Lancer EX 2014 VS Elantra 2014

**Dino_3200** · 10-02-2014 01:29 AM

شباب, ده اول موضوع ليا هنا, انا معايا شيفروليه اوبترا مانوال من 2009 معايا زيرو بس أعتقد حان الوقت اغيرها و اجيب جديد, و حاطط عينى على حاجه من اتنين يا لانسر شارك 2014 يا اما الينترا 2014, يا ريت تفيدونى علما بأنى بسافر كتير, و حريقه جرى حتى انى مش بحب العربيات الاوتوماتيك, بحب الدبرياج عشان الفرك و الغرز, فا لو كده هجيب الانترا مانويال بس الشارك اوتوماتيك بس للأسف, على العموم الفرق فى السعر بين العربيتين مش كبير, انهى احسن؟ و ثبات اى واحده فيهم احسن على الطريق الله يستركم علشان الجرى, الثبات بالنسبالى مهم

و شكرا

**Ahmed TRAVCO** · 10-02-2014 01:51 AM

بالنسبة للثبات فالقول الفصل ان الالنترا مرجيحة جنب الشارك، بمنتهى الأمانة سوق الاتنين وشوف احساسك وانت ماشي 170 مثلا هيكون عامل ازاي في كل واحدة وانت تفهمني...
في نفس الوقت اوعى تجيب الشارك اول فئة اللي الوكيل مقلبها حتى من مساند اليد... هات على الاقل على الاقل الفئة التانية علشان الاي بي اس والجنوط وكده... ولو اخدت الهايلاين يبقى جبت من الآخر بقى...
ولو افترضنا ان الشارك الفئة التانية بحوالي 145، فأؤكد لك ان شبه مستحيل تلاقي عربية في مصر بالسعر ده وتديلك ثبات الشارك...
والله اعلم!!

**kazamodia** · 10-02-2014 02:02 AM

من الاخر السيراتو الجديدة
ثبات وشد وجري وحرق وكل اللي انت عايزه

**J A G U A R** · 10-02-2014 02:03 AM

لو بتدور على الثبات يبقى شارك وش .. اما لو قصدك حاجه تانيه اعتقد الكلام ممكن يتغير .

**Dino_3200** · 10-02-2014 03:04 AM

مش بحب الكيا ولا عاجبانى السيراتو, انا إختيارى بين الشارك و الالينترا بس

**MHeikal** · 10-02-2014 05:17 AM

الشارك الفئة التانية علي الاقل بالاضافة الي الثبات اللي كل الناس بتتشكر فيه ,موش هاتاخدها فاضية زي الالنترا بنفس السعر يعني هاتكون فيها جنوط16 + ABS + 2AirBags + EBD

**برنس الليالي** · 10-02-2014 06:12 AM

بالنسبة للألنترا كل ملاكها بيقولو عليها انها بتعوم بعد الـ120 او ازيد حاجات بسيطة والشارك اثبت منها واعتمادية وملهاش اعطال

الالنترا اشيك بس الشارك برستيج خارجي بردو وبيليق عليها اي تعديل ... توكل على الله بالشارك, في امان الله