دايو نوبيرا بتتاخر في الدوارة

**svneleven** · 10-02-2014 06:01 PM

العربية أوتوماتيك مو 2008 ماشية 80 ألف كيلو و بتتأخر في الدوارة جامد و لازم تسند بنزين عشان تدور مش فارقة بقي باردة سخنة صبح ليل. طبعا كل الصيانات الروتينية معمولة زي الفلاتر و البوجيهات و الكلام ده. ايه ممكن تكوت المشكلة. التوكيل قالو رشاشات.
سؤال تاني زيت الفتيس المفروض يتغير علي 60 ألف و الا ايه لأنه ما اتغيرش خالص.

**aboomar22** · 10-02-2014 07:13 PM

ايوه عيب رشاشات حضرتك فيه مركز الصفا فى جسر السويس وهو ليه اعلان هنا فى المنتدى هيكشف على الرشاشات بالجهاز لو محتاجين تنيف هينظفهم بالالتراسونيك لو مجتاجين تغير هتجيب بتوع ال bmw m40 وتركبهم عندهم فى المركز علشان يقيسوا زمن الفتح والغلق بالجهاز وهتلاقى موضوع فى القسم هنا عن زميل عمل الحكاية دى --لكن قبل الكلام ده هات علبة منظف رشاشات وضيفة على تانك البنزين مليان وان شاء الله تكون حاجة ساده ارشاشات او محتاجة نظافة عادية --موضوع زيت الفتيس معرفش عربيتى مانوال لكن المكتوب فى الكتالوج التغير على 40 الف الزيت والفلتر

**tefa22m** · 10-02-2014 09:50 PM

فى استهلاك زياده فى البنزين ؟
فى بطىء فى السحب ؟
فى ريحه بنزين غير مكتمل الاحتراق ؟

**دعبدالرحيم** · 10-02-2014 11:12 PM

غالبا رشاشات غيرهم افضل لو العربية بتستهلك بنذين كتير

**3ateef** · 10-02-2014 11:16 PM

المشاركة الأصلية كتبت بواسطة tefa22m

فى استهلاك زياده فى البنزين ؟
فى بطىء فى السحب ؟
فى ريحه بنزين غير مكتمل الاحتراق ؟

عندى نفس المشكلة, واجابة ال 3 اسئلة لأ!

**svneleven** · 11-02-2014 06:48 AM

1000 شكر أبو عمر هتعامل تمام زي ما حضرتك قولت.
تيفا باشا. السحب بطئ شوية عن المعتاد لكن ممكن برده يكون بسبب زيت الفتيس.

**basees2000** · 11-02-2014 11:59 AM

رشاشات يا باشا لو ملقتش رشاشات بي ام m40 هات رشاشات هيونداي. هتلاقيها رفيعه عن بتاعت النوبيرا بس هتركب متقلقش منها. وعامله 200 جنية استيراد

**asas630** · 11-02-2014 04:13 PM

المشاركة الأصلية كتبت بواسطة svneleven

العربية أوتوماتيك مو 2008 ماشية 80 ألف كيلو و بتتأخر في الدوارة جامد و لازم تسند بنزين عشان تدور مش فارقة بقي باردة سخنة صبح ليل. طبعا كل الصيانات الروتينية معمولة زي الفلاتر و البوجيهات و الكلام ده. ايه ممكن تكوت المشكلة. التوكيل قالو رشاشات.
سؤال تاني زيت الفتيس المفروض يتغير علي 60 ألف و الا ايه لأنه ما اتغيرش خالص.

زيت الفتيس يتغير علي 20 الف وتبقي تشيك علي المصفاة