| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

  1. #1

    الصورة الرمزية Moenada

    رقم العضوية : 156160

    تاريخ التسجيل : 17Feb2014

    المشاركات : 7

    النوع : ذكر

    الاقامة : القاهرة

    السيارة: Lancer

    السيارة[2]: Peugeot 508

    الحالة : Moenada غير متواجد حالياً

    افتراضي ليه بيجو 508 ومش حاجة تانية؟ أنا أقولك.. - Facebook Twitter whatsapp انشر الموضوع فى :

    hasad">

    السلام عليكم
    انا دخلت المنتدى ده بالصدفة من فترة قليلة وفعلا من احسن المنتديات المصرية الموجودة والمعلومات اللي فيه قيمة جدا...
    المهم، انا حاليا بفكر اشتري عربية جديدة وكنت محتار جدا بين البيجو 508 وعربيات تانية من نفس الفئة (تحديدا الباسات والانسيجنيا)، وبعد ابحاث طالت بالساعات والايام، على مواقع عربية وغير عربية، استقريت الحمد لله على البيجو 508...انا مش هتكلم عن مميزتها عشان الموضوع ده اتهرس 50 مره هنا، بس هركز اكتر على الحاجات اللي مخليّة الناس تحتار بينها وبين عربيات تانية (زي حالاتي كدة):

    1- سمعة الفرنساوي في مصر وحشة...انا معاك، بس ده بسبب موديلات تانية غير البيجو (زي الرينو والستروين) اللي جاتلهم فترة ولم تكن موفقة في السوق المصري، وبسبب ايضا التوكيل اللي كان ماسك بيجو (وجيه أباظة، وده اتغير الحمد لله) اللي اساء للماركة من حيث خدمة ما بعد البيع وقطع الغيار والموديلات الصيني اللي نزلت في الفترة الاخيرة

    2- العربية في السوق المصري بقالها سنتين تقريبا ومافيش اي شكوى منها او من التوكيل الجديد...بالعكس كلها حاجات ايجابية

    3- العربية قطع غيارها سعرها مناسب جدا خصوصا القطع الخاصة بالصيانة الدورية (الفلاتر، البوجيهات، التيل) وتكاد تكون مثل او اقل من الياباني والكوري...وزي ما قلت متجربة ومتوافرة ومافيش شكوى

    4- اسطورة بنزين 95 اتحلت بأن التوكيل نزل بيان ان العربية تشتغل ب 92 عادي وتقتدر تحاسبهم عل كلام ده...وبرضة الموضوع متجرب...وبخصوص تحسن الأداء لو حطيت 95، ف ده في اي عربية في الدنيا مش البيجو بس

    5- بالنسبة لموضوع اعادة البيع وانك هتخسر فيها: أي عربية هتبيعها قبل خمس سنين كده كده هتخسر فيها...بعد ال 5 سنين مش بتكون الخسارة الرهيبة اللي الناس متخيلاها...وانا شخصيا لو هدفع المبلغ ده في عربية مش هفكر ابيعها قبل 7 سنين على الاقل...ليه احرم نفسي من متعة العربية خوفا من مستقبل انا مش عارف ايه اللي ممكن يحصل فيه؟ وعشان ماخسرش كام في الاخر؟ في اعتقادي مش مبلغ هلامي، بس برضة ده انا...كل واحد ليه دماغه طبعا

    6- بالنسبة لموضوع ان البيجو اول كام سنة بتكون زي الفل معاك بس بعد كدة هتبهدلك وتفلسك بسبب قطع الغيار الغالية اللي بتضرب لما العربية تقدم...انا مش هقول غير كلمتين: ال504 و ال505...دول من اكتر العربيات اللي انتشرت في مصر زمان بسبب قوة تحملهم واعتماديتهم وكل حاجة ممكن تتخيلها...بدليل انهم لسه في الشوارع لحد دلوقتي، ولو بتروح الاقاليم اكيد بتشوف "البيجو" رايحة جاية...

    7- طيب هتقولي ده كان زمان وماكانش فيه ساعتها التكنولوجيا المتطورة بتاعت دلوقتي وال sensors و و و...انا معاك بس احقاقا للحق السمعة اللي طلعت على الفرنساوى بشكل عام وزي ما قلت ده شامل الرينو والستروين، والشكاوي في الموضوع ده بالنسبة للبيجو كانت قليلة جدا جدا وتقدر تسأل اي حد كان معاه بيجو قبل كده...وبعدين في حاجة تانية، ال 508 دي من سلاسة ال 504 و 505 ف ده شئ مطمئن في حد ذاته (غير سلالات البيجو التانية زي 206/7 او 307 او 406/7)...ده غير انها اعلى فئة في البيجو دلوقتي و بيجو بتراهن بسمعتها عليها (وسمعة بيجو مش حاجة قليلة في اوروبا) ف عشان كدة أشك انها ممكن تخاطر ولو ب 1% بموديل يكون فيه مشاكل...وبرضة زي ما قلت العربية متجربة بقالها سنتين وفعلا من العربيات القليلة جدا اللي الواحد ماشفش شكاوي منها

    الخلاصة اني فعلا بعد ما قتلت الموضوع ده بحثا، العربية دي بتاريخها وشكلها ومميزتها تستاهل اكتر من سعرها..

    اسف على الاطالة وارجو ان الموضوع يكون مفيد ويقلل من حيرتكوا


  2. #2

    الصورة الرمزية khaled_afandy

    رقم العضوية : 86336

    تاريخ التسجيل : 20Jan2011

    المشاركات : 536

    النوع : ذكر

    الاقامة : Cairo

    السيارة: Shaheen

    السيارة[2]: Ford Tempo

    دراجة بخارية: None

    الحالة : khaled_afandy غير متواجد حالياً

    افتراضي -

    الستروين سى 5 هى هى ال 508 بس ارخص 20 الف و فى رايى اشيك تصميما خاصة من الخلف و بها ايرباج زيادة


  3. #3

    الصورة الرمزية Abdo Taha

    رقم العضوية : 144858

    تاريخ التسجيل : 05Jun2013

    المشاركات : 1,677

    النوع : ذكر

    الاقامة : Mokatam

    السيارة: Peugeot 406

    السيارة[2]: Opel Vectra C 2008

    دراجة بخارية: مش ناقصيين حوادث

    الحالة : Abdo Taha غير متواجد حالياً

    افتراضي -

    بجد رأي يحترم جداً و العربية اثبتت نفسها توكيل كويس عربية يعتبر خالية من الاعطال و مميزة و لكني مع حبي لها لو مكانك هجيب الانسجنيا شايف انها احلى كتابلوه و شكل خارجي " اذواق " و كمان جديدة على العين و ملفتة اكثر و امكانيتها اعلى + ال intellink اللي امكانياته خرافية بس برضه لا نقلل من ال 508 اللي لازم تكون في الحسبان الفئة دي لأنها اثبتت جدارتها فعلاً

    اخوكم عبدالرحمن طه


  4. #4

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,977

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    hasad">

    ال 508 عربيه محترمه ..




 

المواضيع المتشابهه

  1. ليه بيجو 508 ومش حاجة تانية؟ أنا أقولك..
    بواسطة Moenada في المنتدى بيــــجو
    مشاركات: 18
    آخر مشاركة: 25-02-2014, 01:52 PM
  2. بطارية ولا حاجة تانية؟؟؟؟
    بواسطة NightmarE84 في المنتدى بطاريات
    مشاركات: 9
    آخر مشاركة: 22-12-2013, 08:58 PM
  3. مشاركات: 3
    آخر مشاركة: 09-04-2013, 08:14 PM
  4. ضبط زوايا ولا حاجة تانية
    بواسطة ibnelfared في المنتدى إطارات
    مشاركات: 5
    آخر مشاركة: 29-08-2012, 03:41 PM
  5. اللى يبيع ماتش .. يبيع اى حاجة تانية وده لو كان ف حاجة تانية اصلا .
    بواسطة Terrible_DaRsH في المنتدى المنتــــــدى الاجتمــاعى
    مشاركات: 41
    آخر مشاركة: 30-04-2009, 03:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2