لسة بتعلم سواقة (ماروتى ولا 113)

**wafaaelsafty** · 09-02-2014 09:03 AM

ساعدوني لو سمحتوا...انا لسة بتعلم سواقة جديد و محتارة اجيب ماروتي اتعلم عليها 6 شهور كدة و بعدين ابيعها....و لا اجيب اسبرانزا 113...و خصوصا ان السعر متقارب و الفرق في الحجم و الامكانيات كبير..ياريت تساعدوني

تم نقلة لقسم المقارنات وتعديل عنوان الموضوع .

**amr011111** · 09-02-2014 09:41 AM

لو هتجيبى حاجه تتعلمى عليها وتبيعها يبقى مش هتفرق
هات اى عربيه ماروتى ماشى اسبرانزا ماشى 127 ماشى علشان مخسريش كتير فى اعاة البيع

**insurancebroke** · 09-02-2014 09:58 AM

هاتي 127 اتعلمى عليها احسن عشان لو اتخدشت او اتخبطت لاقدر الله متزعليش وحجتها رخيصه

**ahmedalaahosny** · 09-02-2014 10:08 AM

هاتي ‏127 تتعلمي فيها حاجة واحده (الشجاعة ) لانك لو معاكي حاجة نضيفه وجديده هتخافي تنزلي بيها ف وسط الزحمة انما دي تبع المثل (ضربوا الاعور علي عينه ) هتتعلمي وتخبطي وتكسري براحتك ع الاخر وبرده الماروتي كويسة وهتبقي موديل حديث شوية عن ال 127 بس عيبها ان لو حد رجله تقيله شوية علي الدبرياج بتجيب ديسك واسطوانة بسرعة وبالتوفيق ان شاء الله

**Dr M.Noaman** · 09-02-2014 12:21 PM

على حسب ناوية تشتري إيه كعربية ليكي في المستقبل .. يعني لو هتجيبي أتوماتيك فاصبري شوية واتدربي كتير وشوفي حد بيدرب ع السواقة بتبقى الساعة 25 جنيه ومرة في مرة تطلعي ع الطريق وخلاص مش محتاجة تفضلي طول المدة دي مع عربية مانيوال هتتعبك فعلا