الموضوع: افضل طريقة تنظيف الرشاشات

المشاركة الأصلية كتبت بواسطة saddam

صديقي المواطن
إن تنظيف الرشاشات له 3 طرق واحدة قديمة ومتخلفة ولن أذكرها
الثانية هي جهاز اﻷلتراسونيك وسعر التتظيف تقريبا 140 جنيه مزاياه إنه بيجيب من اﻵخر بنفس الدقيقة وممكن تكتشف عيب في جلدة واحد من الرشاشات لازم تغير الجلدة أو ممكن رشاش تعبان ولازم يتغير وده تمنه حيقلك 100 جنيه رشاش إستيراد مستعمل ومن عيوب هذه الطريقة عيبان لو صاحب الجهاز مش صاحبك أو مش حتدفع رشوة للصنايعي حيعنل ليك دورة واحدة وبكده الرشاشات مش حتنظف ولازم 3 دورات أقل واجب كل دورة تقريبا ربع أو ثلث ساعة ومن عيوبها أيضا بعض السيارات صعوبة فك الرشاشأت والصنايعي يهمل في تركيب جوانات وسيليكون التلاجة والمنفول وغيرها وممكن المكنة بعد التركيب تحسها فيها سرقة هواء ولازم يرجع يظبط من تاني وممكن صنايعي شاطر يظبطها من أول مرة ولا بد من تغيير فلتر البنزين قبل الدخول لجهاز تنظيف الرشاشات
الطريقة الثالثة هو بإنك تشتري عدد 2 فلتر بنزين مع 5 منظف رشاشأت يوضع مع التنك ومنصحش بأنواع غالية أم 65 واﻷفلام حخي عندك نوع محترم جدا إسمه وينز بلجيكي بنفسجي سعره 25 جنيه وده شديد اﻹحترام
حتطلع حتغير فلتر بنزين وتخش البنزينة وتملا التنك عاﻵخر وتحط 3 علب وتمشي بالعربية تقرص طول التنك ده ولكن حعوز منك مرة واحدة بس تجيب 140 لمدة ربع ساعة ولما ينور لمبة التنك ترجع تمون 92 تاتي للآخر وتحط ال 2 الباقيين وتعمل زي أول مرة وحتلاحظ عربيتك بتتحول إلى طلقة في المشي وفي الدوارة وبعد التموينة دي تحسب تموينتين وحتغيرلي فلتر البنزين التاني وخلاص عربيتك رجعت زيرو ثم كل شهرين مرة تحط واحد منظف رشاشات ودورة وقود وعندك برضو منظف صبابات وكمان طبعا قبل منعمل ده كله حنغير بوجيهات وفلتر هواء
وبالتوفيق
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لو حسبتها ستجد أن تكلفة 3 علب منظف وفلترين تزيد عن ثمن تنظيفه على الجهاز
ومن أدراك أن خزان الوقود ليس به مواد قد يذيبها المنظف فى مشواره إلى الرشاشات
لكن الطريقة التى تحدثت عنها تكلفتها أقل وأكثر فاعلية من وضع ثلاث علب منظف علبة مع كل تفويلة وأقل وقتا ومالا

الموضوع للمهندس محمد وليس لى ... أود أن أعلمك أيضا أنى شخصيا قمت بفك مسطرة الرشاشات من سيارتى رينو ميجان ولكنى لم أقم بتنظيفها لأنها تعمل بكفاءة رغم تلوث البنزين والتأخير فى مواعيد الصيانة وتغيير الفلاتر ولله الشكر