اريد معرفة رايكم فى فيات 131

**Frary** · 09-02-2014 03:53 PM

السلام عليكم[ انا عضو جديد فى المنتدى ولية الشرف ابقى معكم انا قدامى فيات 131 موديل 1975 محرك 1600cc عاوز اعرف ايه عيوبها وميزتها ولما اعدلها وبعد كده ابعها حخصر فيها ولا لا واسف على الاطالة وشكرا لكم

تم نقلة لقسم فيات .

**kokowasfy** · 09-02-2014 06:50 PM

عموما لازم تعرف انك طول ما انت داخل على عربية قديمة داخل على مصاريف كتير مش فى سعر العربية لازم تصرف عليها و تركبلها قطع غيار اصلية لو عملت كدا العربية هتعيش معاك و هتبقا بنت ناس

**aw2100** · 09-02-2014 10:29 PM

المشاركة الأصلية كتبت بواسطة frary

السلام عليكم[ انا عضو جديد فى المنتدى ولية الشرف ابقى معكم انا قدامى فيات 131 موديل 1975 محرك 1600cc عاوز اعرف ايه عيوبها وميزتها ولما اعدلها وبعد كده ابعها حخصر فيها ولا لا واسف على الاطالة وشكرا لكم

اهلا بيك فى نايل موتورز
الفيات 131 عربية كويسة دفع خلفى على كردان وكورونة مش على كبالن زى العربيات الحديثة اهم حاجة تراجعها الشاسية مش مهم العافشة ولاالموتور نفسة
والموتور 1600 ده 2 كامة قوى جدا بس بياكل بنزين خصوصا انه كاربراتير مش انجكشن واى عربية بتتعدل انت بتصرف عليها لما بتبعها بتخسر الصرف الزايد عليها عموما مبروك على العربية الجديدة وكل العربيات حتى ال0 بتصرف !!

**Frary** · 11-02-2014 03:10 AM

اولا شكرا على الرد بس انا كنت عاوز اجبها منها اقدى بيها مشويرى ومنها ابعها كتجارة فده حينفع ولا لا وشكرا

**khaled_sabry** · 11-02-2014 08:38 AM

المشاركة الأصلية كتبت بواسطة frary

اولا شكرا على الرد بس انا كنت عاوز اجبها منها اقدى بيها مشويرى ومنها ابعها كتجارة فده حينفع ولا لا وشكرا

على قد مشاويرك ماشى شغال
لكن ماتنتظرشى انك تكسب من وراها لما تبيعها كتجاره

**abukareem** · 15-02-2014 10:43 PM

سيارة ممتازة اذا كانت حالتها كويسة ولكن للركوب وليس للتجارة 1600 منه ايضا واحد كامة ومعى واحدة

**michohat** · 17-02-2014 09:08 AM

العربيه 131 مازل لدي لها حنين خاص لانني عاشرتها اكثر من 15 سنه
كنت بصرف عليها بغباء ( سمكره ودوكو مع اي خربوش او خبطه ) ولدرجه ان لحد الان لدي قطع استيراد منها
الخلاصه لو عربيه اصيله اساستها سليمه حوضها سليم كارونتها سليمه هتعيش معاك بس انا بعتها لان معدش في تجار استيراد ليها في محافظتي لان كان لي متطلبات خاصه في قطع غيار الصالون(بحب اركب الاصلي بتاع بلادها لو حالته احسن من اللي راكب عندي )
و معرفش كان عيب في عربيتي ولا ايه بس عمرها ما زادت عن سرعه 120 بس في الثبات ولا كلمه ( صخره )
الدركسيون خفيف ومش تقيل
الخلاصه لو قادمك عربيه نظيفه ( اساسيات ) وانت مش مهتم بحاله الصالون والبودي سمكره ودوكو او هتتعايش معاهم استخير وتوكل على الله

**aw2100** · 17-02-2014 09:59 PM

المشاركة الأصلية كتبت بواسطة michohat

العربيه 131 مازل لدي لها حنين خاص لانني عاشرتها اكثر من 15 سنه
كنت بصرف عليها بغباء ( سمكره ودوكو مع اي خربوش او خبطه ) ولدرجه ان لحد الان لدي قطع استيراد منها
الخلاصه لو عربيه اصيله اساستها سليمه حوضها سليم كارونتها سليمه هتعيش معاك بس انا بعتها لان معدش في تجار استيراد ليها في محافظتي لان كان لي متطلبات خاصه في قطع غيار الصالون(بحب اركب الاصلي بتاع بلادها لو حالته احسن من اللي راكب عندي )
و معرفش كان عيب في عربيتي ولا ايه بس عمرها ما زادت عن سرعه 120 بس في الثبات ولا كلمه ( صخره )
الدركسيون خفيف ومش تقيل
الخلاصه لو قادمك عربيه نظيفه ( اساسيات ) وانت مش مهتم بحاله الصالون والبودي سمكره ودوكو او هتتعايش معاهم استخير وتوكل على الله

حكاية انها مابتعديش ال 120 وخصوصا لو الفتيس 5غيار بيبقى عيب فى الباب الثانى للكاربراتير ده لو راكب لها كاربراتير 2باب اصلا