الموضوع: سؤال وفكره عن دينامموا اللانوس

سؤال عن شحن الديناموا في اللانوس
القصه باختصار عربيه لانوس1 2000 البطاريه بتبوظ بعد سنه وشهر برغم من ان نفس نوع البطاريه راكبه في فيرنا في نفس التوقيت بتشتغل ضعف المده ركبت بطاريه جافه وبعد كام يوم لاحظت ان العين اللي بتبين شحن البطاريه عرقانه مياه قلقت ان ده ممكن يكون شحن زياده روحت للراجل بتاع البطاريات قاس البطاريه والشحن بالجهاز اللي بيدي علامه جيد او سيئ المهم الدنيا تمام روحت وانا واقف عنده قست الشحن بالافوميتر لقيته 14.7 بقوله هو مش كده زياده قالي ايوه كده زياده وان اللانوس معرف ان الديناموا بتاعها عالي وبيطلع فولت زياده وده سبب استهلاكها للبطاريه بسرعه طيب ايه الحل قالي الناس بتغيره بديناموا المرسيدس عشان بيفصل حسيت الراجل فاهم فقررت ان اتناقش معاه مع اني مش بحب اتناقش مع صنيعيه فبسئله ازاي يفصل والعربيه دايه طيب ما كده غلط قالي لا المقصود بانه بيفصل ان الشحن بينزل من 14 ل 12 لما البطاريه تبقي اتشحنت وشويه ويرجع يشتغل تاني لما الشحنه تنقص
الاسئله بقي هنا
هل فعلا ديناموا الانوس بيطلع فولت زياده و14.7 ديه كده صح ولا زياده ؟
هل فعلا في ديناموا بيشحن وبيفصل وبتاع الانوس لا ؟
طيب لو فعلا الكلام ده صح ما نفكر نعمل حل للانوس زي مثلا دايره بعد الديناموا ينظم الكلام ده
طيب لو فكرنا نعمل الدايره ديه سهله بس السؤال اللي هايفرق هنا اليناموا بيطلع كام امبير عشان لو امبير عالي مش هاينفع دواير الكترونيه الا لو حاجه مخصوصه بقي للكلام ده
ملحوظتين
انا قست امبير الشحن والعربيه دايره كان 2.4 امبير
الديناموا ده بتاع العربيه وما تغيرش وما تعملش فيه اي شغل قبل كده