الموضوع: عملت حاجة مش عارف صح ولاغلط

العربية اكسنت 2007
بستخدم مياة خضراء من ساعة العربية ماجت بس من فترة سنتين ونص الرادياتير اتخبط من عند الفبرة اللى تحت وعملتها والراجل حط مية خضرا بس انا مش راضى عنها من ساعة ماحتطها
المهم دلوقتى قلت اغير المية دى واجيب مياة موبيل بس قلت افضى المياة الموجودة لان اكتشفت انها اصفرت وبقى فيها حاجة زى الصدأ بس خفيف
فقلت اغيرها بعادية او مفلترة وازود عليها خل وامشى بيها مشوار عشان ينضفالدايرة
وبعدين افضيها تانى بحيث تكون نضفت وابدا اغير للمياة الخضراء
1- فكيت القربة ونظفتها اكتشفت ان فيها نسبة صدأ
2 - فكيت الخرطوم اللى فى الرادياتير من فوق لقيتة نزل شوية مية صغيرة
3 فضلت ازود مياة تانى وهى دايرة والمية واصلة لزور الرادياتير

ملحوظة على قد فهمى هو مش المفروض لما تسخن العربية والترموستات يفتح تخرج المياة اللى جوة ومخلى صاحبى واقف جنب الكونتاكت عشان اول مالمية تخرج يبطل العربية بس المية مخرجتش

الغريب ان الخرطوم اللى فوق بقت المية فية سخنة جدااااااا والطبيعى ان الخرطوم التانى بعد شوية لما درجة الحرارة ترتفع يفتح الترموستات والخرطوم التانى يسخن فضلت دائرة شوية والخرطوم اللى فوق ساخن جدا لكن التانى بارد فبقيت ابطل وارجع ادور وازود مية بس برضة الخروم التانى بارد ولا حتى المراوح اشتغلت هل دة كلة كانت لسة مسخنتش او وصلت للدرجة اللى ممكن تفتح البوابة عشان دائرةالمياة تشتغل

مش عارف انا كدة قدرت اوضح انا عملت اية ولا لأ

برجاء الافادة بسرعة لانى قلقت


او ممكن توضيح ابدا من الاول تانى ازاى خطوة خطوة وانا دلوقتى قفلت كل حاجة مكانها تانى وخايف اخرج بالعربية بكرة ليكون المية مش فى الدائرة بالكامل

وشكرا ليكم مقدما

السلام عليكم

يفضل حضرتك تروح محطة بنزين من اللي بتغسل دورة التبريد عندهم جهاز بسيط زي الغسالة وبيحط مزيل صدأ للدورة وبيغسل الدورة كلها وبعدين بتملاها بالمياة الخضرا الجديدة مش بتاخد أكتر من ربع ساعة

تحياتي