واخيرا .. رحت لطنطن حبيب الملايين ومعشوق الموظفين :)

**m7nsh** · 19-02-2014 08:55 PM

ازيكم يا احلى شباب .. يارب تكونو كلكم تمام ..

طبعًا بقالى قرن بحاول اروح لطنانى والظروف مش سامحه نوهائى .. لحد ما جت فرصه وطلعت عليه وبعد شويه توهان بسيط عرفت اوصله الحمد لله

لما وصلت : اخيراطنانى بك .. اهلا ياباشا وبعد السلامات الحاره ( راجل تحس انك تعرفه من زمن ) الاموره بتشتكى من ايه ؟ انا كنت باتلكك بصراحه انى اروحله ..قلتله فى رشح زيت و بتاع من جوان الاسبراتير و بيت الكامه .. وبالمره تربيط عفشه .. و ظبطلى موضوع تسريب التانك اللى مع التفويل ( كان بسبب جوان الطرمبه فعلا بس قالى مش موجود بس ظبط القديم و فولت بعدها ومفيش مشاكل تسريب لحد دلوقتى الحمد لله ) على رجلشه تيل فرامل و ظبط هاند .. وبالمره جابلى ريشتين مساحات بوش حكاااااااااايه (90 بلبل من بتاع اكسسوارات جمبه) عرفونى انى كنت مركب صفيحتين منشار حدادى تمسحلى الازاز قبلها ولا تقولى رابر ولا بتنجان..
طبعا فى النص شويه حظ عاثر ..النور قطع حبه حلوين - و البنزين خلص من عربيتى بسبب تهييس عوامه وعملنا فيلم عشان احط بنزين عندى وندورها ,, وطلعت الطرمبه محروقه كمان وادانى اللى بيجرب بيها مشكورا على انى ارجعها فى القريب لما اتصرف فى اختها ..
وفى الحساب راجل متفاهم وانا قلتله كده كده اللى هتقوله هيمشى لأنى واثق فيه ..وقد كان والحمد لله مرضى من الشغل والشباب اللى عنده محترمين وفاهمين .. والمره الجايه لظبط التكييف ان شاء الله ..او للمقابله ايهما اقرب ..

وفالاخر طبعا معرفتش اوصله اد ايه الواحد بيحترمه و بيقدره وقلتله بس " بحبك فى الله " ..

دمتم بود والى الملتقى

**Dent86** · 19-02-2014 09:45 PM

انت فين يا طنانى باشا
انا عايز اعرف مكان المركز

**mohammedabdallh** · 19-02-2014 09:52 PM

طنانى باشا من الناس المحترمه
وان شاء الله ازوك قريب فى المركز

**kar!m** · 19-02-2014 10:47 PM

هي المقابلة امتى و فين؟

**اكرم عوض حسن** · 19-02-2014 11:17 PM

وانا بضم صوتي لصوتكم وياريت تقولنا مركز طناني باشا فين وشوووكراااا

**saddam** · 20-02-2014 02:18 AM

صديقي المواطن
اﻷخ طناني عضو فاضل وصاحب واجب ومبيتأخرش وهذا عهدنا وظننا به
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**a7md 3amr** · 20-02-2014 07:06 AM

السلام عليكم
والله انا نفسي اروحلة جدا من كتر ما سمعت عنه كلام كويس بس المشكلة في المشوار لاني من جنوب سينا بس ان شاء الله هاروحلة قريب

**medosalah** · 20-02-2014 09:50 AM

مركز الاستاز طناني

مركز اوتو ماسترز

27 شارع 105 المعادي

01003222021

دا تليفون الاستاز طناني وعنوان المركز للاخوه اللي بيسالوا عليه... وده طبعا بعد ازن طناني باشا