هل التعريض يخرج العفشه من الضمان ؟

**grumby78** · 21-02-2014 05:25 AM

نويت ان شاء الله على تغيير الكاوتش لبريدجستون . وسألت في fit & fix على الاسعار للمقاس 15 195 60 - تعريض عن الحالي . والسؤال هو هل التعريض حيخرج العفشه من الضمان ولا ايه ؟

**mhmd_farouq** · 21-02-2014 09:33 AM

بص يا باشا انا سألت مره فى التوكيل مهندس هل لو غيرت الجنط هيحصل حاجه قالي اه ممكن تطلع العفشه من الضمان .. بص هما بيتلككو بأي حاجه عشان تطلع من الضمان . أعتقد ان الموضوع ده ساري على الكاوتش برضه هيقولك احنا حاطين أنسب جنط وكاوتش للعربيه وحضرتك غيرته .. فا نصيحتي امشي بيها شويه واهلك الكاوتش بتاعهم بعد كده غيره

**devil_storm** · 21-02-2014 10:15 AM

اللي اعرفه انك لو كبرت الجنط العفشه تخرج بره الضمان لكن الكوتش معرفش ... افضل تسال في التوكيل اثناء عمل الصيانه

**firstknight_eg** · 21-02-2014 10:58 AM

طبعا.... ده حتي التعريض اللي منتشر دلوقتي خرج البلد كلها بره الضمان..... معلش بأه الأفيه تحكم ....هههههههههههههههه

**ibrahimsaad** · 21-02-2014 01:02 PM

انا راى مفيش داعى دلوقت لتغيير الجنط او الكاوتش لغايه لما يهلكوا ونستفيد بفلوسهم وبعدين نبقى نغير براحتنا نكون عدينا فتره الضمان

**ahmed452003** · 21-02-2014 01:33 PM

راييي المتواضع انك تغير المقاس الى 205/60r15 المقاس ده مشهتلقاه الافي كونتيننتال كونتاكت 2 عن تجربة عجلة ممتازه انا معايا الشكل القديم والجديد والاتنين راكبين زي الفل ثبات اكتر .. جرب وادعيلي ... اما عن موضوع انوا بيخرج العفشه من الضمان انا رحت اوتوا ايجبت وعملت الصيانه وانا معرض ولالالا حياه لمن تنادي ولاحد كلمني ولا قلي اي حاجة والصيانه اتعملت وكله تمام وغيرت حاجات على حساب الضمان ... متقلقش وتوكل على الله ....

**grumby78** · 21-02-2014 04:30 PM

المشاركة الأصلية كتبت بواسطة ibrahimsaad

انا راى مفيش داعى دلوقت لتغيير الجنط او الكاوتش لغايه لما يهلكوا ونستفيد بفلوسهم وبعدين نبقى نغير براحتنا نكون عدينا فتره الضمان

يافندم الكاوتش الماكسيس ده سيء جدا وبعدين انا بسافر ومحتاج حاجه افضل للثبات والفرامل وانعم للعفشه وكل ده موجود في البريدجستون مقاس اعرض

**grumby78** · 21-02-2014 04:32 PM

المشاركة الأصلية كتبت بواسطة ahmed452003

راييي المتواضع انك تغير المقاس الى 205/60r15 المقاس ده مشهتلقاه الافي كونتيننتال كونتاكت 2 عن تجربة عجلة ممتازه انا معايا الشكل القديم والجديد والاتنين راكبين زي الفل ثبات اكتر .. جرب وادعيلي ... اما عن موضوع انوا بيخرج العفشه من الضمان انا رحت اوتوا ايجبت وعملت الصيانه وانا معرض ولالالا حياه لمن تنادي ولاحد كلمني ولا قلي اي حاجة والصيانه اتعملت وكله تمام وغيرت حاجات على حساب الضمان ... متقلقش وتوكل على الله ....

انا برضو قلت كده ولا سؤال ولا حاجه عشان بالنسبه ليا التغيير للاعرض ضروره .. بس 205 ده كتير 195 مناسب وحيزود المداس تقريبا 1 سم