عايز اركب dvd لنيسان صنى 2014

**dr/mostafaazmy** · 17-02-2014 10:00 PM

السلام عليكم انا لسة جايب نيسان صنى ex من اسبوعين الحمد لله ... العربية تمام أوى بس اوحش حاجة ان الكاسيت مفيهوش usb ف كنت عايز اركب dvd و كاميرا خلفية بالمرة . انا لسة جديد ف موضوع العربيات دة و عايز اعرف اية احسن الانواع وبكام و هل ممكن الاقيه فى التوكيل ولا لأ
شكرا مقدماط

**Ahmed_Adham** · 17-02-2014 11:01 PM

الحاجات الصيني فيها كل المميزات يعني نافيجيشن وبلوتوث و usb/aux وتشتغل مع الملتي لو عندك ومعاها ريموت يعني بتقول ماما وبابا من الاخر والاسعار تحت 2000 جنيه يعني انا شايف واحد ب 1850 في التوفيقيه النهارده بس القلق منه في جوده واستجابه تتش الشاشه وكمان الصوت مش هيبقى زي الحاجات النضيفه كينوود وبايونير مثلا.

عندك بقى فيه بايونير من 2000-3000 بس بدون نافيجيشن (ممكن ياخد نافيجيشن من ايفون أو اندرويد عن طريق كابل مخصوص مش مشمول مع الجهاز) وطبعا بتاخد صوت خرافه وشاشه ممتازه واعتماديه.

الاتنين بييجي معاهم ضمان سنه وبيركب عليهم كاميرا والكاميرا لو مش مع الجهاز هتعمل لوحدها حوالي 100 جنيه.

**khaled.elameer** · 17-02-2014 11:04 PM

اوتو ايجيبت dvd بالكاميرا فى الاكصدام ب 4200 ، و مودرن موتورز الكاسيت الأوريجينال بالكاميرا فى مصباح النمرة ب6600 ، بالتوفيق و ألف مبروك

**dr/mostafaazmy** · 17-02-2014 11:09 PM

Ahmed_Adham
khaled.elameer
شكرا جدا لاهتمامكم :)

**dr/mostafaazmy** · 17-02-2014 11:15 PM

المشاركة الأصلية كتبت بواسطة khaled.elameer

اوتو ايجيبت dvd بالكاميرا فى الاكصدام ب 4200 ، و مودرن موتورز الكاسيت الأوريجينال بالكاميرا فى مصباح النمرة ب6600 ، بالتوفيق و ألف مبروك

هو ممكن اعرف المميزات اللى موجودة فىيهم , دول اوريجنال ولا اية و فيهم gps

**mahmoud_ali** · 18-02-2014 03:14 AM

مبروك عليك العربيه ياباشا وربنا يباركلك فيها

**khaled.elameer** · 18-02-2014 07:01 PM

الاتنين نفس الامكانيات ( dvd- gps-bluetooth) الفرق فى نوعية الكاسيت و الكاميرا :
1. فى أوتو ايجيبت الكاميرا بتركب فى الاكصدام.
2. فى مودرن الكاميرا بتركب مكان لمبة النمرة .
فى اتصال بتوكيل مودرن أفاد إن ده الكاسيت الاوريجينال و الكاميرا الفابريكا ، و أنا كنت شفت الكاميرا راكبة على عربية قشقاى شكلها كويس ، و قبل الكاسيت ده أبو 6600 مودرن موتورز كانت بتركب كاسيت بالكاميرا فى حدود 4000 معرفش زى بتاع اوتو ايجيبت و لا لأ بس أنا شفت واحد مركبه بصراحه معجبنيش الكاسيت بارز لبره مسافة 3مم مش بسوا التابلوه و بعدين تقيل فى التنقل بين الصفحات ، خلانى صرفت نظر عن موضوع الكاسيت بشاشة
علشان برده تختار أفضل لازم تشوف بعينك لو عرفت تخطف رجلك لأبورواش هتلاقى اوتو ايجيبت و مودرن موتورز و تشوف الاتنين و تقارن الوضع ، حاجة أخيرة بالنسبة للكاميرا فى لمبة النمرة إنها بتمعل مشكلة مع قفل الشنطة بالجامد فلو هتركبها تبقى خلى بالك و الكاسيت فى مودرن موتورز بيتحجز ب1000 جنية و التركيب خلال 20 يوم، و نصيحة أخيرة خاول تشوف احتياجاتك ايه بالظبط و ظبط اختيارك عليها ، أتمنى مكونش طولت عليك بس دى تجربتى و حبيت أنقلها بكل أمانة و بالتوفيق إن شاء الله

**mohamedrabia** · 18-02-2014 07:57 PM

هي الكاميرا علشان تركب مش لازم تركب في الاكصدام عن طريق ثقبه .. لو العربيه جديدة بلاش احسن

**dr/mostafaazmy** · 18-02-2014 09:39 PM

المشاركة الأصلية كتبت بواسطة khaled.elameer

الاتنين نفس الامكانيات ( dvd- gps-bluetooth) الفرق فى نوعية الكاسيت و الكاميرا :
1. فى أوتو ايجيبت الكاميرا بتركب فى الاكصدام.
2. فى مودرن الكاميرا بتركب مكان لمبة النمرة .
فى اتصال بتوكيل مودرن أفاد إن ده الكاسيت الاوريجينال و الكاميرا الفابريكا ، و أنا كنت شفت الكاميرا راكبة على عربية قشقاى شكلها كويس ، و قبل الكاسيت ده أبو 6600 مودرن موتورز كانت بتركب كاسيت بالكاميرا فى حدود 4000 معرفش زى بتاع اوتو ايجيبت و لا لأ بس أنا شفت واحد مركبه بصراحه معجبنيش الكاسيت بارز لبره مسافة 3مم مش بسوا التابلوه و بعدين تقيل فى التنقل بين الصفحات ، خلانى صرفت نظر عن موضوع الكاسيت بشاشة
علشان برده تختار أفضل لازم تشوف بعينك لو عرفت تخطف رجلك لأبورواش هتلاقى اوتو ايجيبت و مودرن موتورز و تشوف الاتنين و تقارن الوضع ، حاجة أخيرة بالنسبة للكاميرا فى لمبة النمرة إنها بتمعل مشكلة مع قفل الشنطة بالجامد فلو هتركبها تبقى خلى بالك و الكاسيت فى مودرن موتورز بيتحجز ب1000 جنية و التركيب خلال 20 يوم، و نصيحة أخيرة خاول تشوف احتياجاتك ايه بالظبط و ظبط اختيارك عليها ، أتمنى مكونش طولت عليك بس دى تجربتى و حبيت أنقلها بكل أمانة و بالتوفيق إن شاء الله

شكرا يا باشا تعبتك معايا و الله

**dr/mostafaazmy** · 18-02-2014 09:41 PM

المشاركة الأصلية كتبت بواسطة mohamedrabia

هي الكاميرا علشان تركب مش لازم تركب في الاكصدام عن طريق ثقبه .. لو العربيه جديدة بلاش احسن

يعنى انت شايف بلاش اخرم الاكصدام احسن .. اصل انا لسة بسوق جديد و خبطت العربية مرة و انا ؤاجع بضهرى فبقيت بخاف اوى و انا راجع و محتاج كاميرا او سنسور اعمل اية :)