الموضوع: رآيكم في qashqai 2014

المشاركة الأصلية كتبت بواسطة Khaled_Zakaria

انا كنت مقتنع جدا بالقشقاي بس لما روحت المعرض بتاع المبيعات قالي مشكلتها ان التسارع بتاعها وحش جدا علشان هي نازله مصر ١٦٠٠ بس و ده قليل على حجمها ووزنها قعد يخوفني انها هتتعبني جدا في اي مطلع .. وبعدين انا شوفت صور بيجو ٣٠٠٨ الجديده عجبتني جدا بس بصرحه انا مش عارف هي ولا القشقاي احسن .. فآتمنى انكم تساعدوني في القرار :) !!

مين بتاع المعرض ده اساسا عشان يحكم عليها !!!!! ياصديقى انا من مﻻكها والحمد لله وماشاء الله العربيه مرضيه جدا وسحبها كويس وبعدين كل الsuv اللى نازل مواتيروا 1600 سى سى وسبحان الله لوكانت 2000 كان قالك متاخدهاش دى وحشه وبتسف بنزين وضريبتها عاليه !!!! ياصديقى مفيش حاجه من الكﻻم ده صح واللى تستريح له اشتريه وموفق .

مع احترامي لبتاع المعرض لو كلامه صح ماكنش نسان نزلته علي الموتور ده،،،،،،،مبدأيا ده انجح عربيه كروس أوفر في العالم كله هي بعد التفتيح سحبها حلو بس أنا عشان معايا ٤٠٦ بحس انها أسد بالنسبلها بس عشان أنا من هواه الجري و كده بس لما بكون راكب مع أهلي و كده القشقاي أحسن عشان أوسع و ركوبها اعلي و استهلاكها في البنزين ممتاز و البانوراما بتعلم جو جامد جدا و اضائتها أحسن .....العيب الوحيد اللي أنا شايفه بالنسبالي التابلوه فقير و بي تعوض الكاسيت ال dvd في التوكيل ب ٤٥٠٠ بس لو حضرتك العربية بتقعد كتيار و مش مهتم بالبيع آوي فكر في البيرو كوىس جداً عشان بعد الفيس لفت بقت تحفه،،،، و أسف علي الاطاله

شكرا للجميع على الردود .. بس بالنسبة للسبورتاج .. انا مش عايز اركب كوري خالص :d

القاشقاي تتلخص عن تجربة
ثبات ممتاز، فرامل بسم الله ما شاء الله
تقفيل سئ جدا، اصوات تزييق في الأبواب مع فتح وقفل الشباك، ده غير ان الخامات نفسها فبر رخيص
بتلم دبان في الفانوس الخلفي ازاي معرفش والمشكلة دي شفتها عند ناس كتير معاها قشقاي
سوقت منها المانيوال وبصراحة ممتاز والسحب افضل من الأوتوماتيك بكتير
قطع غيارها مش رخيصة، وفي حاجات استهبال زي الكبالن ب 17 الف جنيه من غير ضريبة وتركيب
حاجة بالعقل الموتور إلي فيها هو هو إلي في التيدا، فأكيد مش هيبقى في نتيجة مرضية
فقر شديد في الكماليات

انا برشح السبورتاج، فيها اوبشنز كتيرة جدا، موتور 1600 / 140 حصان، اوسع، قطع غير ارخص
بس بصراحة فرامل القشقاي افضل بكتيرـ . وعامة الكوري دلوقتي اختلف كتير عن زمات وعن تجربة وخاصة كيا

بالنسبة للبيجو عربية مفيهاش كلام، موتور تيربو ، ثبات،، كل حاجة، يعيبها توكيل سئ وارتفاع اسعار قطع الغيار

المشاركة الأصلية كتبت بواسطة Omar_4ever

القاشقاي تتلخص عن تجربة
ثبات ممتاز متفق معاك ، فرامل بسم الله ما شاء الله
متفق معاك تقفيل سئ جدا غير صحيح بالمره ولعلمك خامات العربيه محترمه جدا اصوات تزييق في الأبواب مع فتح وقفل الشباك وحتى لو هنفترض ان ده موجود وان كان اول مره اسمع القصه دى دى مش مشكله واللى معاه حاجه زى دى تتعمل فى دقايق فى التوكيل ده غير ان الخامات نفسها فبر رخيص!!!!! ياراجل حرام عليك
بتلم دبان في الفانوس الخلفي ازاي معرفش والمشكلة دي شفتها عند ناس كتير معاها قشقايهههههه تصدق ضحكتنى انا من مﻻكها وان شاء الله لما انزل الصبح هعد عندى كام دبانه
سوقت منها المانيوال وبصراحة ممتاز والسحب افضل من الأوتوماتيك بكتير شئ بديهى وفى اى عربيه بالمناسبه
قطع غيارها مش رخيصة، وفي حاجات استهبال زي الكبالن ب 17 الف جنيه من غير ضريبة وتركيب اتفق معك فى سعر الكبالن ان استهبال وانا بعت شكوى لنيسان مصر ونيسان الشرق الاوسط بخصوص الموضوع ده وعامل بيه موضوع فى رابطة نيسان قشقاى وبدعوا مﻻك القشقاى انهم يعملوا شكاوى بخصوص الموضوع ده .بالنسبه لباقى قطع الغيار تعتبر منافسه لفئتها
حاجة بالعقل الموتور إلي فيها هو هو إلي في التيدا، فأكيد مش هيبقى في نتيجة مرضية شوف ياعزيزى اوﻻ محرك القشقاى نسبة انضغاطه 7، 10والتيدا 6، 9 القشقاى 118حصان عند6000 لفه فى الدقيقه التيدا نفس الاحصنه عند 5600 لفه فى الدقيقه القشقاى عزمها 154نيوتن عند 4400 لفه التيدا عزمها 154 نيوتن عند 4000لفه فى الدقيقه واعتقد ان كل القيم لصالح موتور القشقاى ولعلمك الموتور مناسب جدا لها وعزمه رائع وفى النهايه هى عربيه suv مش مطلوب منها تقمص شخصية العربيه السيدان وانا مش داخل بيها سباقات فورميﻻ
فقر شديد في الكماليات !!!! على اى اساس بنيت هذه المعلومه القشقاى عربيه ب190000 فئة الكروس اوفر وبها ( مصابيح زينون . ضبط اتوماتيكى لمستوى الاضاءه. رشاشات مياه للمصابيح الاماميه . سمارت كى وايموﻻيزر . سقف بانوراما . انظمة فرامل (ABS.EBD.BA ) . نظام فتح الابواب والشنطه بدون مفتاح . صندوق تخزين به فتحات تبريد . عجلة قياده تلسكوبيه ومكسوه بالجلد .....مش فبر رخيص اهه . جنوط رياضيه مقاس 17. مشغل CD سعته 6اسطوانات توضع مره واحده وتقلب مابينهم وaux . عدد 2 وسائد هوائيه . تكييف اوتوماتيك مزدوج التحكم . نظام امان لزجاج النوافذ ( رجوع اوتوماتيكى) . بالاضافه للكماليات الطبيعيه زى باور كهرباء والخ....... اعتقد لونظرت نظره متأنيه هتﻻقى العربيه بسعرها ده وكمالياتها دى رااااااااائعه وطبعا مفيش حاجه كامله ااكمال لله وحده كان نفسى يبقى فيها usb . مرايات ضم كهرباء وان كانت نقمه برضه ﻻن لو اى ميكروباص زى ماحصل معايا عدى من جنبك وخبطلك المرايه طبعا لو ضم كهرباء تبقى بالسﻻمه . وطبعا الكلمه الشهيره للناس اللى حافظه هههههه ( تابلوها فقير )معلش ياعم سيب فيه شويه فلوس وهيغنى . فى النهايه ياعزيزى انت لوكنت بتوصف عربيه صينى زى الباندينوا مثﻻ مع كامل احترامى لمﻻكها مكنتش عملت كده العربيه ماشاء الله تبارك الله زى الفل ولعلمك عمرى ماكنت هشتريها لو هى وحشه وكنت بعتها.

انا برشح السبورتاج، فيها اوبشنز كتيرة جدا، موتور 1600 / 140 حصان، اوسع، قطع غير ارخص
بس بصراحة فرامل القشقاي افضل بكتيرـ . وعامة الكوري دلوقتي اختلف كتير عن زمات وعن تجربة وخاصة كيا ويستمر المسلسل التركى الهابط الذى ﻻينتهى ابدا. وبعدين ياعزيزى تعالى هنا الراجل المحترم لخص الكﻻم جدا وحدده فى عربيتين ايه دخل اللى انت كاتبه بالموضوع اصﻻ

بالنسبة للبيجو عربية مفيهاش كلام، موتور تيربو ، ثبات،، كل حاجة، يعيبها توكيل سئ وارتفاع اسعار قطع الغيار مﻻحظ تحامل شديد على القشقاى منك لدرجه تخصيص مايقرب من ستة اسطر لها وللباقى سطر اواتنين واضح عدم الحياديه وهذا ﻻيعنينى لكن يعنينى هجومك الغير مبرر على القشقاى وإحقاقا للحق كان ردى .
تحياتى

...