السلام عليكم
انا عندي سؤالين هو الايدل بتاع اللوجان علي كام rpm عشان ساعات بلاحظ ان المؤشر بيبقي تحت النص و العربية ساعات بحس فيها برعشة (وساعات بتقلب رجة خفيفة و بعدين الrpm يلعب و يطلع فوف النص سنة و يرجع نص تاني)......السؤال الثاني اما كنت بشغل التكيف كان الrpm بيعلي تحت الواحد (و ده طبعا عشان حمل التكييف) انما دلوقت الrpm بينزل تحت النص و العربية تبرجل و بعدين يعلي تاني علي النص و ميرضاش يعلي لتحت الواحد زي الاول هو ده كده مشكلة تكييف و لا الايدل برضه؟؟؟؟؟

انا موديل 2013 و علي مشارف تكملة ال 15000 كم....كانت عندي مشكلة في عوامة البنزين و قراية العداد بتاعها فغيرولي باكدج الطرمبة كله (الطرمبه بفلترها بعاومتها بسلطاتها بابا غنوجها) في الضمان و سلك البنزين اتقطع فغيروه و عندي احساس ان صوت العربية قلب علي لادا بس التوكيل بيقولي عادي (انا حاسس ان العربية اتنشت عين)........هل الكلام ده ليه علاقة بالايدل؟؟؟؟؟!!!!

العربية بتسحب كويس (مجربتهاش بالتكييف بعد المشاكل ده).....مفيش مشكلة في التدوير الصبح و استهلاك البنزين كويس في حدود 8 لتر \100 كم (ده شامل كل الظروف زحمة و جري خفيف و تسخين الصبح)

معلش سؤال ثالث بمناسبة سلك البنزين اللي اتقطع (و اتحشر جوه المجري بتاعه و خلي البوابه فل ثروتل يعني الدواسة كانت محشورة في الارض و متداسة علي اخرها) ..... انا شغلت العربية 3 مرات بالظروف ده و من الكونتاكت المحرك بينط علي الخط الاحمر و طبعا كنت بفصل الكونتاكت علي طول لحد اما عرفت اهديها و ارخي سلك البنزين من قدام و مشيت بيها بتاع 50 متر سلانسيه لحد اما وصلت لأقرب ميكانيكي و غيرت سلك البنزين و مشيت بالعربية عادي بعد كده حوالي 80 كم (كنت مشغل التكييف فيهم) لحد اما روحت التوكيل بعده بيومين عشان يعرفوا فيها ايه..........................و السؤال هل اي حاجة من اللي كانت متعلقة بقطع سلك البنزين اللي اتقطع ده تكون اثرت علي حاجة جوه الموتور (يعني جوانات اولسيهات تاكيهات كوستبانات خاصة ان صوت الموتور الي مش مريحني جاي من التاكيهات)......اخيرا هل 50 متر سلانسيه (اللي كان علي نص rpm ) تكون اثرت علي الايدل؟؟؟؟

اسف علي الاطالة و لكم الشكر مقدما