الموضوع: مشكله فى التكييف - a5 2007

المشاركة الأصلية كتبت بواسطة moratoz

خليك في الياباني احسن وعمرة أطول نت الأصلي وتسقيعه أقوي ولكن تقريبا بيدي ايرور لما العربيه بتتحط علي الجهاز

انت متأكد من موضوع الايرور ده . طب ولو كان كده ما فيش حل علشان الايرور ده يروح

المشاركة الأصلية كتبت بواسطة abayoumi

التكييف عندى لا شغال ساقع ولا سخن قلت اروح اشوف ايه الموضوع قبل ما الصيف يخش وخاصة انى اللى شارى منه العربية كان مغير السربنتينه قبل كده بسبب الرطوبه فى الاسكندرية المهم رحت لمهندس فى شبرا كنت سمعت عنه اسمه محمد جابر ، المهم كشف على التكييف وقال لى ان الكمبريسور محروق ومحتاج تغيير، بصراحة انا كنت فاكر ان الموضوع هايكون السربنتينة تانى المهم طب اسعار الكمبريسور كام ياباشمهندس قال لى فى صينى عامل حوالى 2500 ويابانى ساندن بالضمان سنه وبالتركيب وكل حاجة هايكلف 3800 وفى الاصلى بحوالى 4000 تقريبا وهو بينصح باليابانى
فكنت عايز اعرف رايكم ايه؟؟

انا عندى سكودا a5 2006 التكييف بتاعها عطل لوحدة لا ساقع ولا سخن روحت عند المراكبى فى جسر السويس قاللى نفس الكلام اللى اتقاللك بالظبط مرضيتش اكمل عندة ومشيت روحت عند احمد رابح ورا حديقة بدر فى الاربعين غيرلى الكمبريسور بواحد استيراد بتاع باسات المانى اصلى حوالى 2300 ودة كان شهر 4\2013 ومن ساعتها التكييف شغال تلاجة مش قادر ارفع السرعة عن 2 فى عز الضهر فى شهر 7 الاول كان عالاخر والتسقيع ضعيف دلوقتى تلاجة