اغير قربة المياة قبل ماجيب؟13000

**gamalo** · 13-02-2014 03:51 PM

اخواني الكرام جيت ف فترة ولاحظت ان عداد الحرارة بيظهر وانا لسة بسخن ويختفي اول ماطلع علي طول فدة مخلنيش اقلق ومشيت شوية لكن جيت ف يوم وقلت افتح القربة لاحظت ان مافبهاش ماء الا قليل فزوتها مياة عادية ومشيت مشوار وركنت العربية ونزلت اجيب حاجة لاحظت ان في مياة تحت العربية فتحت وشفت لقيت ان المياة بتنزل من القربة فرحت التوكيل عند عيسي عندنا بالمنصورة واكتشفت اني كان عندي صيانة ال6 شهور ونسيتها خالص فالناس هناك بصراحة محترمين جدا وعملولي الصيانة وغيرولي القربة تبع الضمان وعملت كشف كومبيوتر وتربيط عفشة ومراجعة سوائل والاخر دفعت 100 ج فسؤال هل ان ممكن القربة تشرخ قبل ماوصل ال13000 ؟ ثانيا انا لاحظت ان السائل بتاع التبريد اللي كان ف القربة اللي باظت كان تقيل شوية وعامل زي الطحينة كدة اللي كان جاي مع العربية لاني مغيرتوش من اول ماستلمت العربية هل ف حاجة تضاف اللي ماء القربة العادي يساعد علي التبريد ؟
واسف للاطالة ---------------------

**gamalo** · 13-02-2014 09:02 PM

43 مشاهدة ومحدش يقول رايه -------الشعب المصري دا عنده حب استطلاع رهيب بدون ابداء راي
شكراااااااااااااااا علي المشاهدات بدون راي

**shadymt2005** · 13-02-2014 09:18 PM

تقرببا الطحينة ده صدا من الرداتير وموضوع القربة ده علامة مميزة فى الام 11 مبروك الصيانة وربنا يكفيك شرها ويديك خيرها

**windofchange** · 13-02-2014 10:19 PM

لون المياه ايه ... عموما مياه التبريد الملونة اسمها كولنت ومهما جدا لانها بتشحم طرمبة المياه ودرجة غليانها اعلي من العادية بتغلي عند120 درجة فبتخلي العربية متسخنش وتحافظ علي دورة التبريد والردياتير من الصدأ عكس مياه الحنفية اللي كلها املاح بتضر وبتهدل دورة التبريد... وفي منها طبعا اصلي ومضروب في السوق ومنها جاهز ومخفف بمياه مقطرة ومنها المركز وانت اللي بتضيفله مياه مقطرة بنسبة معينة والله اعلم

**gamalo** · 16-02-2014 12:48 PM

المشاركة الأصلية كتبت بواسطة windofchange

لون المياه ايه ... عموما مياه التبريد الملونة اسمها كولنت ومهما جدا لانها بتشحم طرمبة المياه ودرجة غليانها اعلي من العادية بتغلي عند120 درجة فبتخلي العربية متسخنش وتحافظ علي دورة التبريد والردياتير من الصدأ عكس مياه الحنفية اللي كلها املاح بتضر وبتهدل دورة التبريد... وفي منها طبعا اصلي ومضروب في السوق ومنها جاهز ومخفف بمياه مقطرة ومنها المركز وانت اللي بتضيفله مياه مقطرة بنسبة معينة والله اعلم

شكرا ياباشا علي المرور الكريم
المياة اللي كانت قبل كدة كانت قريبة من اللزجة او زي ماتقول كدة عليها زيت ولونها مقارب للطحيني ودي كانت فيها اول ماستلمتها مكنش سائل خفيف كان لزج مش عارف اجيبه تاني منين دة وفعلا مياة الحنفية دي مصيبة لو في حاجة بتضاف ياريت نعرف اسمها