الموضوع: حكاية حياتى مع الجولف

انا اسمى احمد صالح صديق جديد في الموقع هنا احب اقولكم بكل اختصار على حكايتى مع الجولف 4
من 3 سنين كان معايا كيا ريو 2001 و بعتها عشان اركب جولف4 طبعا السعر كان غالى و مكنش معايا اكمل ف ركبت جوليت و بعد شواية ايام ماشى علي صلاح سالم لقيتي حلمى الجولف 4 فقولت انشاء اللة هبيع عربيتى و اجبها و فعلا بعت جوليت و اعدت ادور ادور على جولف 4 نضيفة و في ال معقول ملقتش ف من كتر الزهق ركبت هيونداي جيتز قالولي حلوة و الكلام دة المهم جبتها بس حلمى لسة في بالى المهم بعديها بشوية زهقت منها و انا اصلان مكنتش عايزها ف بعتها و اقت ادور ادور على جولف نضيفة و متكنش غالية في المعقول يعنى !! بردة ملقتش ف واحد صاحبى كان معاه برليانس frv 2010 و من كتر الزهق و التدوير على جولف المهم جبتها و كانت عربية زيرو و جميلة و ك حاجة بس حلمى انى اركب بردة الجولف ف بعد شواية راجع من السغل من السويس و لقيت حلمى ماشى جنبي و كانت حلوة اوى و مروقها اوووى بعد مكنت خالاص نسيتها رجعت تانى افكر فيها المهم قولت المرة دي انا هدور الاول و لما الاقى ابقى ابيع المهم طبعا اعت ادور لغايت مالقيت و واحدة و اتفقنا و رحت ابيع عربيتى و جبت الفلوس قالى معليش انا مش هبييع و انوا خالاص دبر الفلوس اللي كان محتجها المهم رجعت زعلان اوووى اوووى و من كتر زهقى قولت انا انشاء اللة أي عربية نضيفة هركبها و خلاص و انا مروح قابلنى جاري و كان معاة نيو اكسنت و كان محتاج فلوس اووى قولت هو اولا من الغريب المهم اشترتها منوا في ظرف نصف ساعة و انا اصلان مش عايزها بس قولت اهى عاربية و السلام و كمان عشان خاطر هو عايز فيلوس ضروري و قالي خودها المهم بعد 3 شهور حسيت انى راكب مورجيحا و انها خفيفة جدا جدا و كذا مرة كنت هعمل حدثة بيعا ف قولت بردة مش هبيعا انا تعبت و انا بردة راجع ن الشغل قابلنى جاري صاحبها و قالى لو عايز تبعها انا هخودها قولتلوا لو لقيت حاجة ليا هديهالك المهم واحد صاحبى اتجوز و رايح ابركلو قالي اركن في الجراج تحت المهم ركنت و زي الفل و نازل لقيت جنبى عربية مركونة جولف 4 بس متربة اووي ف سقلت السايس قالي دي مركونة بقالها 4 سنين و صاحبها في الدور 11 اسمه طارق المهم طلعت لي صاحبها البيت قولت السلام عليكم انا كنت بسال حضرتك على الجولف اللي تحت دي قالي مالها قولتلوا انا عايز اشتريها قالي بس دي عليزة مصاريف دي مركونة من 4 سنين و محدش بيركبها قولتلو منا عارف و عايزها كا دة و انا واقف على الباب قالى طيب ادخل و انا هديك المفتاح تتفرج عليا يمكن متعجبكش المهم نزلت انا و هو و اتفرجت عاليها عربية معاة من الزيرو و جايبها من برة من سويسرا عشان كان شغال هناك في السفارا المهم اتفرجت و هي زيرو بس هي هى عايزا شويت مصارف من الركنة زي دوكو و كوتش و بطارية و هي اصلان فابريقة المهم اتصلت ب جاري قولتلوا و فعلان خد عربيتى هي اصلان كانت بتعتوا و جبتها الحمد اللة امبارح و سعرها حلو جدا جدا و هبدا اشدها على مزاجي بقا
انا عارف انى طولت عليكم اووووووووووى بس قولت احكلكم و اسف جدا على الاطالة و الرجو الافادة اعمل اية و اوديها ل مييين و كدا و شكرا و الحمد اللة

المشاركة الأصلية كتبت بواسطة saddam

صديقي المواطن
مبروك جدا ﻷقصى درجة
وأنا سعيد بيك وبشغفك رغم إن حلمك مش وااو ولكن إنت بتفكرني بنفسي ولما أقعد ألف عليها عشر سنين لغاية مجيبها ودايما الصدف زي مبيحصل معاك بس الفرق أنا مبركبش أي عربية والسلام زي مبتعمل إنت كلهم أركبهم لازم نقاوة قلبي وكمان إنت مبخوت ﻷن صاحبها طلع محترم وشبعان ورحت تزور صاحبك وخلاك تركن جوه العمارة فأدامها الله خيمة فوق رأسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال


ملحوظة على صعيد آخر أنا ضعيف في اﻷسماء جدا ومن شهرين كده كان فيه أخ فاضل أوي أظن مهندس كلمني عشرين تلاتين مرة وكان بيدور على جولف وهو بيروح وييجي بالعربية اللي جايبها للمدام مش فاكر العربية بس أظن كانت من العربيات اللي أي كلام بونتو والحاجات دي على العموم يا ريت يتصل بيا عشان بالصدفة جاري قصدني في بيعة لعربيته جولف موديل 2000 فضي جديدة فيها خبطة بسيطة في الرفرف اليمين والعربية نظيفة وبتجيب ال 200 عادي أنا عندي رقمه ونمرته لكن التلفون فيه آلاف اﻷرقام فمش فاكر اﻹسم فلو شاف الكلام ده يكلمني

الحمد لله على كل شيء وربنا بيعمل الصالح