هيونداي أكسيل : تستاهل و لا لأ ؟؟

**abosharbat** · 15-02-2014 03:20 PM

مساء الخير
انا معروض على هيواندى اكسيل
موديل 1998
رخصة حتى نوفمبر القادم اى حوالى 9 اشهر
ومن المالك الاول يعنى انا هاكون تانى مالك ليها
الموتور عامل 80000 الف كيلو
وهى 1300 سى سى
فاضية بالكامل لا تكييف والا زجاج كهرباء ولا باور
الموتور اكثر من رائع والعربية مركونة
انما فى حاجة الى الاتى :
1- كبوت امامى .
2- عدد 2 اكصدام امامى وخلفى.
3- رفرف شمال.
4-وطبعا بعض السمكرة والدكو .
5- وفرش داخلى او كسوة.
6-واحتمال شغل عفشة - لسة مش عارف.
7-ومراة جنب شمال مهشمة.
يعنى تقريبا مصروف فى حدود من 3500 الى 4000 ،على ما اظن وياريت الخبراء يقول لى التكلفة هتكون كام.

والمالك عاوز 28000
هل تسوى هذا المبلغ ام لا
ارجو افادتى سريعا
وجزاءكم الله كل خير
وشكرا

**ahmedsrs** · 15-02-2014 03:29 PM

متستاهلش كانها عربية 128 بس متنكرة

**hugan** · 15-02-2014 03:33 PM

مش شرط كيلو متر قليل
علشان تكون العربيه سليمه
من كلامك العربيه عدمانه العافيه

**كريم kok** · 15-02-2014 04:08 PM

بص كلمو 24 الف واخرها لو عجباك 25 الف ومتزودش علي كده لنها ياصديقي فاضيه ﻻ بور وﻻ حته تكيف وبعدين 28 الف دول يجيبو فيلشيا نضيفه ااو فيلشيا الكومبي تكيف ودلع يعني

**ahmedalaahosny** · 15-02-2014 04:23 PM

خليهاله تتربي ف عزو ليه بقي ؟ طالما مركونة من فتره يبقي اي حاجة كاوتش هتتغير سواء جوانات او حتي الكاوتشات ده اولا ثانيا طالما مركونة يبقي متدمره سمكره ودوكو وطبعا مع ميه الشتا اكيد فيها بارومه كمان الاكسيل شهيره بشروخ ف الركبة ثالثا حالة الموتور والفتيس لو حتي ممتازين وبالذات المكنة لو تمام ومافيش دخنة ولا تسريب زيت فطبعا اقل واجب لو مامشتش من فتره طويله هتعمله طقم شنبر عشان تكون ف الامان احنا كده مااتكلمناش لسة بقي لا في رادياتير ولا شغل عفشة وطرمبات ولا سيور ولا كاربراتير ولا الاكسسورات الخارجية اللي اكيد متدمره من فوانيس ومرايات وازاز وف الاخر العربية فاضية بعد كل المصروف ده ده غير ان حضرتك لو مااخترتش الصنايعي الصح الامين هيعكلك ف العربية وهتدفع قد تمن العربية تصليح

**J A G U A R** · 15-02-2014 04:35 PM

ابعد عنها

**saddam** · 15-02-2014 07:05 PM

صديقي المواطن
العربية اﻷكسل عربية كئيبة ومش محترمة ومش وطنية وتقل من صاحبها ولفيت بلاد كتير من الدنيا مشفتش حد بيحترمها ولا بيحسبها على العربيات غير شعبنا المصري البسيط الطيب المسكين فسيبك منها يا مواطن وإرفع راسك فوق إنت مصري
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**abosharbat** · 15-02-2014 07:49 PM

انا شايف ان راى الكل شبة اجماع على عدم شراء السيارة لما بها من مشاكل
احب بس الفت النظر ان السيارة مش مركونة بصفة دائما وهى خاصة برجل كبير
وبيخرج مشاوير قليلة يعنى تقريبا مرة فى الاسبوع

ومدام كدة يبقى انتم لازم تتصرفوا بقى وتشوف لى عربية
انا معاى 30 الف
اسيب ليكم المهمة دها
وشكرا لكل اعضاء المنتدى

-

الموضوع: هيونداي أكسيل : تستاهل و لا لأ ؟؟

LinkBack

أدوات الموضوع

عرض

هيونداي أكسيل : تستاهل و لا لأ ؟؟ - انشر الموضوع فى :

-

-

-

-

-

المواضيع المتشابهه

مشكلة فى طرمبة الباور والا الدينمو والا ايه؟؟ الصنيعية يشتغلوتتى

ميجان والا صنى والا ماتريكس والا النترا

فابيا ميني والا جراند ايفو والا تيدا

يا جماهة اشتري يارس والا نيو سيراتو والا لانسر1300

فقط الى اصحاب التجربة النترا والا لانسر والا اوبترا ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة