أكسنت أربي ولا إليزيه baseline

**George.asmz** · 11-02-2014 09:21 PM

انا محتار بين الأكسنت أربي والإليزيه baseline جامد أوي؟
أنهي أحسن كموتور وقطع غيار؟ وبالنسبة للإمكانيات وكدا؟
بتكلم عن الأكسنت اول فئة في الأتوماتيك والإليزيه أوتماتيك baseline.

**محمد اسلام** · 11-02-2014 09:40 PM

يا راجل حرام عليك ازاى تقارن الاوروبى بالكورى ... واصلا مافيش اى وجه للمقارنة ... السى اليزية اقوى ( 1600 - 115 حصان ) ثبات عالى جدا ، صالون واسع جدا وشنطة بحر ، وعالية عن الارض ، وخامات وتقفيل ممتاز ، وفتيس استبترونيك ، وتوكيل محترم ( ستروين عز العرب ) ، وقطع غيار سعرها زى اى عربية كورى موديل حديث وكل ده بسعر 120.000 جنية بس .... وعن تجربة انا شايف انها افضل وافخم عربية فى الفئة السعرية من 110.000 جنية حتى 150.000 جنية
http://www.nilemotors.net/Nile/404042-a.html
https://www.facebook.com/pages/%D9%8...4444916?ref=hl

**Ghost2** · 11-02-2014 10:03 PM

بﻻ تفكير او مجادﻻت . ستروين و بيجو 301 . و اردم على اي عربية تانية في الفئة دي

**saddam** · 12-02-2014 12:20 AM

صديقي المواطن
مهزلة وجريمة مكتملة اﻷركان وحضرتك وجهت طعنة في الصميم لكل عالم السيارات
السيتروين سي إليزيه كعربية أفضل أكسنت آر بي بأربع أو خمس مرات ومفيش وجه مقارنة لا شكلا ولا موضوعا ولا قلبا ولا فشة ولا كبدة ولا كلاوي وبعدين أنا مش شايف أصلا حد دلوأتي بيشتري هيونداي أكسنت آر بي خلاص راحت عليها والناس بتغيرها بنيو ريو مثلا ولكن ال آر بي تتفوق فقط على سي إليزيه فقط فقط في إعادة البيع وقطع الغيار ليس لعيب في العربية ولكن توكيل عز العرب من كبار الناجحين والسباقين في عالم الفشل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**J A G U A R** · 12-02-2014 12:56 AM

سى اليزيه افضل

**George.asmz** · 13-02-2014 12:13 AM

شكرا جزيلاً ..
أنا تقريباً خلاص إستقريت على الإليزيه وركبتها وتمام..

المشكلة إني عايز أجيب ال comfort baseline.. ومش لاقيها في ولا معرض.. ومحتاج صورة ليها من جوة علشان أشوف الإختلافات وأشوف سكل التابلو بعد التغيرات..

لو حد صور ليها من جوة وكدا ياريت.. ولو حد يعرف معرض تسليم فوري لل comfort بالقاهرة ياريت

**raedegypt** · 13-02-2014 10:05 AM

المشاركة الأصلية كتبت بواسطة george.asmz

انا محتار بين الأكسنت أربي والإليزيه baseline جامد أوي؟
أنهي أحسن كموتور وقطع غيار؟ وبالنسبة للإمكانيات وكدا؟
بتكلم عن الأكسنت اول فئة في الأتوماتيك والإليزيه أوتماتيك baseline.

الهيونداى افضل طبعآ
الهيونداى مكتسح الخليج كله والعالم واى حد فى الخليج عارف كدة . الشركه قويه جدآ
عربيات قطع غيار متوفرة بكثره ورخيصه
احسن سعر فى اعادة البيع
موديلات فى منتهى الشياكه وصالونات تصميم رائع سيارات رياضيه
سهله الصيانه فى اى ورشه مش لازم توكيل
سحب السيارات عالى جدآ
تكييف على السرعات البطيئه ثلاجه والعربيات لاتسخن
اتوكل على الله الهيونداى ما يحتاج