الموضوع: فلتر الزيت الاصلى و الفلتر المضروب

الموضوع دة عشان الناس تاخد بالها و هى بتشترى فلتر الزيت عشان السوق مليان فلاتر مضروبة و مش كل الناس بتعرف تفرق بينهم و مش كل الناس اللى بتبيع عندها ضمير... هنا هتلاقى شوية حاجات تدلك على الفلتر الاصلى و تميزة عن المضروب

اول حاجة علبة الفلتر... طبعا كلنا حافظين شكل العلبة دى و بالتالى اى فلتر مش فى العلبة دى يبقى مش اصلى


الا لو واحد عندة فلتر من ايام فحت البحر فا هيبقى فى العلبة دى بس دة موضوع مستبعد اوى لان العلب دى مش موجودة دلوقتى خالص دلوقتى



تانى حاجة علبة الفلتر بيبقى ملزوق علية ستيكر علية اسم المورد... ممكن يبقى منصور و ممكن يبقى حد تانى... بس فى الغالب المضروب مش هيبقى علية ستيكر اصلا





تالت حاجة الفلتر نفسة ملزوق علية ستيكر فيه البارت نمبر و فى طرفة اليمين علامة مائية... المضروب مفيهوش الستيكر دة او على الاقل لو علية ستيكر مش هيبقى بعلامة GM المائية





رابع حاجة جسم الفلتر نفسة بيبقى مدهون اسود لميع و علية لوجو GM و لوجو الدايو الجديد... المضروب بيبقى زى ما يكون مرشوش يدوى و الكتابة اللى علية مفيهاش لوجو GM ولا علامة الدايو... انا شوفت فلتر مضروب كان مرشوش اسود مط و الرش جاى على الكتابة اللى على الفلتر اصلا



خامس حاجة الفلتر بيبقى علية غطاء سولوفان على مكان التركيب



سادس حاجة الفلتر بيبقى باربع فتحات... المضروب بيبقى ب6 فتحات



MMamdouh