خلاص حجيب لوجان مانيوال بعد حيرة طويلة

**م.أحمد الدسوقي** · 09-02-2014 10:29 AM

السلام عليكم

لحد امبارح كنت محتار اجيب ايه لانوس ولا فيرنا ولا لوجان

انا عارف ان كلهم مش اوي

بس اللوجان احسنهم ومش حفصل كتير

بس الصراحه انا قلقان دي اول عربيه ليا وانا في السواقه نص نص

بس هيا انعم واسهل من اللادا اللي كنت بتعلم عليها وكانت تعباني شويه

المهم ايه نصايحكم في الاستلام والاجراءات والتليين والجراج والحمايه من السرقه

ولكم جزيل الشكر

**adel_edrees** · 09-02-2014 11:50 AM

الفئة السعرية دى أحسن حاجة اللوجان بدون تفكير و ربما لفئات \أعلى سعريا بس أنا رأى أنك تجيب الأوتوماتيك منها الأوتوماتيك موتور أكبر و فتيس ستيب ترونيك و فيها عمود أتزان المانيوال حلوة ومتجربة لكن أعتقد أن فرق السعر في مصلحة الأوتوماتيك طبعا فرق سبعة ألاف جنيه و يمكن أقل و بعدين ثلاث أرباع اللى جابوا المانيوال لو كانت أدامهم الأختيار كانوا جابوا الأوتوماتيك و أنا واحد منهم لكن للأسف ما كنتش لسه نزلت مش كده و ألا أيه

**raedegypt** · 09-02-2014 02:54 PM

الفيرنا الاتوماتيك افضل لك

**J A G U A R** · 09-02-2014 03:51 PM

اختيار موفق ان شاء الله

**adel_edrees** · 09-02-2014 04:00 PM

المشاركة الأصلية كتبت بواسطة م.أحمد الدسوقي

كنت في الطارق امبارح

المانيوال كامله بـ81.5 والاتو بـ92.5

وسألت علي عمود الاتزان ده قالي ولا اعرفه ؟؟!

طبعا ده بيبيع وبس والله براحتك بس أنا شايف الفرق يستاهل ده عمود الأتزان بأكتر من 3000جنيه لوحده أذا رضى حد يركبه أصلا و الموتور 105 حصان و المانيوال 90 حصان ده غير الفتيس الأوتوماتيك الأستيبترونيك فتيس الفيرنا أوتوماتيك لكن مش أستيب ترونيك الميزة اللى في الفيرنا رخص الفوانيس و المرايات و الأكصدامات بس ما تشتريهاش من التوكيل ورخص قطع الغيار الصاج و أنتشارها و الصاج كله بتاعها رخيص و من مصادر متنوعة يعنى جرب تشترى باب فيرنا حتلاقيه عند الراجل اللى جنب البيت جرب تشترى باب لوجان كامل حتلاقيه بس مستعمل و أذا لقيت الجديد حتلاقيه غالى غالى غالى دى الميزة الوحيدة اللى فى الفيرنا على راى الأستاذ صدام هى 128معدلة

**Ahmed.Essam** · 10-02-2014 10:48 PM

اللوجان احسن الاختيارات اللي ذكرتهم ان شاء الله ويفضل لو جبتها اوتوماتيك والمانيوال بردو كويسة

اثناء الاستلام
يفضل تشيل اي لزق ابيض من العربية ان وجد عشان تشيك على الصاج والدهان لو فيه خدوش او خبطة ولا حاجة لا قدر الله تاخد بالك منها قبل ما تستلم
بص كمان على عداد العربية وشوفه عامل كام كيلو عشان فيه عربيات المشتري بيستلمها عاملة عداد عالي نسبيا

اثناء التليين
اول 500 كيلو : يفضل تمشي بهدوء جدا والتاكوميتر ( rpm ) ما يعدييش 2500 او 3000 لفة
بعد اول 500 كيلو : تحافظ على طريقة السواقة الهادية ولكن يفضل تمشي بيها لمسافات طويلة نسبيا وماتعديش بردو 2500 او 3000 لفة في الدقيقة بس تحاول تمشي على سرعات مختلفة وعلى غيارات مختلفة من فترة للتانية
وبعد الـ 1000 كيلو تغير زيت وتمام كده

الحماية من السرقة
يفضل تركن العربية في جراج وتغطيها بالمرة للحفاظ على الدهان والتراب اللي هيتراكم على العربية
لو ما امكنش تركن العربية في جراج اعتقد في كلابش بيركب على الدركسيون وبصراحة معنديش فكرة عن مكان شرائه او مدى كفائته بس شوفته اكتر من مرة في ك