موضوع جامد اوى بصراحة وانت فعلا معلم وجيت فى وقتك .. انا كان نفسى فعلا اشوف شكل التابلوه بالكييف
التاتش وياترى فرق ولا لأ وبصراحة فعلا فرق جامد ومحلى شكل العربية من جوة
رقم العضوية : 154417
تاريخ التسجيل : 10Jan2014
المشاركات : 32
النوع : ذكر
الاقامة : cairo
السيارة: nissan
السيارة[2]: lanos
الحالة :
السلام عليكم
[اولا : احب اشكر كل القائمين على هذا الموقع الرائع دا و اللى ساعدنى كتيييييييير جدا فى اختيارى لسيارتى الجديده و دا طبعا فضل من ربنا اولا ثم اراء الاخوه الاعضاء الكرام هنا ربنا يبارك فيكم
نبدا بقى تقريرنا اللى اتمنى من الله انه يوفى كل الاستفسارات لأخوننا الاعضاء الافاضل
كلامى هيبقى عن النيسان الصنى السوبر صالون 2014 بأخر تحديث ليها بعد اضافة التكييف التتش
انا احترت كتير قبل ما اجيبها و اخدت اراء ناس كتير و كنت بقارن بينها و بين البيجو 301 و الاوبترا
و فى الاخر استقريت عليها لان سعرها مناسب جدا بالنسبه للاوبشن الكتير اللى موجود فيها و كذلك وسائل الامان كمان و وسع صالونها و لقيت انى ادفع 120 الف فى سياره كامله و لا انى ادفع 125 فى اول فئه زي البيجو 301 او 117 الف فى سياره فاضيه زى الاوبترا و الحمد لله كان اختيار موفق جدا و خالى من اى عيوب عدا موضوع الكاوتش بتاعها و دا هنتكلم فيه لان قصته كبيره ...
استلمت السياره من 20 يوم بالظبط و جبتها لونها رمادى و دا اشيك لون فيها انا بحبه و طبعا دى ازواق
و طلعت من المعرض على البنزينه فولت و طلعت على بتاع كاوتش علشان اغيره لانى كنت واخد القرار دا بناءا على شكاوى كل ملاك الصنى من الكاوتش طبعا بعد السؤال لقيت افضل مقاس 15 *195 *60 فسألت الراجل عليه قاللى انا عندى ال 196 *65 و دا افضل ليك لنك بكدا مش هتلعب غير فى عرض الفرده فقط و طبعا الكلام دا غلط جدا بس انا مكنتش اعرف .. المهم اقنعنى بيه و ركبت 4 فرد بريدجستون
فرنساوى حديث الصنع و بصراحه الكاوتش كنوع كان تحفه و كشكل كان رااائع لكن للاسف فى الاداء خذلنى و دا هنعرفه بعدين و احنا بنتكلم على الثبات و السرعه ...... و هبقى انزلكم صوره بعد التركيب
عملت بيها 1700 كم الى الان و طبعا عدت فترة التليين على خير و كنت محافظ على تعليماتها زى ما بيقول الكتاب بالظبط و عملت صيانة الالف كم من 5 ايام فى الاتحاد الوطنى بطنطا و الحمد لله ناس كويسين و تعاملهم محترم و كويس جدا و مخدتش ساعة زمن و حطيت فيها زيت 5 الاف شيل و فلتر و اتكلفت 197 جنيه
و دا طبعا من كتر ما قريت هنا فى الموقع انه افضل انى احط زيت 5 الاف علشان يبقى نضافه للموتور لحد ما يطبع تماما و نضافه ليه برضه و دى ناحيه فنيه انا مفهمش فيها قوى لكن دى نصائح بعض الاخوه الاعضاء هنا سواءء عن خبره او عن تجربه و عدت على خير و ابتديت اجرى بالعربيه و اتخطى ال100 كم الى ان وصلت بيها على الطريق الصحراوى ل 165 كم و كان رايق شويه فأبتديت اتنقل من حاره لحاره فى مناوره مدروسه و ليس تهور للوقوف على مدى ثبات السياره على السرعات العاليه و كانت المفاجأه ان السياره عومت منى و دا طبعا فيما بعد عرفت انه بسبب الكاوتش اللى غيرته مقاسه مش صح و دا ادى الى رفع العربيع عن الارض اكتر من المعدل الطبيعى بس مكدبش عليكم كنت ببقى معايا الاسره و الشنط و باخد اجدعها مطب على العدل و انا مرتاح بس طبعا فى السفر و على سرعات عاليه طبعا دا خطر جدا جدا و خاصتا لو قمنا بمناوره حاده او غرزه يعنى ممكن الواحد ميعرفش يلم نفسه لا قدر الله المهم رجعت للراجل بتاع الكاوتش و اتناقشت معاه و قولتله على اللى حصل و بدون خوض فى التفاصيل طلع محترم و اتصرفلى فى المقاس الصحيح اللى انا عايزه اللى هوا 15 *159 * 60 و جيبته كومهو فيتنامي لانه عجبنى جدا كنقشه و عامل زى الملبن يعنى طرى جدا و هيحسسك بنعومة العربيه و ركبناه و ظبطناه نيتروجين 33 قدام و 30 ورا زى التعليمات و سافرت تانى و جربت برضه على نفس السرعات و المناورات لقيت الدنيا اتظبططت تمام و العربيه بقت راسيه اكتر من الاول بكتيييييييييييييير و الحمد لله
و انصح كل اللى عايز يغير الكاوتش الماكسس السئ اللى نازل معاها انه يركب المقاس دا و برضه هيحافظ على ارتفاعات السياره كما هى بل و سيزيدها استابلتى اكتر كمان و للعلم انا دفعت فرق بينه و بين الماكسيس 1100 جنيه و دا اقل سعر قدرت اوصله بعد ما سألت محلات كتير جدا
نيجى بقى للتقفيل .. انا شايف انه كويس جدا كونه مصرى و تسلم الايادى يا نيسان مصر
الشكل .. ممتاز و مرضى جدا ليا خارجيا و داخليا و خصوصا بعد تغيير التكييف لتتش بدل البكر غير شكل التابلوه تماما و بقى راااااااااااااائع و برضه هبقى ارفع صوره للى مشافوش
الثبات .. بعد تغيير الكاوتش هتحس بالفرق و دا طبعا للى بيسافر كتير و بيجرى زى حالاتى اما لو مش متوفر معاك فلوسه او مش بتسافر كتير او مش بتحب تجرى فمش لازم تغير و عيش باللى فيها
التكييف ... شغلته فى يوم حر بعد صيانة الالف كان كويس جدا و بليل فى الساقعه جربت السخانات الخلفيه لاذابة الجليد و الهوايات الاماميه لاذابة التبخير من على الزجاج الامامى كان ممتاز جدا
العزل .. ممتاز جدا و صوت الموتور هادى جدا و هدى اكتر بعد صيانة الالف
الكاسيت .. صوته رائع و اوبشن سهل و تحكم الطاره و البلوتوث اكثر من رائع
الاضاءه ... راااااااااااااائعه جدا جدا سواء شبوره او عالى او واطى
المساحات و بخخات الزجاج جميله جدا
سحب السياره .. ممتاز بالنسبه لسعة الموتور و عدد الاحصنه
استهلاك البنزين ... انا حاسس انه معتدل و ساعات بيبقى كتير شويه و دا حسب طبيعة السواقه
بس عيبه صغر حجم التانك 41 لتر فقط بس سمعت من بعض الاعضاء الافاضل انه هيتظبط و يوصل لافضل معدل بعد ال 5 الاف كم و العلم عند الله لكن فى المجمل مقبول الى الان
الفرامل .... كويسه جد و المشاكل القديمه اللى كنا بنسمعها زمان الحمد لله ملقيتهاش موجوده خالص
الفرش ...جميل و رحت شارع دمشق ركبتلها فرش جلد بيج ب 400 جنيه و في هناك لحد 1200 جنيه و دا طبعا كل واحد و مقدرته و ذوقه فى الاختيار
بأختصار يا جماعه العربيه على سعرها و امكانياتها صفقه رابحه جدا جدا و انصحكم بيها
بالنسبه للعيوب اللى انا ليا تعقيب عليها و هى صغر حجم تانك البنزين و العربيه خفيفه شويه على الطريق و دا طبعا لانهم مخففين وزنها علشان تلائم الموتور الجديد لكن هذا هو شأن اغلب السيارات الحديثه و برضه اللي هيفكر يشتريها لازم يبقى حاطط فى دماغه انه مش رايح يجيب بى ام مثلا هههههه زى ما بنقول كده بالبلدى كل برغوت و على قد دمه
يا رب ما اكون نسيت شئ و قدرت اوصلكم المعلومه بأسلوب مبسط و اسف على الاطاله و اللى عايز اى استفسار انا فى الخدمه و جاهز للرد دائما و دا رابط الصور بعد تركيب الكاوتش الاعرض و شكل التابلوه اللى اتحسن بعد التعديل للتكييف التاتش
http://www.shy22.com/upfiljpg/xyt25607.jpg
و تذكروا دائما ان دا رأى شخصى نابع من خبرة ركوب و سنين سواقه و تنوع فى أنواع السيارات و ليس رأى فنى نابع من مصنع او دارس و على رأى المثل اسأل مجرب و متسألش طبيب و دا احلى ما فى الموقع الجميل دا و ربنا يبارك للى عمله و دمتم بخير دائما يا اخوانى
رقم العضوية : 155721
تاريخ التسجيل : 07Feb2014
المشاركات : 146
النوع : ذكر
الاقامة : القاهرة
السيارة: نيسان صنى
السيارة[2]: شيفورليه افيو
الحالة :
موضوع جامد اوى بصراحة وانت فعلا معلم وجيت فى وقتك .. انا كان نفسى فعلا اشوف شكل التابلوه بالكييف
التاتش وياترى فرق ولا لأ وبصراحة فعلا فرق جامد ومحلى شكل العربية من جوة
رقم العضوية : 141666
تاريخ التسجيل : 25Apr2013
المشاركات : 55
النوع : ذكر
الاقامة : القاهرة
السيارة: NISSAN SUNNY 2014
السيارة[2]: OPTRA
الحالة :
هو مش المفروض الكاوتش يكون 15/60/185؟؟؟
رقم العضوية : 4197
تاريخ التسجيل : 16Jan2008
المشاركات : 750
النوع : ذكر
الاقامة : alexandria
السيارة: my other car is a time machine
السيارة[2]: nissan sunny EX 2013
دراجة بخارية: no
الحالة :
ربنا يباركلك فيها يافندم . الكاوتش اللي حضرتك غيرته زاد من المداس اللي هو الجزء من الكاوتش الملامس للارض تقريبا 1 سم وخفض من ارتفاع السياره جزء بسيط جدا .. العربيه معايا من سنه بس انا معايا ex وزي الفل والحمد لله على نعمته وبدون اي شكوى . نيسان صفقه رابحه ومراكز صيانه محترمه .
Ahmed Hassan
رقم العضوية : 4197
تاريخ التسجيل : 16Jan2008
المشاركات : 750
النوع : ذكر
الاقامة : alexandria
السيارة: my other car is a time machine
السيارة[2]: nissan sunny EX 2013
دراجة بخارية: no
الحالة :
بالمناسبه انا غيرت الكاوتش النهارده الحمد لله بس بنفس المقاس 15 185 65 بريدجستون ar20
فرده ناعمه جدا وبلاصوت تقريبا والعفشه انعم كتير ..
Ahmed Hassan
رقم العضوية : 155583
تاريخ التسجيل : 04Feb2014
المشاركات : 105
النوع : ذكر
الاقامة : المنصورة
السيارة: لا يوجد
السيارة[2]: نيسان نيوصني 2014
الحالة :
تقرير رائع ، وفعلا المفروض اللي استلموا نيوصني 2014 يبدأوا يتكلموا عن العربية عشان الناس اللي مستغربة اﻹنتشار الواسع ليها في الشارع ولسه موهومين بمشكلة تيل الفرامل اللي من سنة
رقم العضوية : 152553
تاريخ التسجيل : 01Dec2013
المشاركات : 2,072
النوع : ذكر
الاقامة : القاهرة الجديدة
السيارة: skoda octavia a4
السيارة[2]: هيونداي اكسل
الحالة :
مبروك يا باشا
السن ..16 سنة
رقم العضوية : 132787
تاريخ التسجيل : 28Dec2012
المشاركات : 420
النوع : ذكر
الاقامة : القاهرة
السيارة: Sunny 2014
السيارة[2]: Lanos 2011
الحالة :
الف مبروك يا باشا و بنا يكفيك شرها
تقرير ممتاز
رقم العضوية : 150948
تاريخ التسجيل : 01Nov2013
المشاركات : 1,317
النوع : ذكر
الاقامة : الأسكندرية
السيارة: بيجو 301 MT
السيارة[2]: بيجو 206
الحالة :
ألف مبروك
ربنا يبارك لك فيها و يجعلها لك عونا على طاعته
بس لو تحط شوية صور زيادة التقرير هيبقى أكار من ممتاز
رقم العضوية : 141666
تاريخ التسجيل : 25Apr2013
المشاركات : 55
النوع : ذكر
الاقامة : القاهرة
السيارة: NISSAN SUNNY 2014
السيارة[2]: OPTRA
الحالة :
المفضلات