الموضوع: ماذا تعرف عن بيجو 607 ؟

السلام عليكم ورحمة الله وبركاته

إزيكم يا بيجاوية عاملين ايه؟

طراز بيجو607 بالنسبة لي أول مرة أسمع عنه , فحبيت أجمع عنه شوية صور ومعلومات وقلت أشارككم ما توصلت إليه .

607 هي الأساس اللي سبق 508 وكان خط الإنتاج مستمر من 1999 حتى 2010 .. وتعتبر 508 امتداد لنفس الطراز بداية من 2011
في نفس الوقت بيجو 607 هي امتداد لسابقتها بيجو 605 واستخدمت نفس الشاسيه لكن مع تعديلات جديدة بالكامل .

أبعاد بيجو 607
Length: 4800 mm
Width: 1835 mm
height: 1442 mm

محرك بيجو 607 توافر للبنزين والسولار كالآتي:
2.2 - 3.0 للبنزين ويولد قوة تصل إلى 208 حصان
2.2 سولار يولد قوة تصل إلى 134 حصان وآخر 2.7 يولد 198 حصان

بالنسبة للي توفر في مصر فكان 4 سلندر - بنزين - 2200 سي سي - 160 حصان تقريبا

تم تحسين تصميم 607 في 2004 وإضافة ناقل حركة أوتوماتيكي (استيبترونيك تحديدا) من 6 سرعات من تصميم بورش

- جميع الكماليات والرفاهيات متوفرة وطبعا عوامل الأمان [مكيف هواء - مشغل اسطوانات يسع 6 اسطوانات - أنظمة امتصاص المطبات (مش فاهم ازاي يعني) - زجاج كهرباء - ستاير - مرايات ضم كهرباء - تحكم كامل بالريموت كنترول - مثبت سرعة - طارة مالتي فنكشن - حساسات إضاءة وحساسات مطر - 8 ايرباج - أنظمة Abs, EBD - مراقبة ضغط الإطارات ... ]

- في وقتها العربية كانت مستخدمة لدى الجهات الحكومة في فرنسا , انتشرت بشكل واسع في الأسواق الأوروبية , وما زالت تستخدم كـ" تاكسي " في بعض الدول الأوروبية مثل البرتغال

العجيب في الموضوع Jeremy Clarkson مقدم Top Gear وصف 607 بأنها أسوأ سيارة تم تصنيعها مش عارف الجدع ده بيتكلم ع أساس ايه ولا فيه أسباب أنا ما أعرفهاش

بصراحة العربية تحفة بجد خصوصا بالنظر إلى سنوات الصنع , أسيبكم مع بعض الصور وهي لموديل 2004














* الصور منقولة للأمانة وحقوقها محفوظة لأصحابها .

العربية تقريبا غير منتشرة في مصر , مافيش غير واحدة مستعملة معروضة في كونتاكت بـ 140.000

ياريت لو تكرمتم اللي عنده معلومات أكتر عن 607 يضيفها , ولو فيه معلومات مغلوطة يصححها :)

بدون مبالغه اللى مقعدش فى كنبة العربيه دى ميعرفش يعنى ايه سياره مريحه