مشكلة في حرارة الجولف 4 1600sr

**Honda_lover** · 11-02-2014 12:51 AM

كان عندي مشكلة في نقص مياة التبريد فغيرت طقم التبريد استيراد ارخص من تغيير الريدياتير بجديد وهو عبارة عن ريدياتير و سربنتينة وقميص بمراوحه المهم بعد التركيب اكتشفت ان الحرارة داخل المدينة ثابتة علي 90 ولما طلعت علي طريق الصحراوي لاحظت نزول مؤشر الحرارة لحد الصفر كانها مبطلة ودي مشكلة مبتحصلش غير لما بيكون ال thermostat تالف بس الغريب انها كانت قبل التغيير مظبوطة علي 90 وبعد التغيير مباشرة ظهرت المشكلة دي ومجتش ناحية ال thermostat نهائيا المتحكم في ضبط حرارة التشغيل لانه عما اظن بعيد عن مجموعة التبريد فهل ممكن يكون في سبب تاني يؤدي لنفس المشكلة ولا هو باظ وصدفت المشكلة في نفس وقت تغيير طقم التبريد؟

**elokle** · 13-02-2014 01:19 PM

اكيد هو thermostat الكوعه اللي بيخلي الحراره تنزل كده لما تجري بالعربيه

**alzelafy** · 18-02-2014 03:03 PM

دى ترموستات الكوعه بايظه او مركبتش م طقم التبريد موما هى ميزة و عيب بس اناشايف انها ميزة اكتر عشان تتاكد ان العربيه دى بتتبرد كويس و الحرارة مش عاليه لان العربيات دى بردو الموءشر فى الغالب مبيعلاش عن ال 90 حتى لو ساخنه فممكن تعمل معاك مشكله و انتا مش حاسس لكن لما المؤشر ينزل قدام عينك يبقى كدة تمام و العربيه مبتكونش باردة زى منتا فاهم بتكون ماسكه حرارتها بردو و انا عندى نفس القصه فى الباسات و الحرارة مبتوصاش 70 اصلا فى الشتاء غير فى الزحمه و الخنقه ممكن توصل 90 و لما الطريق يفتح تنزل 70 و 60 كمان