حيران، متردد، وعايز عربيه بسرعه

**windows9x** · 22-02-2014 06:58 PM

اخواتى الكرام

انا معايا 70 الف وكنت بدور على دايهاتسو سيريون 2009 اتوماتيك بس مش عارف ايه اللى طلعها فى دماغى فجأه وقلت لنفسى انا عايز اركب المانى .. بصيت على الاسكودا ال a4 2003 الاتوماتيك وعجبتنى جداً وبرضه بصيت على الايبيزا ال 2009 وعجبتنى كمان!

المهم انا محتار ..العربيتين المانى والاتنين من حيث المساحه هيقضوا الغرض و اسعار قطع غيارهم متقاربه .. ايه رأيكم انتم؟

**ahmedalaahosny** · 22-02-2014 08:59 PM

الاسكودا اسعار قطع غيار وانتشرها اكتر من الابيزا صحيح هي الابيزا 2009 فتيس ‏dsg‏ ولا لا

**windows9x** · 23-02-2014 04:56 PM

بالظبط الفتيس بتاعها dsg .. اقلق منها ولا ايه؟

يعنى الاسكودا احسن من الدايهاتسو و الابيزا؟ حتى لو موديل قديم؟ وفتيس اوتوماتيك مستعمل؟

**windows9x** · 23-02-2014 05:25 PM

عندى برضه سؤال تانى

ساعات لما بدور على عربيات المانى بشوف كلمة "موافقه استيراديه المانيا" .. دى معناها ايه؟ وكده حلو ولا وحش؟

**ahmedalaahosny** · 24-02-2014 03:02 AM

اعتقد الاسكودا هتبقي افضل لان ال ‏dsg‏ لو صاحبها مكنش حريص اوي ف الاستخدام هتكرهك ف العربيات خاصة القديم كان سئ مع الزحمة عشان بيسخن اما بالنسبه لحكاية موافقه استيرادية ده ف حد ذاته شئ كويس معني كده ان العربية تشيكي تقفيل الماني وان صاحبها محتفظ باوراقها وجايز تلاقي معاه الكاتالوجات وبرده سيبك من الدايهاتسو شكلها كئيب اوي ودي مجرد اختلاف اذواق ولا تقارن ف الثبات ب ‏a4‏ من اساسه بس اهم حاجة عربية تكون حالتها نضيفه

**omaranes77** · 24-02-2014 03:57 AM

توكل علي اللة في a4 عالم تاني انا معايا مانويل والعربية ماشاء اللة ممتازة بس اهم حاجة الكشف الدقيق والاتوماتيك مش عايةى شد وحرق لاو غاوي شدو كدة علي وعلي المانويل واي سؤال تحت امرك

**windows9x** · 24-02-2014 11:48 AM

أشكركم جميعاً .. وحاجه اخيره، معلش انا عارف انى ممل

انا برضه فى حيز الفلوس دى دورت على جولف 4 2001 مانيوال او اوتوماتيك .. ايه رأيكم فى الجولف؟

جولف ولا سكودا؟ ومين سمكريه اقدر افحص العربيات دى عندهم لو فى مدينه نصر؟

شكرا

**omaranes77** · 24-02-2014 09:30 PM

المشاركة الأصلية كتبت بواسطة windows9x

أشكركم جميعاً .. وحاجه اخيره، معلش انا عارف انى ممل

انا برضه فى حيز الفلوس دى دورت على جولف 4 2001 مانيوال او اوتوماتيك .. ايه رأيكم فى الجولف؟

جولف ولا سكودا؟ ومين سمكريه اقدر افحص العربيات دى عندهم لو فى مدينه نصر؟

شكرا

نفس الموتور هو هو 1.6sr ومدينة نصر عند المهندس خالد سكودا او فولكس هيكشفلك علي اعربية كلها