واصله ليها على طول استفهمت منه هي مش بتركب وتشتغل على دوسة الفرامل قال لي ايوه وبرضه بيوصل لها كهرباء مستمرة ولو حد عدى من قدام العربية الحساسات بتصفر
سبته ومشيت وانا محتار هل فعلا بينصحني ولا لما شافني عاوز الحساسات الامامية والخلفيه وهي مش عنده قال يقنعني باللي عنده
حد له ن
تجربة مع الحساسات دي؟

هو احنا ليه دايما بنحب نعيش في نظرية المؤامره ؟ والكلام ده !!!

ياباشا ماهو الراجل كلامه مقنع أهو .. فعلا عشان الحساسات الأماميه تبقى شغاله .. المفروض هاتبقى شغاله على طول .. لكن الخلفيه اللي ممكن التحكم فيها عن طريق توصيلها بلمبة المارشدير .

أنا بصراحه ماجربتش قبل كده الحساسات الأماميه ولا الخلفيه , لكن ع العموم لو انت لزماك أوي الحساسات الأماميه ماتشوف مثلا كهربائي يركبهالك ويكون ليها زرار في الطابلوه .. بحيث تشغلها وقت ماتيجي تركن بس (ده لو كان ينفع أصلا) ده مجرد اقتراح .

وفي نقطه تانيه بقى .. انا من فتره كده سمعت عن حساسات بموجات كهرومغناطيسيه تقريبا أو حاجه زي كده الميزه الأساسيه فيها انها بتركب على الإكصدامات من جوه مش من بره يعني مش لازم تخريم في الاكصدام أصلا , ده غير ان ليها مزايا تانيه كتير .. أفضل انك تدور على موضوعها هنا في المنتدى وتشوفها بنفسك أحسن . أنا عن نفسي نفسي أركبها والله .. وان شاء الله قريبا .

تحيــــاتي

**michohat** · 09-02-2014 11:19 AM

المشاركة الأصلية كتبت بواسطة dragon78

هو احنا ليه دايما بنحب نعيش في نظرية المؤامره ؟ والكلام ده !!!

ياباشا ماهو الراجل كلامه مقنع أهو .. فعلا عشان الحساسات الأماميه تبقى شغاله .. المفروض هاتبقى شغاله على طول .. لكن الخلفيه اللي ممكن التحكم فيها عن طريق توصيلها بلمبة المارشدير .

أنا بصراحه ماجربتش قبل كده الحساسات الأماميه ولا الخلفيه , لكن ع العموم لو انت لزماك أوي الحساسات الأماميه ماتشوف مثلا كهربائي يركبهالك ويكون ليها زرار في الطابلوه .. بحيث تشغلها وقت ماتيجي تركن بس (ده لو كان ينفع أصلا) ده مجرد اقتراح .

وفي نقطه تانيه بقى .. انا من فتره كده سمعت عن حساسات بموجات كهرومغناطيسيه تقريبا أو حاجه زي كده الميزه الأساسيه فيها انها بتركب على الإكصدامات من جوه مش من بره يعني مش لازم تخريم في الاكصدام أصلا , ده غير ان ليها مزايا تانيه كتير .. أفضل انك تدور على موضوعها هنا في المنتدى وتشوفها بنفسك أحسن . أنا عن نفسي نفسي أركبها والله .. وان شاء الله قريبا .

تحيــــاتي

مش موضوع مؤامرة موضوع اني مش شوفت الحاجه اللي عنده وممكن يكون زي اي بياع عاوز يبيع اللي عنده وعلشان كده بيذم في النوع التاني والله اعلم هل فعلا عنده منه ولا لا
اللي خلاني احس بكده اني لما اخدت الكلام في سكه الحساسات الامامية والخلفيه قال لي هنفك الاكصدامين والحته دي خلتني اشك في كلامه علشان شوفت تقارير كتير عن تركيب الحساسات الخلفيه مكنش فيه فك للاكصدام و مجرد تخريم ومد سلك عن طريق الفانوس الخلفي للشنطه وتركيب الجهاز. المفروض تركيب الحساسات الخلفي هيكون واحد في كل الاجهزة ليه بقى قال هتفك الاكصدامين لو ركبت خلفي وامامي ولو خلفي بس مفيش فك

المفروض ان الحساسات الاماميه مش تكون شغاله الا مع دوسه الفرامل يعمي مش شغاله ع طول معرفش هل في معيار تاني بيحكمها زي سرعه العربية مثلا تشتغل تحت سرعه ٢٠كيلو او ماشابهه

الحساسات اللي بتتركب بدون تخريم دورت عليها جوه مصر مش لقتها بس من النت عرفت ليها سلبيه ان علشان تدي لك قراءة او انذار لازم العربية تتحرك يعني وانت واقف بالعربيه وحد حط وراك اي جسم مش هيبان معاك الا لما العربية تبدا في التحرك دي نقطة
النقطه التانية ان تثبيت الحساسات دي لازم تفك الاكصدامات فعلا و طريقة تثبيتها بحاجه زي دبل فيس
ومعرفش اللاصق هيستحمل قد ايه واحتمالات انه يفك من درجه الحرارة عندنا او تراب وعفره الطريق

ف حساسات تانيه بتكون في اطار حول لوح نمر العربية ودي برضه ملقتهاش
ولما فكرت اركب الكاميرا كنت عاوز مرايه كامله من اللي فيها شاشة مش المرايه الموجوده دلوقت وبتركب فوق المرايه بشناكل

**Dragon78** · 11-02-2014 08:20 AM

المشاركة الأصلية كتبت بواسطة michohat

الحساسات اللي بتتركب بدون تخريم دورت عليها جوه مصر مش لقتها بس من النت عرفت ليها سلبيه ان علشان تدي لك قراءة او انذار لازم العربية تتحرك يعني وانت واقف بالعربيه وحد حط وراك اي جسم مش هيبان معاك الا لما العربية تبدا في التحرك دي نقطة
النقطه التانية ان تثبيت الحساسات دي لازم تفك الاكصدامات فعلا و طريقة تثبيتها بحاجه زي دبل فيس
ومعرفش اللاصق هيستحمل قد ايه واحتمالات انه يفك من درجه الحرارة عندنا او تراب وعفره الطريق

ف حساسات تانيه بتكون في اطار حول لوح نمر العربية ودي برضه ملقتهاش
ولما فكرت اركب الكاميرا كنت عاوز مرايه كامله من اللي فيها شاشة مش المرايه الموجوده دلوقت وبتركب فوق المرايه بشناكل

غريبه موضوع انك مالقتهاش دي .. مع ان في ناس هنا في المنتدى قايلين مركبينها ومن حد هنا في مصر .. أنا بس لسه ماسألتش بنفسي بصراحه . أما موضوع السلبيات اللي انت بتقول عليها هجاوبك على النقط دي : أولا مشكلة انه مابيقراش او بيدي انذار غير لما العربيه تتحرك انا مش شايف ان دي عيب فيه ولا حاجه بصراحه .. لأن الطبيعي ان انت هاتحتاج قراءه أو انذار وانت بتركن أو بترجع للوراء .. لكن وانت واقف هاتحتاج تعرف وراك قد ايه ليه يعني ؟ هاتقولي عشان باكون راكن مثلا وعايز أخرج من المكان .. طب ماهو انت اول ماتيجي تخرج وتحرك العربيه لورا الجهاز هايتغل معاك .. مظبوط ولا ايه !

ثانيا موضوع اللزق بتاع الجهاز ده .. أعتقد يعني انه هايكون لزق من نوع كويس مش سهل يتفك أوي زي ماانت متخيل كده وبعدين في أنواع لزق دبل فيس نظيفه زي 3m وكده فماتقلقش من الحته دي .

أما بقى عن موضوع أنواع الحساسات بتاع نمر العربيه دي انا أول مره أسمع عنها الحقيقه .. لو تعرف معلومات أكتر ياريت تفيدنا .. وممكن نلاقي حد يعرف مكان تتجاب منه من هنا في مصر .

موضوع الكاميرا الخلفيه مش وحش برضه .. لكن تبقى مشكلة انه عايز تخريم في الاكصدام برضه .

يلا .. سلام بقى وأي جديد ياريت تبلغنا وشكرا

**michohat** · 11-02-2014 11:06 AM

حضرتك يا ريت لو تعرف سكه الحساسات دي اكون شاكر لحضرتك بس برضه هتفضل مشكله اني لو ركبت امامي وخلفي هيكون عندي 2 شاشة اتباع منهم

وسئلت اكتر من كهربائي عندي هنا مش لاقي حد بيركب امامي وكله بيحسسني اني بدور على الرخ

حاليا فيه موضوع كان الاستاذ كريم عامله عن قطع الغيار اللي نتمنى انها تكون في مصر و كان بداية بحثي عن مراية شاشة غير الشكل الوحيد اللي موجود في مصر
و بالاستفسار مع مصنع المرايه لقيت الاسعار 170 دولار للمراية + الكاميرا و210 دولار للمرايه مع الكاميرا مع حساسات الركن والاسعار شامله الشحن
الفرق بين الاتنين 40 دولار تقريبا