لكل ملاك frv cross

**afoshy** · 18-02-2014 03:46 PM

بالله عليكوا يا جماعة اللى معاة الكروس يقولى بكل امانة عيوبها ومميزاتها لانى خلاص ناوى انزل احجزها اخر الاسبوع من التوكيل وكنت عايز اطمن منكوا على العربية . من حيث كل حاجة عفشة وتقفيل واستهلاك بنزين وكاوتش وقطع غيار والتوكيل والمشاكل اللى قابلتكوا فى العربية .. وياريت الناس تهتم وترد على الموضوع بالله عليكوا

**yehiaabdelrhim** · 19-02-2014 10:39 PM

انا شارى العربية 2013 و عامل بيها 7000 كيلو لحد دلوقتى
اولا : بسم الله ما شاء الله العربية جميلة جدا و انا عن نفسى كان معايا مرسيدس e200 و اكسنت rb و طبعا مش هقارنها بالمرسيدس عشان هتتظلم لكن بالنسبة للأكسنت متجيش جمبها حاجة
التقفيل جميل جدا و انا عن نفسى بقارنة باليابانى و الألمانى و مفيهوش اى مشكلة
العفشة ناشفة الى حد ما عشان العربية اصلا عفشتها سبور عشان تستحمل الطرق و المطبات الجميلة بتاعتنا
الكماليات : العربية تقربيا مش ناقصها حاجة غير dvd و انا ركبتة ب 4700 جنية فى التوكيل و فية كل حاجة ممكن تيجى فى بالك
البنزين : الصفيحة بتعمل جوة البلد 200-220 كيلو و فى السفر بتعمل حوالى 240-260 كيلو تقريبا على حسب الحرق
السحب : الماتور mivic مش مستاهل نتكلم عليه بصراحة بس حاجة واحدة ( بسم الله ما شاء الله ) تخليك تخاف تكبس بنزين
الثبات : افضل من اى عربية كورى فى السوق و تقدر تقارن ثباتها بالهوندا و المازدا عن تجربة بردو للهوندا سيفيك 2007

اتوكل على الله و ان شاء الله مش هتندم