محتااااار جدااااااا اووووي

**ahmed ahmed** · 13-02-2014 09:05 AM

اشتري سيراتو 2005 اتوماتيك حالة الزيرو فبريكا بجد وعربيه بيتي ومتشافه بس سعرها 65 الف جنيه ولا ادور علي لانسر بوما او ماتريكس 2005 مانيوال كل المحتاجه عربيه عائليه موفره في استهلاك البنزين ثباتها عالي قطع غيارها متوفرة ورخيصه نسبيا ارجو الافااده واسف لازعاج حضراتكم

**شادى عبدالمنعم** · 13-02-2014 11:36 AM

رأى الماتريكس او البوما الاثنين محتفظين تقربيا بشكلهم للنهارده ومنتشريين جدا وصالونهم اوسع من السيراتو وهتﻻقى فيهم حاﻻت كويسه

**ahmed ahmed** · 13-02-2014 12:33 PM

معروض عليا اكتافيا 2003 اتوماتيك ب70 الف بس قلقان من الاتوماتيك المستعمل بجد خلاص هتجنن بقالي شهرين بدور علي عربيه

**J A G U A R** · 13-02-2014 02:34 PM

على فكره الشيب ده فى السيراتو جميل جدا وشكله حلو بس مخدش فرصته فى السوق عندنا بس يتخاف منها شويه فى قطع الغيار

**J A G U A R** · 13-02-2014 03:47 PM

المشاركة الأصلية كتبت بواسطة ahmed ahmed

والله يا باشا حضرتك من اكتر الناس التعبت معايا في المقارنات وغيرة بس بجد انا اتجنت من اسعار العربيات حتي الاوبترا مانيوال مش لاقيها بسعر كويس

لا تعب ولا حاجه انا والله عايز اساعدك علشان شايفك فعلا بقالك فتره كبيره محتار ومش عارف تختار عربيه وان شاء الله تلاقى العربيه اللى تناسبك وبسعر كويس .

**mahmoud_ali** · 13-02-2014 04:07 PM

انا شايف ان البومه بدون انحياز ان انا من ملاكها بس فعلا هيا اكتر انتشارا ومتوفره فى قطع الغيار على عكس السيراتو هيا عربيه جميله بس منتشرتش فبالتالى قطع غيارها ممكن يكون فيها نقص

**saddam** · 13-02-2014 05:02 PM

صديقي المواطن
سيب كل مقارنة وكل سؤال في موضوعه ولوقته ولكن بالموضوع ده فجوابنا
قولا واحدا تبعد عن السيراتو الشكل ده راحت عليه من زمان أوي وحتتعب معاها ومهما كانت نظيفة فسعرها مش لقطة ومش وطني ومش محتاجة حيرة وشوف غيرها وإعمل إستشارة وموضوع تاني ومقارنة تانية وأنا والزملاء اﻷفاضل الكرام مش حنسيبك لغاية منركبك عرببة وتلبس فيها بحيطة ونوقف معاك في تصليحها كمان وحفظك الله من كل سوء وجمد قلبك وخليك مغامر ومعادش فيه عربية رخيصة خصوصا إن الشعب المصري شعب إستسهالي وحضرتك بتدور في كل العربيات اللي بيدور عليها أي مصري فمش حتلاقي حاجة لقطة إلا بصدفة الصدفة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ahmed ahmed** · 13-02-2014 11:16 PM

المشاركة الأصلية كتبت بواسطة mahmoud_ali

انا شايف ان البومه بدون انحياز ان انا من ملاكها بس فعلا هيا اكتر انتشارا ومتوفره فى قطع الغيار على عكس السيراتو هيا عربيه جميله بس منتشرتش فبالتالى قطع غيارها ممكن يكون فيها نقص

انا نفسي في لانسر بوما لكن مش لاقي لا اتوماتيك ولا مانيوال 1600 بسعر 70 كله 1300 في حدود امكانياتي

الموضوع: محتااااار جدااااااا اووووي

LinkBack

أدوات الموضوع

عرض

-

-

-

المواضيع المتشابهه

عــيد مــيلاد الـكـبـيـيـيـر اووووي ( Karim_Monir )

اجيب نوت ولا s3 محتااااار

محتااااار

من فضلكو...... محتااااار؟؟!!!

انا محتااااار بعد الاسترا

الكلمات الدلالية لهذا الموضوع

المفضلات

المفضلات

ضوابط المشاركة