ازاى اوصل ؟؟؟

**lada2105** · 11-02-2014 03:29 PM

احلى مساء على اجمل اعضاء المنتدى اهدى تحياتى وتقديرى لكل عضو من اعضاء المنتدى ممكن من الاخوه حد يشرحلى ازاى اروح فرع العبور عشان اعمل صيانة 5000 . علما باننى جاى من طنطا يعنى هاجى من على الدائرى وكمان شرح مبسط عشان معنديش خلفيه عن الطريق غير اخرى اروح المطار ؟؟؟
وهل فرع العبور هو التوب فى المعامله والصيانه والهياكل ولا فيه احسن منه ؟؟؟ لانى عندى بابى الشمال الامامى حاسس كده انه مفارق شويه ؟؟
شاكر افضالكم جميعا

**midon1** · 11-02-2014 08:16 PM

متابع .
انا كمان عاوز اجي فرع العبور صيانه ال 25000 . اخر صيانه ليا في التوكيل المعفن ده وهسيبه
انا هاجي من المنصوره , عاوز اعرف الطريق برده

**lozaregypt** · 11-02-2014 09:03 PM

المنصورة السنبلاوين -الزقاريق - بلبيس الصحروي العبور قصاد كارفور تدخل طريق اللي الناحية التانية في طريق عالي وطريق واطي المهم
خليك في الطريق العالي مع اول يمين هتلاقي في وشك رينو بس
وبتاع طنطا برضة اسهل طريق من ناحية الزقازيق برضة اسهل ليكم من زحمة الزراعي وقيلوب وهتلف لفه محترمه جدا

انا عارف ان انا ماشرحتش بقدر كافي لكن علي قد ما قدرت
وبالتوفيق

**lada2105** · 13-02-2014 02:49 PM

هو الموضوع صعب كده للدرجة دى ؟؟

**lada2105** · 14-02-2014 10:43 PM

هو البرد ماثر على اﻻعضاء مش عارفه ترد كده ....

**lada2105** · 17-02-2014 12:41 AM

نفسى اعرف الاعضاء اللى موجوده فى القاهرة محدش عارف اوصل ازاى ولا مفكرنى بتريق عليهم بجد محتاج شرح مبسط عشان اعمل الصيانه . ده من حبى فى الجروب ومساعدة الاعضاء حبيت اللوجان بحبكم فبرجاء حد يشرحلى الطريق بدل ما اولع فى نفسى والعربية ؟؟

**lada2105** · 21-02-2014 01:49 PM

المشاركة الأصلية كتبت بواسطة lada2105

احلى مساء على اجمل اعضاء المنتدى اهدى تحياتى وتقديرى لكل عضو من اعضاء المنتدى ممكن من الاخوه حد يشرحلى ازاى اروح فرع العبور عشان اعمل صيانة 5000 . علما باننى جاى من طنطا يعنى هاجى من على الدائرى وكمان شرح مبسط عشان معنديش خلفيه عن الطريق غير اخرى اروح المطار ؟؟؟
وهل فرع العبور هو التوب فى المعامله والصيانه والهياكل ولا فيه احسن منه ؟؟؟ لانى عندى بابى الشمال الامامى حاسس كده انه مفارق شويه ؟؟
شاكر افضالكم جميعا

**the lawyer** · 22-02-2014 09:06 AM

كل اللي جاي من طنطا أو الزقازيق ياخد الطريق الزراعي وخلو بالكو هو بيبقي زحمة من كوبري قليوب لحد الدائري والزحمة بتبدي من الساعة 7 ص الي 10 ص تقربيا ندخل بقي في التفاصيل :-
طبعاً حتفضل ماشي لحد الدائري وحتاخد الطلعة التانية ( اتجاه السلام ) خلي بالكم الطلعة الأولي هيا اللي بعد غبور متطلعوهاش حتاخد اللي بعديها بحوالي 200 م .
حتفضل ماشي علي الدائري لحد متوصل نفق السلام حتعدي من النفق وتمسك شمالك أول فتحة تاخدها وتعدي الناحية التانية ، حتمشي حوالي كيلو وحتلاقي نزلة طريق الإسماعيلية الصحراوي علي يمينك حتنزل منها وتمشي حوالي 4 كم لحد متلاقي نفق مدينة العبور بمجرد متنزل النفق حتلاقي علامات ارشادية لرينو امشي وراها وتوصل بالسلامة