الموضوع: سوال مستعجل جدا بخصوص التوكيلات

دلوقتي انا بشتري عربيه
اللي هشتريها منه معاه توكيل بالبيع لنفسه فقط من المالك الاول والمالك الاول تبع مرور القوات المسلحه
المالك الثاني اللي بيبع لي ماشي بالتوكيل من يومها وفي نفس الوقت هو تباع لمرور النزهه
المالك الثالث اللي هو انا تابع لمرور المنصوره
سؤالي دلوقتي عشان يعمل لي توكيل هيروح يبيع لنفسه من شهر عقاري النزهه وبعدين ف ساعتها يعمل لي توكيل ولا لازم يروح مرور النزهه اولا ؟
كمان سؤال هل بعد ما يجيب لي شهاده بيانات ومخالفات اروح بيهم مرور المنصوره عادي ولا هحتاج ارجع لمرور القوات المسلحه عشان اعمل اي اجراء هناك ؟
السؤال الثالث لو في سنه ف الرخصه هتروح عليا ولا هتنضاف في حاله اني دخلت ورقي مرور المنصوره
معلش انا اول مرة اشتري مستعمل فمعنديش اي خلفيه

العربيه رخصتها النزهة والا القوات المسلحه؟
لو القوات المسلحه يبقى انت مش هاتحتاج مرور النزهة فى حاجه والعكس
لو معاك مخالفات وعقد بيع (فى حال سريان الرخصه) مش هاتحتاج المرور القديم فى حاجه
التوكيلات بتتعمل فى اى شهر عقارى مش لازم اللى عليه عنوانك موضوع يبيع لنفسه فقط دى بصراحه مش عارف هاتعمل فيها ايه بس المفروض التوكيل يبقى البيع للنفس والغير وفى الحاله دى بيعملك توكيل من التوكيل اللى معاه او بيعملك عقد بيع مسجل على طول وانت ماتمضيش شارى
فى حاله ان الضريبه ساريه بتتزود على الرخصه الجديده عادى