قلم رصاص ف تانك البنزين :) بدون ضحك

**eng.octooo** · 15-02-2014 04:05 PM

محدش يتريق :)

العربية رينو داستر عداد البنزين ديجيتال وكنت قريت ف منتدى اجنبى انة بيعمل ريستارت لقرايتة كل ما مسدس البنزين يفتح زور التانك ( يعنى كل ما تحط بنزين)

المهم جيت اجرب الموضوع دة قلم رصاص وقع جوة التانك اية الحل ؟ والاخطار اية ؟ اسيبة ولا اروح وافك التانك كلة علشانة ؟

**eng.salama93** · 15-02-2014 04:23 PM

الرصاص هيزود الأوكتان بتاع البنزين :d حط بنزين 80 :d

**eng.octooo** · 15-02-2014 05:43 PM

هههههههههههه ماشى يا سيدى طيب هو فية خطورة من انة يعطل حاجة او يعمل مشكلة :)

**شادى عبدالمنعم** · 15-02-2014 05:50 PM

مفتكرش فيها مشكله اﻻ لوﻻقدر الله سد مخرج البنزين اللى بيغذى العربيه وده ملوش غير حل واحد انك متسبش تنك البنزين ينقص لتحت الربع عشان تضمن ان القلم يفضل عايم على وش البنزين .

**saddam** · 15-02-2014 07:13 PM

صديقي المواطن
لا تقلق مفيهوش أي مشاكل وهو مش حيوصل التنك ﻷن الماسورة بها مصفي وملفات وحتى لو وصل فخليه مش حيعمل أي ضرر طالما بتغير فلتر البنزين بمواعيدها كل 10 آلاف كيلو مثلا وخليه يا راجل ده عشرة مع العربية وكمان إبقه شيله لما تيجي تغير أول طرمبة بنزين بعد متفيص وتبيع القضية
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

**eng.octooo** · 16-02-2014 11:54 AM

شكرا أ شادى :) ان شاء الله مش هايسد حاجة انت هاتقلتنى لية ههه :)

أ صدام :) تسلم طمنتنى والله : ) انا العربية عاملة 13 الف كيلو ما غيرتش فلتر البنزين هاغيرة على ال15 الف ان شاء الله

**aboomar22** · 16-02-2014 10:24 PM

لا مش هيعمل معظم العربيات نهاية الماسورة بتكون فيها صفاية هتحجز القلم انه ينزل للتانك حتى لو نزل هيعوم فى البنزين ومش هيعمل حاجة ان شاء الله

**ahmedesmat1987** · 17-02-2014 03:08 AM

لا ولا اى حاجه استحاله يسد دوره البنزين دا لكذا حاجه اولهم ان اتجاه خرطوم السحب بيبقى اتجاهه جاى من سقف التانك ونازل عمودى لحد قاع التنك يعنى واقف بالطول الحاجه التانيه فيه حاجه اسمها فلتر العوامه دا زى صفايه متقفله على العوامه والخراطيم دا عشان تمنع اى شوائب كبيره من انها تسد الدوره ثالثا ودا الاهم سمك القلم الرصاص دا لو افترضنا جدلا انه هيقف على سنو ومفيش اى حاجه هتمنعه من انه يوصل للخرطوم مش هيدخل اصلا الوصله بتاعه البنزين ........ كل ما هنالك انه مع الزمن هيتحلل بفعل البنزين وهيتحول لشوائب هتمشى فى الدوره لحد الفلتر الاساسى وهتقف ومع تغير الفلتر هيتلاشى تماما من العربيه وبعد كام شهر لو فتحت التانك مش هتلاقيه