أوكتافيا a5 .. مستعملة .. وأول صيانة لى

**wisenada** · 15-02-2014 02:22 AM

إخوانى الكرام
إنضممت إلى عائلة سكودا حديثاً (من يومين فقط) ..
وكان لى موضوعات بالقسم حتى الآن ..

الأول كنت أطلب المساعدة فى شراء السيارة وعلومات عنها
والثانى فى تسعير السيارة المعروضة أمامى .. وهى التى اشتريتها (بعد أن عاينت 7 سيارات خلال 5 أيام).
والثالث وضعت فيه شكر واجب للأخوة الذين أعطونى من وقتهم ومجهودهم لمساعدتى فى الشراء والنصائح والتقييم.

ثم اشتريت السيارة (أوكتافيا A5 موديل 2005 إليجانس هاى لاين).
ماشية 98 ألف كم (أول مالك ، يعنى أنا تانى يد) ، رشة برة عدا السقف (فعلا نظافة بتأكيد كل المتخصصين) ، الصالون بحالة جيدى جداً ، الشنطة كأنها لم تستخدم ، الموتور 80% حسب تقييم مهندس/هانى عصمت على الجهاز.
العربية استخدام جيد ، والمهندس/هاى أكد لى انها كانت متصانة كويس ، وحالتها حلوة جداً.
نيجى للمهم:

أخدت العربية ورحت النهارده للمهندس/هانى عصمت خلف حديقة بدر ، علشان أرتب الصيانات وتم عمل معاينة كاملة لمعرفة المطلوب كله وتم عمل البعض وتأجيل الباقى لحين التجهيز له (مالياً حيث أننى مفلس بعد شراء السيارة).

الصيانات التى تمت اليوم:

تم الكشف على سير الكاتينة وكان جديد ولا يحتاج لتغيير.
تغيير زيت الموتور (Shell) 10 آلاف من عندهم (سعره 345جم).
تغيير فلتر زيت الموتور (سعره 50جم).
تغيير فلتر التكييف (سعره 90 جم من محل جنبهم)
تغيير فلتر بنزين (سعره 120جم)
تغيير فلتر هواء (سعره 90 جم)
تغيير طقم بوجيهات (سعره 90 جم)
تغيير ماكينة الاستوب علشان كان فيه لمبة بتنور EPC وسعرها 110جم.
غسيل محرك بالفوم وسعر العبوة 35جم
مصنعيات 200جم
تعديل فى السوفتوير بخصوص الإضاءة للوصول أو المغادرة ، وتعديل لإغلاق زجاج الأبواب وفتحة السقف أوتوماتيكياً لدى غلق السيارة (بضغطة على الريموت ثلاث ثوانى لدى الغلق) تكلفة 125 جم.
· ضبط السيارة على الجهاز.

بعد كده قلت للمهندس/هانى إنى عايزة يجرب معايا العربية علشان فيه رجة خفيفة بين الأول والتانى .. فركب جرب العربية وقاللى فعلاً .. بس هى خفيفة ومش عاملة مشكلة.
فقلت له أنا عايز اتأكد إنها ما تسببش مشاكل بعد كدة أو تزيد ، فقاللى روح بكرة الفرع التانى للمهندس/محمد سمير يشوفهالك ويقول لك ممكن تعمل ايه.

الصيانات التى لم تتم ومطلوب الترتيب لها وكمان مش مستعجلة:

4 جلب مقصات.
2 جلبة قنطرة
2 شداد ميزان أمامى
2 كوبلت
2 شداد خلفى
تيل فرامل

بس مفيش حاجة فيهم مستعجلة .. يعنى هاخد راحتى شوية وبعدين أعمل الصيانات دى.
ده التقرير المتواضع حسب ما اتذكره من أحداث اليوم

ولكم جميعاً تحياتى
محمد ندا

**Moratoz** · 15-02-2014 12:22 PM

طيب الحمد لله انك اطمنت بنفسك متناسق ذات ثقة وربنا يبارك لك فيها
ثاني حاجة انت كل ما يبقي معاك فلوس اشتري بعض قطع الغيار المطلوب تغيرها زي جلب المقصات مرة ومره تانيه اشتري شدادات الميزان وهكذا علشان مش مره واحده تلاقي نفسك عايز مبلغ كبير وابقي اعلم بعد كده
تحياتي

**EngAhmedSayed** · 15-02-2014 01:35 PM

تسلم على التقرير الجميل و الموضح من سياتك

كمل و استمر فى صيانة a5 هتحس بفرق و كل ما تعمل فيها حاجة هتلاقيها احسن

متنساش صيانة الفتيس انتا مذكرتش حاجة عنه

ايه الاخبار

بالتوفيق ان شاء الله

ربك المستعان

**طارق _عبد السلام** · 15-02-2014 06:48 PM

تقرير مرتب ومميز
ربنا يبارك لك
بس توقفت فقط عند تعديل السوفت وير وفصل مصنعيته عن المصنعيه الاجماليه ولوحده طلب فيه 125 جنيه
مع انه كده كده سيضع كابل الكمبيوتر للعربيه لمسح الاخطاء ومنه هيفتح لك الوظائف دى لانها موجوده اصلا على سوفت العربيه وهو بينشطها مش اكتر
وياريت فى الصيانه القادمه لزيت العربيه تغير زيت الفتيس لانها هتوصل ل 108 الف ويفضل تغييره