الموضوع: العربية دي هتجنني هتجنني !!!

العربية دي هتجنني هتجنني !!



طبعاً كلكم سمعتم اني لبست في مطب وانا رايح اسكندرية بسم الله مشاء الله بقت المطبات الموجودة في طريق السفر اكتر من المطبات الي موجودة قدام الحضانات والمدارس :) ... المهم مش هنا القصة. القصة ان في صوت تصفير. ابتديت اسمعو في متور العربية كان حاجة خطيرة في المتور ... وقررت اعود ادراجي. للبيت وما اسفيرش وانا مروح وقفت في بانزينة اجيب شيكولاته تهدي من نفسيتي بعد خضة المطب الي خلى راسي تطير وتخبط في السقف ... وعلشان كده دايماً بننصح الناس انها تربط حزام الامان علشان لمن تيجي تلبس في مطب متطيرش من العربية ... المهم وقفت اشتري الشيكولاته ورجعت ادور العربية الصوت. راح ... قلت لا يبقى كان انذار كاذب وحمل كاذب خليني. اروح اسافر واشوف شغلي ... ويادوبك. بعد ما عديت الماستر لقيت الصوت رجع. فقلت خلاص هزوك بيها على الاسكندرية وفي الاسكندرية تاني يوم بدورها لقيت الصوت اختفي ... المهم. خلصت قوام قوام شغلي ورجعت القاهرة والصوت رجع وابتدى يعلى اكتر واكتر وكنت حاطط ايدي على قلبي ... والحمدالله وصلت وقررت اخودها لمركز خدمة معتمد ... ولمن رحت هناك ومع اني لمن كنت بسخنها الصبح كان الصوت وواضح !!



لكن اول ما دخلت المركز لقيت العربية قاعدة مئدبة مش سامعلها نفس. ... قعدت اكبسلها. بانزين افتح الكبوت اقفل الكبوت يا بنت الحلال انطقي بقه وخلصيني خلي الباشمهندسين يعرفوا العيب فين. والعربية مش راضية تنطق ... قلت معليش يمكن مكسوفة من كل الشباب الي واقفين. قدامها وهيا فاتحها بقها ... فخدت مهندس معايا ... ركب جمبي وطلعنا بالعربية وقلت امشيها شوية يمكن يرجع يطلع الصوت. إن أم الصووووووت يطلع مش راضية تطلع الصوت ... رجعت ووصلت المهندس للشركة وخدت بعضي ويادوبك مكملتش شارعين. بالعربية الصوت رجع تاني ... قلت الحمد الله ... فرجعت جري للتوكيل وقعدت انده. زي المجنون على المهندسين. يا محممممممممد يا احمددد. تعالو تعالو بسرعه ومرضيتش حتى ابطل العربية علشان يسمعوا الصوت المهم كان الباشمهندس محمد معاه مكالمة سابها وجه جري على العربية ... وعقبال ما نديت على ده وده. الصوت اختفى ... بصيت للعربية وقلتلها يا بنت التييييييييييت والله ِ كنت عارف انك هتعملي فيا كده ... وتفرجي الناس عليا ... وتخليهم. يشكوا في قواياااااا العقلية .... وقعدت ابص للعربية بغييييييل. كده وكان نفسي ارزعها. شلوووووت في وشها (( رفرف العربية )) او جوز أقلام على فانوسها .
وقلت والله لو شفتك بتموتي قدامي ما هسئل فيكي تاني
وأدي أخرت الي يدلع عربيتوا ويهشتكها. بتلاقيها تتمرع عليه وتحرجوا قدام العالم والناس .
صفري براحتيك يا حبيبتي انشالله حتى تنونوي ولا حتى تزغرطي مش هسئل فيكي تاني ابداً ابداً بعد كده ولو شفتك في يوم من الايام كويتشك مفسية ونايمين على الارض همشي عليكي برضوا أدباً ليكي وانا هعرف اعلمك الادب ازاي ويانا يأنتي ... ولمن اشوف أخريتها معاكي أيه !

@@@@@@@@@
وتحياتي