الموضوع: عن شراء البلونيز اتجدث واطلب المساعده

البلونيز باختصار زي اي عربية ليها مميزات وعيوب مميزاتها صاج ناشف مش زي ال 127 وال 128 الشاسية كل شوية يشرخ ويفتح / فيها عداد ار بي ام مكنش بينزل ف الفيات قبل كده يعتبر سابقه لعصرها / كارونة ونظام تعليق للخدمة الشاقة تنفع جرار زراعي / الكنبه اللي ورا تشيل ٣ بالغين مرتاحين علي الاخر قابله للطي تبقي اجدع عربية نص نقل /مكنة 1600 سي سي كاربراتير من انتاج الشركه البولندية ‏fso ‎‏ وفتيس ٥ سرعات / بتترخص عندنا ف مصر تحت ماركه فيات فانت كده عندك كم كبير من المواتير تسقطه فيها [ العيوب] المكنة الاصلية بتاعتها بتسخن وخاصة ف الصيف بس دي سهله دور علي واحده راكبلها مكنة تانية من مكن الفيات ومتعالجه تمام ضد السخونة / التابلوه بتاعها بيتبهدل من الشمس وبيتكسر بسرعه ودي امرها سهل غطي التابلوه باي حاجة فرو وخلاص علي كده/ الدركسيون تقيل شوية وغير مستحب انك تجيبلها اسكترا باور / صوتها خشن شوية عشان سير الكاتينة جنزير بس ده احسن من انك تفاجئ ان السير الكاوتش اتقطع وعمل مشاكل انت في غني عنها / مافيهاش تكيف وغير مستحب انك تركبه عشان موضوع الحراره وحتي لو ظبطها المكنة ال 1600 يادوب علي قد البودي وحتي اصلا تصميم الابواب ف السبعينات مش بيبقي عازل الهوا اللي جوا العربية ف مش هيسقع بسرعه / بس هي دي البولونيز بس بغض النظر عن عيوبها لو ظبطت حوار السخونة هي انضف من اللادا وال 128 وال 127 انا شخصيا اعرف ناس معاها العربية دي وبتسافر وتروح وتيجي عادي جدا بس اهم حاجة ايدك تكون فيها علي طول واي استفسار انا ف الخدمه

اه نسيت برده نسيت حاجة ان ارتفاعها عن الارض بيخليها غير ثابته بعد ال 100 لو مش راكب فيها جنط سبور وحالة الكاوتش سيئة وده تيست درايف ليها http://www.nilemotors.net/Nile/3567-a.html

وده لينك للرابطه بتاعتها اقرا كده وخد شوية معلومات عنها http://www.nilemotors.net/Nile/75124-a.html

افتكرت برده حاجة مهمه قطع الغيار منتشره ورخيصة وموجوده عند الكيلاني واستيراد في عزبه شلبي

المشاركة الأصلية كتبت بواسطة gade2

الاستاذ احمد
لا تكفى شكرا على الرد الجميل
طب انت رايك ابص على ايه وقت الشرا لانى لسه جديد فى الكار ومحتاج حد يساعدنى فى الموضوع دا

‏ ياباشا علي ايه انت تؤمر بص ياسيدي مافيش حاجة معينة بس هي ثوابت وموجوده ف الموضوع دهhttp://www.nilemotors.net/Nile/406058-a.html