سيراتو 2014 sx جنط ١٧ انعم من سيفك 2014 جنط ١٥

**devil_storm** · 14-02-2014 02:24 PM

شوفو المقارنه دي بين سيراتو 2014 و سيفك 2014
2013 Honda Civic Versus 2014 Kia Forte - KickingTires

اللي شدني في المقارنه جزء القياده و نظام التعليق انهم بيقلوا السيفك بالجنط ١٥ كانت ناشفه و السيراتو بالجنط ١٧ كانت ناعمه جدا!!! و السيراتو جنط ١٧ سواقتها انعم من سيفك جنط ١٥!!! دي جزء مقتبس من المقارنه

JW: The Civic's ride quality is emerging as its leading downside. Even the Corolla felt more comfortable! The suspension is expertly designed and capable, but its firmness wears on me — and this is with our car's 15-inch wheels and tall sidewalls. I found the Forte more livable, even with its 17-inch wheels.

DT: I drove my parents in the Forte the following weekend, and they were impressed that a compact Kia had such a smooth ride. Compared to the Civic there was no question it won out.

انا جربت السيراتو الجديده sx و كانت جميله جدا في العفشه مقارنتا بالموديل السابق بس برده محستش انها ناعما للدرجه دي!!

برجاء التعليق من ملاك العربيه و اللي جرب لان السيراتو الجديده دي دخلا دماغي اوي بصراحه

**شريف السيد** · 14-02-2014 03:35 PM

انا معايا السيراتو جنط 17 2014 خليجى وما اشتريتهاش الا اما جربت الالنترا والشكل القديم فى السيراتو مفيش مقارنة الجديدة افضل بمراحل

**J A G U A R** · 14-02-2014 07:36 PM

انا سمعت فعلا ان السيراتو 2014 عفشتها ناعمه جدا وبتعدى المطبات هوا ولا كأن فى مطبات

**spidars** · 14-02-2014 08:09 PM

وهم مع نظام sport mod

**devil_storm** · 14-02-2014 08:58 PM

المشاركة الأصلية كتبت بواسطة j a g u a r

انا سمعت فعلا ان السيراتو 2014 عفشتها ناعمه جدا وبتعدى المطبات هوا ولا كأن فى مطبات

يا باشا مفيش الكلام ده ... ما انا سوقتها كذا مره اللي بجنط ١٧ و كنت حاسس بكل المطبات و محستش بالنعومه دي!!!
هي طبعا انعم من الشكل القديم بس بردو مش ناعمه اوي ذي ما بيتقال... هي ذي عفشه الالنترا بالضبط ولا ناعمه و لا ناشفه

**kisho55555** · 14-02-2014 09:15 PM

الظاهر ان السيراتو اتغيرت للافضل ... وده واضح من كل ماليكيها ..

**amgomaa** · 15-02-2014 08:43 PM

بص يا باشا الحمد لله معايا سيفيك 2012 الشكل الجديد الجنط ال 15 طاسه و اخويا لسه شارى السيراتو الجديده الجنط 17 والعربيه ممتازه وبنصح اى حد يسالنى يشتريها لانها مختلفه بالفعل عن اللى قبلها بس الحق يقال السيفيك افضل فى موضوع العفشه بفرق ملحوظ سواء فى العفشه الاماميه انعم و مالهاش اى صوت نهائيا حتى لو خدت نقره جامده السيراتو ممتازه برضه بس السيفيك احسن بفرق ملحوظ جدا اما بالنسبه للخلفيه ممكن يكون الاتنين شبه متساويين فى النعومه فقط بس السيفيك مالتى لينك فعلى الطريق والملفات السريعه احسن و بكتير الحقيقه من السيراتو ده غير ان السيفيك فيها vsa ثبات الكترونى اساسى بيساعد برضه

**esam_ayad** · 15-02-2014 09:08 PM

بص ياباشا وعن تجربة العربيه أسبوع كامل من ساعة ماإستلمتها وهي عامله دلوقتي 500 كيلو ولله الحمد
العربيه مش هاقولك انها ناعمه جدا جدا(أمال البي إم والمرسيدس هانقول ايه عليهم) بس يكفي انك بتبقي قاعد جوه العربيه لا حاسس بعين قط ولا مطبات ولا حفر ولا أي حاجه , انت بتبقي عارف انك معدي مثلا علي حفره لكن مافيش أي حاجه بتوصلك وأعتقد العربيه مصممه انها تمتص الصدمه في عفشتها مش في ضهر السواق وأقدر أقول ان نعومة عفشتها علي الأقل لا تقل عن الإلنترا أو الكورولا الشكل اللي فات(الكورولا الجديده عفشتها رياضيه ومش ناعمه قوي).
وبالنسبه للثبات أنا مازدوتش بالسرعه أكتر من 100علشان التليين لكن كنت بدخل ملفات رخمه في الحاره اللي في النص علي سرعة 100 والعربيه ماكانتش بتطلع من حارتها نهائيا وكمان الدركسيون كان علي وضع كمفورت اللي هو أقل نوع في التحكم بالدركسيون.