الموضوع: حكايتى مع الكوبلن حكاية طويلة

الموضوع ببساطة انى من شهر تقريبا وانا بحود بالعربية شمال سمعت صوت طقطقة عالية جدا وعلشان انا جديد فى موضوع العربيات قلبى وقع فى رجلى وقمت موديها لميكانيكى جارنا علشان استشيره واعرف تتصلح عنده ولا لازم عفشجى قام مجربها ولف بيها يمين وشمال لقينا ان الصوت بيطلع مع اى اتجاه قام قالى دى حاجة بسيطة سبهالى ولنا اظبطها.
المهم سيبتهالو ساعة وبعدين رحتله قالى لازم نغير بيضة الدركسيون يمين وشمال وبالمرة بيضة المقص اليمين قالت له ماشى رحت اشتريتهم ب 225 واديتهم له ورحت مشوار ولما جيت لقيته ركبهم وبيحل فى الكوبلن اليمين قلت له بتعمل ايه قالى انا جربت العربية ولقيت الصوت راح بس فيه صوت تانى وانا ماشى طوالى صعب انك تلاحظه فقلت ابص على الكوبلن ولانه جارى وانا بأثق فيه صدقته وبعد ما كشف عليه قالى ده بايظ لازم يتغير طبعا اتغميت بس ما باليد حيلة كان خلعه قلت له نجيب واحد جديد قالى مفيش جديد لازم استعمال قلتله ماشى وقمنا رايحين لواحد صاحبه بتاع استعمال واخدنا واحد ب 280 بعد الفصال وقام مركبه واخد 100 جنيه وقلت مش مشكلة المهم انها اتصلحت
المهم انى كل مااكلم حد عنده عربية واقول كنت بسمع صوت طقطقة مع الدوران يقولى ده كوبلن على طول ولما اقول انى غيرت البيضات يستغرب
الاهم انه بعد 10 ايام وانا باخد دوران على الواسع سمعت طقطقة برضه بس المرة دى خفيفة قمت رايح لميكانيكى تانى بس محترم قالى ده كوبلن بس خليك ماشى بيها عادى ومتقرص على الدركسيون للاخر
انا طولت عليكم بس ده بهدف الاعتبار محدش يسيب العربية للميكانيكى ويمشى مهما كان ثقة او جارك
تانى حاجة احذر من المستعمل
تالت حاجة ممكن حد يقولى فين الاقى كوبلن جديد فى الاسكندرية وبكام