سؤال خاص بطريقة رفع السيارة لفترة طويلة ( خاص بالسيارات الجديدة )

**k50_** · 11-02-2014 05:38 PM

السلام عليكم ,

انا يا اخواني عايز ارفع العربية بتاعتي مدة حوالي سنة , العربية لسة جديدة الحمدلله موديل 2012 , ولسة مكملتش 25 الف كيلو , ف عايز اعرف ايه الي انا محتاج اعمله عشان ارفعها ؟
انا قريت كذا موضوع ف المنتدي هنا لكن للأسف مش موضحة بشكل كامل او وافي لعملية الرفع , او العكس ف حالة رجوع استخدام العربية .

ف لو ممكن نصايحكم يا شباب , مع الاخذ في الاعتبار اني هركن العربية في جراج امين وفيه اكتر من حارس امن لكن مكان الجراج في الهواء الطلق.

ف ازاي اقدر ارفع العربية , وهل هحتاج افضي اي سوائل فيها ؟ وايه هيا السوائل الي افضيها وازاي ؟ وهل اقدر اعملها بنفسي ولا هحتاج ميكانيكي ؟
وكمان الكاوتشات هحتاج افكها ولا ممكن ازودها 36 او 38 واسبها؟ ولو ف حالة اني فكتها علي لو حطيتها علي طوب كفاية ولا ممكن الطوب يتكسر والعربية تقع؟

وكذلك كيف التعامل مع البطارية ؟ اشيلها واديها لأحد من اصدقائي يوديها لراجل بتاع بطاريات كل شهر يشغلها ولا ايه الي بيتم؟

وشكرا لكم مقدما ..

**abohend** · 11-02-2014 07:05 PM

إتبع الخطوات التالية
1- غير الزيت و الفلتر (إستخدم زيت بدون إضافات)
2-فول التانك للزور من بنزينة نضيفة (عشان أي مساحة فالتانك ممكن يحصل فيها تكثف مياه)
3- إتأكد من مستوى سائل التبريد
4- نفخ العجل جيدا (راجع دليل المستخدم) لتفادي ظهور البقع المستوية و من الطبيعي الإحساس بعدم الإتزان بعض الشئ عند إعادة الإستخدام لمسافة 15-20 كم
5- تنظيف السيارة و تشميعها عند كار كير (لابد من إزالة الطين من أسفل السيارة لأنه من أكبر أسباب البارومة)
6- سد الشكمان بقماشة لمنع الحيوانات و الحشرات من الإستيطان
7- حط أكياس حفظ طعام بين الزجاج الأمامي و جلد المساحات عشان متلزقش
8- شيل البوجيهات و حط شوية زيت في الأسطوانات لمنع الصدأ
9- رفع السيارة للحفاظ على الكاوتش
10- نزل الهاند بريك (لكن تأكد من تثبيت السيارة)
11- التأكد من غلق الأبواب
12- تغطية السيارة (ووتر برروف و لكن ببطانة قماش)
13- الركن في جراج

**abohend** · 11-02-2014 07:51 PM

المشاركة الأصلية كتبت بواسطة abohend

إتبع الخطوات التالية
1- غير الزيت و الفلتر (إستخدم زيت بدون إضافات)
2-فول التانك للزور من بنزينة نضيفة (عشان أي مساحة فالتانك ممكن يحصل فيها تكثف مياه)
3- إتأكد من مستوى سائل التبريد
4- نفخ العجل جيدا (راجع دليل المستخدم) لتفادي ظهور البقع المستوية و من الطبيعي الإحساس بعدم الإتزان بعض الشئ عند إعادة الإستخدام لمسافة 15-20 كم
5- تنظيف السيارة و تشميعها عند كار كير (لابد من إزالة الطين من أسفل السيارة لأنه من أكبر أسباب البارومة)
6- سد الشكمان بقماشة لمنع الحيوانات و الحشرات من الإستيطان
7- حط أكياس حفظ طعام بين الزجاج الأمامي و جلد المساحات عشان متلزقش
8- شيل البوجيهات و حط شوية زيت في الأسطوانات لمنع الصدأ (ثم إعادة تركيبها)
9- رفع السيارة للحفاظ على الكاوتش (أستشير عن طريقة الرفع المثلى)
10- نزل الهاند بريك (لكن تأكد من تثبيت السيارة)
11- التأكد من غلق الأبواب
12- تغطية السيارة (ووتر برروف و لكن ببطانة قماش)
13- الركن في جراج
14- البطارية (أستشير عن طريقة الحفظ المثلى)

**ضى القمر** · 11-02-2014 08:06 PM

الله ينور رد تمام

**Hazem_Ahmed** · 11-02-2014 08:27 PM

thanks

**k50_** · 12-02-2014 12:25 AM

المشاركة الأصلية كتبت بواسطة abohend

إتبع الخطوات التالية
1- غير الزيت و الفلتر (إستخدم زيت بدون إضافات)
انا مغير زيت 10 تلاف يعني المفروض اغيروه كمان 5 تلاف كيلو , كدا اغيره تاني ؟ وكمان ما معني بدون اضافات ؟؟
2-فول التانك للزور من بنزينة نضيفة (عشان أي مساحة فالتانك ممكن يحصل فيها تكثف مياه)
هو مش كدا كدا البنزين بيطير ؟؟ وكمان هل من الامان اني افولها لحد الاخر ؟؟
3- إتأكد من مستوى سائل التبريد
4- نفخ العجل جيدا (راجع دليل المستخدم) لتفادي ظهور البقع المستوية و من الطبيعي الإحساس بعدم الإتزان بعض الشئ عند إعادة الإستخدام لمسافة 15-20 كم
انا عايز اجيب الجاك استاند وارفع العربية بالكاوتش عن مستوي الارض , ايه رايك ف الفكرة دي ؟
5- تنظيف السيارة و تشميعها عند كار كير (لابد من إزالة الطين من أسفل السيارة لأنه من أكبر أسباب البارومة)
6- سد الشكمان بقماشة لمنع الحيوانات و الحشرات من الإستيطان
7- حط أكياس حفظ طعام بين الزجاج الأمامي و جلد المساحات عشان متلزقش
8- شيل البوجيهات و حط شوية زيت في الأسطوانات لمنع الصدأ
هيا البوجيهات بتتشال بسهوله ؟ وكمان نوع ايه الزيت الي احطه ف الاسطوانات ؟ بالاضافة اسطوانات ايه ؟ ياريت توجيه ..
9- رفع السيارة للحفاظ على الكاوتش
كما قولت مسبقا ناوي استعمل الجاك استاند , لكن هل ده امان ان العربية تفضل ثابتة لمدة سنة ؟؟
10- نزل الهاند بريك (لكن تأكد من تثبيت السيارة)
11- التأكد من غلق الأبواب
12- تغطية السيارة (ووتر برروف و لكن ببطانة قماش)
13- الركن في جراج

شكرا يا عزيزي علي الرد بس رجاء لو تقرا اسئلتي علي التعليق وتوضحها ليا اكتر..

**k50_** · 14-02-2014 01:02 PM

للرفع ..

**abohend** · 14-02-2014 02:55 PM

لازم تغير الزيت عشان في مواد بتتأكسد بعد سنة بالكتير
ملئ التانك ضروري عشان الأولسيهات متنشفش
أنا معرفش الجاك ستاند
البوجيهات: خلي ميكانيكي يعمل لك الموضوع ده