اسعار النيو صنى

**mgaballah** · 17-02-2014 11:23 PM

سلام عليكم
لو سمحت يا جماعة انا كان عندى استفسار بخصوص موضوع الاسعار بتاعت النيو صنى السوبر صالون 2014

بس لو سمحت حد يتكرم ويشرحلى موضوع الاوفر بريس و هاى لاين والكلام ده ياعنى انا المعارض بتقولى هسلمك بعد يومين وبلقى ناس تانية تقول انها حاجزة من شهرين مثلا طيب هوا ايه الفرق وهل مثلا هما بيحجزو بسعر مخفض عشان كده بينتظرو شوية

انا على فكره هقسط فا لو سمحت برضه افضل مكان اشترى منه للتقسيط

شكرا لهتمامكم وفى انتظار الردود

**amirali** · 18-02-2014 12:15 AM

الفكرة انك ادامك حاجة من الاتنين يا تشترى من توكيل نيسان وهتدفع 5000 جنيه حجز وهتستلم العربية بعد

فترة من شهرين ل تلات شهور ... النيسان فيها فئتين واحدة ex ودى فى التوكيل ب .111000 ...وفى السوبر

صالون ودى فيها طارة مالتى وبولوتوث وجنوط سبور والزجاج الخلفى فيميه وسبويلر وكمان زاد عليها

مؤخرا تكييف تاتش وتطعيمات كروم جوة العربية اشيك من ال ex والفرق من وجهة نظرى يستاهل لو

حضرتك تقدر تدفع الفرق والسوبر صالون فى التوكيل ب 121000 او مية واحد وعشرين ونص تقريبا ...

بالنسبة للمعارض اللى زى القرش والمصرية الخ ... دول بيسلموك فى خلال يومين تلاتة او اسبوع بالكتير

بس بتدفع الاوفربرايس وده 7000 .. يعنى ال ex فى المصرية هتلاقيها ب 118 الف والسوبر هتبقى

128 الف ... والتقسيط فى التوكيل او المعارض هيبقى نفس النظام ومش هتفرق .. شوف الاحسن ليك

ولو انت مستعجل عالعربية ضرورى وتقدر تدفع الاوفربرايس لو تقدر تستنى الكام شهر دول يبقى توفر

الاوفربرايس وانت اولى بيه .. بس يا سيدى ده كل الحوار وربنا معاك ومبروك مقدما (:

**hossam_elwani** · 18-02-2014 02:11 AM

انت متاكد ان التكييف التاتش بقه موجود فيها حاليا

**احمد كاكتوس** · 18-02-2014 03:21 AM

المشاركة الأصلية كتبت بواسطة hossam_elwani

انت متاكد ان التكييف التاتش بقه موجود فيها حاليا

السلام عليكم ايوه يا با شا انا معايا العربيه من 20 يناير بالتكييف التاتش

**mgaballah** · 18-02-2014 03:53 AM

شكرا جدا يا استاذ- امير على الايضاح الوافى يا باشا
كنت بعد اذنك عاوز اعرف لو هحجز علطول مع التوكيل بتاع نيسان عشان الواحد يوفر الكام الف ايه الارقام او الاماكن بتاعتهم وشكرا مره تانية يا باشا

**amirali** · 18-02-2014 04:53 AM

المشاركة الأصلية كتبت بواسطة mgaballah

شكرا جدا يا استاذ- امير على الايضاح الوافى يا باشا
كنت بعد اذنك عاوز اعرف لو هحجز علطول مع التوكيل بتاع نيسان عشان الواحد يوفر الكام الف ايه الارقام او الاماكن بتاعتهم وشكرا مره تانية يا باشا

انا حاجز فى التوكيل اللى فى شارع النزهة فى مدينة نصر وده رقم نيسان المختصر 16244