الموضوع: سؤال بخصوص الاسكترا والزوايه

عربيه لانوس 1 موديل 2000
من فتره كبيره غيرت اويل سيل الاسكترا والراجل ماكنش راضي يغيره وبيقولي هات اسكترا استيراد عشان هاغيره وهايخر تاني قولتله لا غيره المهم جاب هو الاويل سيل وغيره وفك الاسكترا كلها وبعدها الدركسيون كان تقيل وقالي لما تمشي شويه هايخف ومشيت علي كده وما خفش ولا حاجه ده غير ان الدركسيون كان مش بيرد لوحده في مكانه وتعايشت مع الموقف علي كده بعدها كنت عند ميكانيكي صحبي اخد العربيه يجربها قالي الدركسيون تقيل قولتله ايوا ده من زمان من ساعت ما غيرت الاويل سيل ده قالي طيب ده في حاجه اسمها رجلاش الاسكترا روح لحد بتاع عفشه كويس يظبطهولك المهم كلم هو واحد صحبه وروحت رفع العربيه ومن جمب الفرده الشمال عمل حاجه كده ما اخدتش عشر دقايق وقالي كده خلاص اطلع جربها طلعت جربتها لقيت الدركسيون خف شويه وبيرد لوحده بس اخر حته مش بترد اخر ربع لفه كده المهم مشيت علي كده عشان كنت قلقان من حوار الرجلاش ده وبعد كده غيرت البطحات والمساعدين قدام وبعدها لقيت الدركسيون خف شويه وبقي بيرد لوحده للاخر وبعدها لاحظت ان في حوالي خمسه ملي عوجه في الدركسيون روحت لبتاع الزوايه عشان يظبطها ظبطها فعلا وظبط الزوايا وطلعت اجرب العربيه لقيت العربيه بتحدف يمين علي الاخر رجعتله وصلها تاني بالجهاز قالي القيسات علي الجهاز مظبطه خالص وبعدين نزلت تحت العربيه وزق الفردتيتين بايده القرائه بتاعت الزوايه اتغيرت خالص مسافه كبيره قالي كده مش صح المفروض ما تتغيرش كل ده انت عندك بوش في الاسكترا وبعدين طلع بص عليها من فوق وقالي هز الدركسيون يمين شمال قالي ده في بوش في جلب الاسكاترا اللي ماسكين التيش بتاع الفرد والاسكترا نفسها مبوشه عاوزه تتظبط روحت طلعلت علي الميكانيكي اللي اعرفه بص عليها معايا قالي ده القفزان اللي ماسكين الاسكترا في صدر العربيه مبوشين كمان ومش هتلاقيهم عشان مفيش بتوع لانوس 1 دلوقتي بقي انا مش عارف المشكله فين الاسكترا بايظه ولا الاويل سيل وحش ولا المشكله في القفزان والجلب ديه وبس اجيب اسكترا استيراد ولا اعمل ايه والقفزان ديه موجوده ولا فعلا مفيش بتوع لانوس 1 والاسكترا تعمل كام استيراد
افيدونا في الحيره ديه
شكرا مقدما

المشاركة الأصلية كتبت بواسطة MMamdouh

التخشينة زى تخشينة حجر المعسل بالضبط... قطعة تخينة من الكاوتش تتقص على قد المساحة اللى الجلبة تمسك فيها على السكترة و تتحط الحتة المقصوصة دى فى المساحة بين الجلبة و السكترة...
الموضوع مش محتاج متخصص... محتاج واحد يعرف يفك و يركب

المفروض التقل دة يروح بعد فترة من الاستخدام... معرفش عندك مش عايز يروح ليه الصراحة... و معتقدش ان تغيير الاويل سير هيفرق الا لو كان راكب غلط مثلا

انا معرفش اى حاجة عن الرجلاش دة لان عمر ما حد لعب فيه قبل كدة و معرفش ضبطتة الصح تبقى ازاى الصراحة

الاسكترة ملهاش صيانة... بتتفك تترمى و يجى غيرها... بس الاول لازم تبقى بايظة و محتاجة تغيير... انا شايف ان مشكلتك لا تستدعى تغيير سكترة

MMamdouh

اشكرك ياهندسه بس ضحكتني اوي بتاعت حجر المعسل ديه اصل الصراحه مليش في المضوع ده خالص اخري بشوف المعسل ده من بعيد مكنتش اعرف انه بيتعمله تخشينه زي السكترا
علي فكره انا مش عاوز اقولك بقي ان الاويل سيل ده متغير من اكتر من 3 سنين ولسه الدركسيون تقيل زي ما هو بس انا بصراحه احترم بتاع العفشه اللي غيره عشان هو قالي 3 شهور وهايخر ومكانش راضي يغيره فلما يقعد الوقت ده كله مفيش نقطه زيت بتنقص يبقي الله يباركله
انا بفكر اغير الاويل سيل تاني بواحد اصلي لو لقيت واعمل موضوع التخشينه ده بس المشكله اني عاوز ارجع الرجلاش اللي عمله الراجل تاني لوضعه ده اللي مش ها عرفه بس هحاول اعمل الحوار ده بنفسي انا والميكانيكي اللي اعرفه ونشوف ها نوصل لايه واشكرك كثيرا يا هندسه